هذي القصيده للشاعر .. بدر المطيري ..
اتمنى تنال اعجابكم
مشتاق أسمع كلمة اليوم لبيه=
ودي أعيش بجوها لو ثواني
بس اتلهف كلمته يوم اناديه =
وإذا نطق لبيه طحت بمكاني
أعيش في عينه وانا ميت فيه=
في وسط عينه كون من نوع ثاني
واضيع في عينه إذا كنت أراعيه=
وأقول ياربي وش اللي دهاني
ياويل قلبي لا بكا يوم ألاقيه=
عقب البطا يومه يجي ثم لقاني
يقول أنا المشتاق والشوق يعنيه=
وأقول أنا اللي فيك ربي بلاني
وقمنا نسولف عن هوى شوق ماضيه=
وبعض الكلام إن قيل زلزل كياني
وقام يتمنى قلت أحقق أمانيه=
وأثره تمنى الموت كانه نساني
يازين هرجه لا تكلم يغنيه =
حتى كلامه صار مثل الأغاني
وإذا انتهى وقت اللقا قمت أهديه=
وأقول لا تعجل ترى العمر فاني
يقول أنا ما أقدر وأعاند وأسليه=
من عقبها يضحك ويجلس ثواني
وأزعله ويفز وارجع اراضيه =
ويقول أحبك والمصيبه أناني
كان اللقا عشرة دقايق واخليه=
وصار اللقا ساعة وساوت زماني
وراح يتمشى ماخذ قلب غاليه=
بس يتلفت وبعيونه معاني
فزيت له مجنون ثم صحت أناديه=
ثم قال لي لبيه وطحت بمكاني
30-07-2004, 12:32 AM
العرض المتطور
