,,, بسم الله الرحمن الرحيم ,,,
من فتره بقلبي موضوع ودي أنبه الناس عليه ويجوز الاغلبيه مو عارفينه .. والقله سامعين عنه ..
الكلام موجه حق اللي نوى يبيع لاب توب او تلفون .. او يستعمل فلاش ميموري أو ميموري تلفون أو ميموري كاميره أو هاردسك خارجي ..
ياجماعه ديرو بالكم لا يضيع منكم شي من اللي ذكرتهم !!
.. اذا كنت حاط في الشغله شغلات خاصه مثل اصور اهلك او فيديوات خاصه فيك او مستندات خاصه .. ياجماعه لاتفكرون بعدها تبيعون الشغله لأن بإمكان اللي شاريها يرجع كل اللي انمسح .. حتى لو مسوي للشغله فورمات !
وماتلاحظون لمن تبيع تلفونك دوم يحنجلك على سالفة الميموري يبيها ؟؟ ولا يطيح من السعر 3 دنانير او اكثر ؟ لأن مستذبح عليها .. ويقدر يرجع كل الممسوح ..
فــا عود نفسك اذا بعت تلفون بيعه من غير ميموري ..
والله اعلم عن نية الشاري ..
بس الحذر زين .. وماطرحت هالموضوع الا من كثر الفضايح اللي نشوفها من ناس مساكين مالهم ذنب بشي ونشوفهم مفضوحين ..
كل اللي تسويه .. اذا خربت معاك الشغله .. او انتهت صلاحيتها وتبي غيرها .. خشها بمكان أمين .. أو اكسرها ! .. واذا كانت مثلا فلاش ميموري اكسرها عدل .. لأن فيها chip داخلها اسود عباره عن ميموري اصغير شبيه بميموري التلفون ويتم التخزين فيه ..
الله يستر علينا وعلى جميع المسلمين اللهم آمين ...
تحيه طيبه ..
07-11-2009, 07:51 AM
العرض المتطور
