|
وين أبا ألقالي رفيقا على الشدة نصير**لا نخيته صار زبده مثل زبد البحر
السلام عليكم ورحمه الله وبركاته....
اخوانى واخواتى الاعزاء..
هذه قصيده اعجبتنى فأحببت ان انقلها لكم عسى ان تحوز على ذائقتكم...
القصيده لشاعر \\سالم بن حخير\\
والقصيده بعنوان \\الطياره\\
واترككم مع القصيده:
يقول الشاعر....
..يالله أنّك تستر الحال وتعز الفقير**يا معين الصابر أللي على الشدة صبر
..يامغيث المستغيث ومجير المستجير**من عذابك مالنا لا مكان ولا مفر
..جعل تسقى قبور الأجدادبالوبل الغزير**وتصبح القيعان من حولها عشب وزهر
..يوم كان الناس للناس والدنيا بخير**والبدو منهاجهم غير منهاج الحظر
..ويوم كانت شبّت النار في الثلث الأخير**والدلال الصفر والنجر وأبيوت الشعر
..ياوجودي وجد شيخا قضى عمره كسير**لا برا جرحه وكسره جبر ولاجبر
..كان قايد جيش والموت لامن جا يغير**يحتزم للثنادي وضربه في الصدر
..لين جاته ضربة الغدر من كف الحقير**سوّد الله وجه راع الخيانة والغدر
..وين أبا ألقالي رفيقا على الشدة نصير**لا نخيته صار زبده مثل زبد البحر
..لا تعزوا سلّ سيفه وطلوح بالجفير**وقال وين وقلت لعيون براق النحر
..راكب أللي كن جنحانها جنحان طير**كأنها حرا تعلا عن القاع وشهر
..أسبق من الصوت وأمضى من السيف الشطير**وأسبق من السمع وأبعد من حدودالنظر
..وأثقل من طويق وأخف من حب الشعير**وألطف من الورد وأقسى شوي من الصخر
..شوفها غير وركوبن على الكشنات غير**ولا بغيت الجد كأنك تمشا في قصر
..ليت عباس آل فرناس شاهدها عصير**كان ماخاطر بنفسه وحاول وأنتحر
..كلها هيبة وعزة وتطمح للأمير**ما تجي عند الخرافي ولا عند الصقر
..لا أستدارت كأن ذا الكون كله يستدير**ولا أستقامت تسحر قلوب وعيون البشر
..ولا أعلن الكبتن وقال أستعدوا للمطير**شلعت في رمشت العين وبلمح البصر
..من ديار العز والطيب والخير الكثير**أنطلقنا من الكويت وهبطنا في قطر
..جيت من واقع محبة ومن قلب وظمير**لجل عين اللي غلاها تمكن وأستقر
..في شراييني وقلبي وفكري والنظير**كل ماطولت عنها يجي دمي فقر
..وأتفقنا في المحبة وتقربر المصير**وأختلفنا في المبادي ووجهات النظر
..ماهقيت أن المحبة تبي دهنات سير**لين قالت وش أبي فيك يا وجه الفقر
..أن كان تبيني على طول يا سالم جخير**لاتعزوا بالعذارا وحسكات الوبر
..خيّل الحرشى بصوتن يشيب بالغرير**أرس يا قلب المعنى ووقف ياشعر
..واهني اللي من الحب قلبه مستخير**ماأشتعل قلبه من الحب لين أصبح جمر
..والمحبه تشعل القلب نبضات وسعير**كلها حزن ومعاناه وأشواق وسهر
..والمحبه كأنها الحزن في وجه الأسير**لا قضى صبره ودمعه على خده حدر
..والمحبه كأنها العلم بعيون النذير**لا أرتفع صوته ودقة مزامير الخطر
..والمحبه حمل والحمل في ضهر البعير**والبعير شعيل يا أما رغى ولا هدر
..والمجرب في المحبه يسمونه خبير**يستشيرونه ويعطي مواعيظ وعبر
..وأن ذكرت العلم الأول بقى العلم الأخير**حالفن ممشي ورا النفس والقلب الخظر
دمتم بود...
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي
|
27-02-2010, 03:47 AM
العرض المتطور
