طباشير..!

[فهيد بن سالم]

( مصخن ) وحالتي :-
............حالة ( عدوينك ) !


.

[فهيد بن سالم]

( أزعل واصدّ ) ولا لفت ذكراك
.............تقصر خطاي , وينهزم باسي

الله يقسّي ( قلبي ) بـ فرقاك
.............ولا يليّن قلبك ( القاسي ) !


.

[فهيد بن سالم]

وين الدروب الشحاح اللي تودّي لك
................وين إختفيت وسرت بك باقي أفكارك

( العيد ) قرّب ، وأنا كلي أنادي لك :-
................الحين وإحنا بعاد شلون بـ ( أبارك ) ؟

( فقدت ) بعد المفارق كل تفاصيلك ,
................والحين فاقد معاها ( عيدك مبارك ) !




.

[فهيد بن سالم]

( بانت ) ولا لك عذر واضح ومفهوم
...............كم لك تدوّر لك على الصد ( سبّه )

( منت ) بحبيبي يا حبيبي من اليوم
................انا حبيبي ؟ ما ( يخون المحبه ) !




.

[فهيد بن سالم]

( الليالي ) بدونك دلّها شـين
..................يا مودّي معك نجماتها ( جبها )

ناوي تغيب عن عيني ، وبعدين
..................كل مره تـرد ( وطلتك ) ابهى :-

ما يبي القلب منك غير حرفين
..................لا تزيد ( الجروح ) , ولا تقلبها !

ياربيب الحسن مشكور من وين
..................ما القي الطعون القاك صاحبهاآ

كنت ابي من حياتي معك شيين
..................كلمة احبك اسمعها ، وتكتبها !



.

[فهيد بن سالم]

سوّي بحالي مثل مـ أنتي تريدين
..................قلبي عشانك نبضته يا ( عروقه ) :-

( روحي ) بعيد هناك , ولا تحاتين
..................ماني مدوّر من بعدك ( معشوقه ) !





.

[فهيد بن سالم]

لا يطق لك عرق لحظه وأستمع مني
......................بعض السوالف حبيبي ( مالها داعي )

أن كان قصدك كلام اللي حكو عني ؟
......................ما زعزعت ( حبنا ) يا زين الأطباعي ,

وأن كان تبغى الصحيح وما غلب ظني
........................يا كثر منهوا تمنى ( لوية إذراعي ) !



.

[فهيد بن سالم]

بـ( الهوى ) واجد عن العالم فرقْت
.....................أبْتسم يا قلب لو كل شي ( مات ) ,

ما عشقت إي شي لكنْك عشقت
.....................( أجمل أنسانه على وجه الحياة ) !



.

[فهيد بن سالم]

( صدقني ) مهما يطول البعد وغيابك
......................ما غابت ( طيوفك ) ولاغابت الذكرى !

أتذكرك وأذكر اللي صار بـ ( أسبابك )
......................وأقول عزالله إنّه ( عيشتي قشرى ) :-

وإن كان ودّك تعرف شصار فـ أحبابك
......................تعال ( ركني ) وشاهد حالتي وأقرى !



.

[فهيد بن سالم]

( جرحك ) مع الأيام لو طال يشفى
.................ومشكور ولا يزعلك قسوة حركته

ماجاه من وقته من الوقت أكفى :-
.................إلين ضاعت هقوته في ( بركته )

معاك سوّا خير يوم أنّه ( أقفى ) ,
.................وأنتِ بعد سويت خير ( وتركته ) !




.