أنواع الشباب لمن يوقفون عند الاشارات.. هع هع

[لبى خفوقي]

السلام عليكم

الشباب بليز لالا تزعلوا ....بس هاذي الصراحه هههههههههه
موضوع حلو واتمنى ينال على اعجابكم ويلا خلكم صريحين
وكل واحد منكم ويش النوع الي ينطبق عليه :d



النوع رقم 1: متنح


هذا النوع إذا وقف تلقاه يدخل جو ويقعد يتخيل ويناظر بالدركسون ويندمج

حتى اذا فتحت الإشاره يبيله ساعه علشان يفك من التتنيحه ويمشي

تكون الإشاره وقتها طفت فـ يضطر انه يدخل جو مره ثانيه


النوع رقم 2: وجه المرايا


هذا طال عمركم إذا وقف مغير يناظر وجهه بالمرايا شوي ويدخل فيها يا أنه يعدل الشخصيه ولا يمشط شعره وغالبا يكون موجه المرايا على وجهه ومخلي القرعه ترعى000



النوع رقم 3: طالعني


هذا نوع يموت ويشوف الناس تناظر فيه وعادة مايكون مرفع صوت المسجل على الآخر

وفاتح النافذه عالخفيف حتى لو أنه مشغل المكيف وحتى لو الناس صيف أهم شي

الي حواليه يناظرونه وإذا شافك تناظره يقعد يطالعك من تحت لتحت ويبشقلك ابتسامه صغيره

بحيث انك تبتسم ضاحكاً عليه وهو يفكرك معجب فيه وإذا فتحت الإشاره يمشي قدامك

ويضرب لك إشارات يمين يسار




النوع رقم 4:والله مخاوي


هذا النوع يكثر لدى أصحاب السيارات الفخمه ,, أتحداك توقف عند إشاره ماتلقاه ماسك النقال

ويكلم ومميل راسه على جمب شوي ويضرب في القزازه وتلقاه يناظر نظرات ذكيه يشوف هل

فيه أحد ملاحظ أنه يكلم ولا لأ ؟





النوع رقم 5 :داخل جو


وهالنوع يجيك مقفل النوافذ ومشغل المكيف صيف وشتاء ومرفع صوت

المسجل عالآخر ومنسجم مع الأغنيه وقاعد يغني مع المطرب ولا بداري عن الي حواليه

مع أن الي حوله ملاحظينه بس مادرى عنهم ولا طق لهم خبر وطبعاً يقدر الفن الأصيل

ملاحظه : إذا تبي الناس تناظرك يعطونك اشكل وإذا ماتبي يناظرونك تلقاهم ناشبين ببلعومك



النوع رقم 6: والله أشرب دخان


هذا النوع ماتحلى له السيجاره الا إذا وقف عند الإشاره ويفتح النافذه على النص ويجلس يسحب

سيجاره عند كل إشاره لين مايوصل إلى وجهته المرتقبه ---> عاد تكفى الوجهه رايح القهوه00



النوع رقم 7: بلوتوثي


يتميز من يتصنف هذه النوعية بميزة البثاره , ماغير يسوي بحث عالبلوتوث ويرسل للي بجمبه

بالإشاره وعادة مايحاول يستظرف ويرسل لك رقمه مع أن النك نيم حقك وأضح أنه حق تمساح

بس البثر بثر ياجماعه ماباليد حيله غير الدعوه بالشفاء 0000



النوع رقم 8:: الباحث عن السحالي


يميز الجيل الجديد من المراهقين بميزة جديده وهي الترقيم بطرق جديده يعني لو شاف بنات

بجمبه وحب يرقمهم يجلس يطامر ويحوس ولا يسوي بريك بنزين ولا أنه يحط المعروض الي

مكتوب عليه السياره للبيع ورقم الجوال وحظك نصيبك تدق ولا ماتدق

مع أنه جالس يحتريها من الصبح0



النوع رقم 9: لايمكن الإتصال به الآن


هذا النوع للمتزوجين والمواعدين فقط

تلقاه داخل عالم ثاني مع الي بجمبه وساحب على أبو الدنيا ومافيها , والله يحق له ماينلام

بس أحذركم لاتقعدون تطالعون فيه والله الي يحقد عليك ويحدك حدّه أليمه يصعدك الرصيف00


النوع رقم 10: ورع وصار رجل

هذا الي توه متعلم يسوق وتلقاه مستلج بالإشاره مرات يدعس بنزين والقير فاضي

ومرات يرقص السياره ومرات يتفنن في الرقص مع أنه بلحاله





مع تحياتي:لبى خفوقي

[بنت3bs]

لبى خفوقي يعطيج العافيه على الموضوع

احسن شي "النوع رقم 5 :داخل جو "

ما يدري عن هوا داره وبعدين لما تشوفون الاشارات الاغلبيه حريم

والرياجيل في الدواوين.......

تقبلي مروري أختج:غرور الزين

[3jmia oo aft5r]

يعطيج العافيه عـ الموضوع ،،،
تقبلي تحياتي..

[بيرق العز]

اما انا ينطبق علي ( متنح - بلوتوثي ) هع هع
ومشكورة ياخت لبى خفوقي على الموضوع الروووعه وننتظر منش المزيد من المواضيع الجميلة
وتقبلي تحياتي ومروي

[لنا بالمغرب ذكريات]

عفوا مافيه نوع ثاني يعني رقم 11\

لني مالقيت نفسي مع اي واحد

يعني مافيه احد يربط احزام الامان ونظرته بس للاشاره هههههههههههههههه


تقبلو تحياتي

[مطلق الخالدي]

يعطيك العافيه
اختي لبى خفوقي
دخلتينا جو مع موضوعك

[عيون الكون]

هههههههههههههههه
لاهنتي

[*ابوخالد*]

يعطيج العافيه
اختي لبى خفوقي بس الشباب ونتم يبنات يووووووووووووووووووووو اهم شي عندكم علبة المكياج والكحله عند الاشاره

تقبلي مروري ولاهنتي

[عزوتي يام]

ههههههههههههه

اي والله انج صدقتي بس حرام مو الكل بعضهم والله محترم حيل وعيونه بس ع الاشاره


يسلمووووو

[لبى خفوقي]

المشاركة الأصلية كتبت بواسطة غرور الزين

لبى خفوقي يعطيج العافيه على الموضوع

احسن شي "النوع رقم 5 :داخل جو "

ما يدري عن هوا داره وبعدين لما تشوفون الاشارات الاغلبيه حريم

والرياجيل في الدواوين.......

تقبلي مروري أختج:غرور الزين

الله يعافيج خيتو

صدقتي يالغلا البنات صارو العن من الرياجيل
ههههههههههه
لاهنتي ع المرور