ليــا وقــف طويــق يسد فـاللازم مافيه شكــال=هلا يامرحباا بأسم الإداره ، واسر ياساري

[فــلاح]

صبــااح الخــيير

ليا وقف طويق يسد فاللازم مافيه شكال=هلا يامرحباا بأسم الإداره ، واسر ياساري

لقيت الأعوّر الدجال لابس له وزار وشال=طمح يبغى من بشوت الوزاره ، وأسر ياساري

.
.

[DUNHILL]

السلام عليكم

يشرفني ارد عليك طال عمرك

يقول اللي على المنبر لامنه قال قال وطال=يدوم ابك البقى تحت العماره واسر ياساري
تشيّم وارتفع ياطويق وانت الشيخ والخيال=وهرجي يكفي طواله قصاره واسر ياساري

[فــلاح]

وعليكم السلام

يامرحبـا

كفؤ يادنهـل العجمـي ، وأنا خابرك يارجـال=تمـدح وأنت حماي الإمـاره ، وأسر ياساري

يادنهــل ، والوغـى يبغـى رجـالً فالوغى تختـال=مفاريصك لاترجع لنجاره ، وأسر ياساري

.
.

[DUNHILL]

وانا خابرك لامني زهمتك للحمل حمال=تبتّل ماتلفّت للاشاره واسر ياساري
اشوف بعيني ولاشوف غير حيود بسم جبال=ياشاطر لاتدهورك الشطاره واسر ياساري

[فــلاح]

يادنهـل صارلك مـده ولا حصلـت ربع ريال=تنقل من طرف حاره إل حاره ، وأسر ياساري

الا ياقوم وش حـل ؟ الجهاز إن مالقط الإرسال=ما باقي غير أحذفه فالخباره ، وأسر ياساري

[DUNHILL]

انا بشوم وانت تهف من مال الحكومه مال=واحسبنّك وزيرٍ للتجاره واسر ياساري
الا ياطويق فتّح مخّك وخليك عال العال=ماتدري وش هوى الطرقي وداره واسر ياساري

[فــلاح]

دواليب الزمن دارت ، ودنهـل ماقدر يحتال=توهق في دركسون الغمـاره ، وأسر يا ساري

عميلك مسرج ً ظهر الكحيله ، والدروب طوال=ويعرف وش يمينه من يساره ؟ ، واسر ياساري

[DUNHILL]

ترى العله براس المرسل وماهي بالاستقبال=مايعرف يكتب حروف العباره واسر ياساري
عميلي يبغي التوظيف في الشركه وحوله حال=وتاليته على بند الطراره واسر ياساري

[اخو شيخه]

مافيكم حيله

بيض الله وجيهكم ولاهنتو طال عمركم

الى الامام ووفقكم الله

[فــلاح]

(تكـابر) وانت يادنهـل عليـك امن الزمان ظلال=كبر رأسك بعـد درت الخفـاره ، وأسر ياساري


لا بان سهـيل دنهـل ماله الإ فرقـة الأطـلال=كثير الناس ماتبـّرق بـ /نـاره ، وأسر ياساري