طبعا الفرق بين اسيل وبين نوابنا محمد الحويله وخالد العدوه
اسيل صرحت انها ضد السريه وبررت موقفها ان مافيه شي يدعي الى السريه لان المساله انسانيه وفوق هذا اسيل مومن دائرتنا لكن قالت كلمت الحق وبيض الله وجها .
نوابنا المحترمين طول هالوقت ساكتين تقول طاحت عليهم مصيبه ويوم جا الموقف تخاذلو فيه وباعونا يااهل ام الهيمان واشترو مصالحهم الشخصيه ويذكروني بالمثل : صام صام وافطر على بصله .
وهذا ان دل ان اسيل احسن منكم بموقفها اليوم الشجاع وحكمت ضميرها .
لعنبو ابليسكم مافكرتو فينا بني عمكم مافكرتو فينا وحنا نزهملكم مافكرتو فينا في المدارس معلقين صوركم ومتحمسين مافكرتو فينا وحنا واقفين بالحر وننطر بالزحمه عشان نصوتلكم ونسوي المستحيل ونخدمكم بس عشان نوصلكم وتمثلونا احسن تمثيل .
والله ثم والله اني مالي وجه اقابل ربعنا الاجناب اقل شي لاقال واحد سود الله وجه اللي طلعهم والا لاقالو الشرهه على اللي طلعوهم قسم بالله ودي ابلعتني القاع ولا اسمع هالكلام ونفس الوقت لاقالو بيض الله وجه الطاحوس اللي تبنى قضيتنا وحركها وبيض الله وجه الصيفي على وقفته معنا وعسى الله يثبتهم .... عرفتو الفرق لكن وين اللي يقول ذاك اليوم معاملات معاملات ممكن يقولي احد وش فادتنا المعاملات بالموقف اللي صار اليوم والله اني دعيت عليهم من كل قلبي ويقولون دعوة المظلوم مستجابه لكن ثقو تماما والله ثم والله اذا اطلعو بالفرعي لحد يجيني يقولي حميا وحميا ،،، وش فادتني فيه الحميه خليتهم ياكلون من الحكومه ولاجات الصادقه طقني انا وحميتي بالطوفه لاجات الصادقه بزرانا مرضو وماتو ولا انفعتنا الحميا اللي بقوله لابوها حميه كنها كذا
محمد الحويله وخالد العدوه والله ثم والله انكم ماتشمون الصوت لافرعي ولا رئيسي لاطلعتو اعطيه الصواغ اللي ابرك من مواقفكم ولو ان اسيل عندنا والله اصوتلها واهملكم .
09-06-2010, 07:31 AM
العرض العادي
