قالو حبيبك يسمع الشعر قلت ايه

[ابن هليل]

قالوا حبيبك يسمع الشعر قلت أيه
.......................يـقـراه بعـيـونـي قـبــل تسمـعـونـه
لولاه حتـى طـاري الشعـر مـا ابيـه
.......................مير أكتبـه مـن شـان خاطـر عيونـه
هـو روح شعـري وأمنياتـه وماضيـه
.......................جذع الشجر وش كان لـولا غصونـه
اكتـب لغيـره والقصايـد تجـي فـيـه
.......................كــن القصـايـد حالـفـه مـــا تـخـونـه
هـذاك لا منـه زعـل قـمـت أهـاديـه
.......................حتـى وهـو مخطـي تـعـذرت دونــه
يمكن لـو أنـه يلمـس الجـرح بيديـه
.......................يستغرب ان اللـي لمسهـا طعونـه
ابطـى وهـو غـايـب وزلــت حـراويـه
.......................وأنــا مــن الـعــام آتـحــرى مـزونــه
هو مادرى اني فـي غيابـه محاتيـه
.......................ليته نشد عـن حالـي اللـي يجونـه
واقلبـي اللـي تــوه أفـلـت عـراويـه
.......................كيف انسرق وضلوع قلبي حصونـه
عـجـزت أرده كــن مـانــي بـراعـيـه
.......................يوم انتثـر شوقـه وهاضـت شجونـه
يبسـن عروقـي لكـن اللـي يعـزيـه
.......................ان اكـثــر الـعـالــم تــــردد لـحـونــه
خـافـو مــن الله لا تجيـبـون طـاريــه
.......................لا صــرت أنــا مـوجــود لا تـذكـرونـه
لــو كــل غـالـي جـابـه الله لغالـيـه
.......................ما شفت لك مخلوق تبكـي عيونـه
الشــــــاعر/ مـــتعب التـــــــركي

[فهد بن مطلق]

ياسلام عليك

صح الله لسان الشاعر متعب

ولاهنت على النقل ..

[السهلاوي]

صح السان قايلها

[شّيهـًــانُـــهً~]

لــو كــل غـالـي جـابـه الله لغالـيـه
.......................ما شفت لك مخلوق تبكـي عيونـه


صح لسانك و لسان الشاعر متعب التركي

لاهنت على النقل

[العجاجي]

هو مادرى اني فـي غيابـه محاتيـه
.......................ليته نشد عـن حالـي اللـي يجونـه

صح لسانك بن هليل تقبل مروري

[يوسف الثنيان]

صح لسانك وبيض الله وجهك

[فايز بن محمد الفايز]

صح لسانكـ ولسان شاعرها


ولاهنت على النقل

[تركي الميموني]

صح لسان شاعرها

ابدعت بالنقل