ابي اتزوج مدرسة !!!!

[Computer Eng]

سبحان الله احنا في زمن غريب اختلفت فيه الموازيين وانعكست فيه القيم

وطغى الطابع المادي حتى حول بعض الرجال الى ذكور او اشباه رجال

يدور الحديث بين شباب المستقبل ورجال الغد!!!

فلما تسأل احد هؤلاء الشباب عن مواصفات الزوجة

تستغرب انه يجاهر ويقولك اول شي ابيها مدرسة

فأنصدم واعيد بيني وبين نفسي حديث النبي صلى الله عليه وسلم

تنكح المرأه لاربع ..................................الحديث

ولا اجد فيه من اسباب الزواج انها تكون موظفة

وانا كان البعض يخلط بين تنكح المرأه لمالها وبين الوظيفة كونها احد اسباب المال

فهو خلط

فالمال المقصود ان يكون للمرأه مال من تجارة وغيرها وان يكون المال وفير

اما في حالة المعلمة فأني لا اعلم كم يستلمون ولا اود ان اعرف ولكن متيقن ان اللي جاي على

قد اللي طالع

المهم لعد تفكيري في حديث النبي صلى الله عليه وسلم اعيد سؤالي على شاب المستقبل

بستغراب وليش تبيها مدرسة بيسرد المميزات المعروفة:

1- ان عملها ما في اختلاط .

2- ان تعيني بكرة لبقينا نشتري بيت .

ومن ثم تأتي الاعذار الواهيه:

3- تكسر الروتين .

4- عشان ما تمل .

..............الخ

انا لما درسة مفهوم القوامه في الاسلام عرفت ان من واجبات الرجل الصرف على البيت

وعندما سأل احد الصحابة النبي الكريم عن حق الزوجة قال علية الصلاة والسلام:

ان تكسوها اذا كسيت وان تطعمها اذا طعمت او كما قال عليه الصلاة والسلام

فهل اصبح بعض الذكور ولا اود ان اسميهم رجال

يتزوجون طمعا في معاش المدام هل انتكست الايه واصبحت المرأه تصرف والرجل

يصرف راتبه على الفاضي

هل الرجل مستغني عن اهتمام المرأه فيه وفي بيته بسبب المال ؟

ماهي الاسباب اللي جعلت بعض الشباب هذا طموحهم ؟

هل هي الحياة المادية التي طغت في مجتمعاتنا ؟

هل هو الغلاء ؟

هل هو قلت الدين ؟

هل هو عدم فهم حقوق الزواج بالنسبة للزوج والزوجة ؟

لا احد يقول وظيفة المرأه حرام اذا كانت منضبطة بالضوابط الشرعية

ولا احد يقول حرام ان تساعد الزوجة زوجها عند الحاجة بل هي مأجورة ان شاءالله

بسبب مساعدة زوجها وان دل هذا فيدل على حسن تربيتها

ولكن ان يكون طموح الشباب في الزواج من مدرسة سببه الاول والاخير

اكل حلال زوجته فهنا اسمحلي اقول لك

انت ذكر ولست برجل

[Under_Construction]

يعطيك العافيه على الطرح ويشرفني اني اكون اول من يرد عليه

الحمدلله والشكر ,,,,,,,,,,, الرجال اللي جذي

والله يبيها عشان فلوسها وبعدين يخليها هي اللي

تصرف على البيت وهو فلوسه تطير هوى

ياخي ليش تتزوج بالاساس اذا انت جذي

انا عن نفسي اذا تزوجت بقعد في البيت

وبحط شهادتي في برواز وبخليه يصرف

علي واجب عليه ومن حقي حتى لو شهادتي

شي شي بخليها بس جذي اتمنظر فيها

وايه يقولون بعضهم يعني اذا انتي تبين

شي غالي ما اقدر عليه يعني تشترينه لو

كنتي تشتغلين !! ولا اذا تبي تسافرين

كل سنه اوروبا ولا مدري وين انا ما

اقدر اصرف عليج وعلى عيالج جمعي

فلوس من شغلج واسفرج "يعني يستانس

على حسابها" وهذا غير انها هي اللي

تصرف على البيت وهو اذا ربعه بيسافرون

بيروح معاهم بس الحين من فلوسه

ولا هو يبي يكشخ بسياره جديده اخر موديل

ويقول اتسلف ومادري ايش غير الاقصاد

يعني يتزوج وحده تصرف على نفسها

ابرك له من انه يتزوج ويصرف عليها

وعليه اذا هو ملحق يصرف على عمره

وسوري على الاطاله

[Computer Eng]

اسعدني مرورك الكريم

دمتي بحفظ الرحمن

[miss_pink]

يعطيك العافيه ولاهنت اخووي على الطرح الروعه

[عبـق أجدادي]

السلام عليكم ورحمة الله وبركاته







الرجال يصرف على المرأة بالأساسيات " المطعم والمشرب والكسوة .. إلخ .."
أما الكماليات .. والبدع اللي طرأت علينا هالزمان .. ومجاملات الحريم للحريم
وبعض الخرابيط .. لا والله تصرف الزوجة من معاشها .. الرجال شيلحق عليه .!!



مافيه شي لا ساعدت الزوجة زوجها إذا إقتضت الحاجة والحياة مشاركة وطريقهم
ومصيرهم ومآلهم بالنهاية واحد .. شرط أن يقوم الرجل بالإنفاق على زوجته
وأبناءه بجميع الأساسيات والمتطلبات الضرورية لأنه يبقى رب ومعيل الأسرة





أما " السطو " على راتب المستضعفة والعبث فيه
هذا اللي مايقبله أحد







شكرا ً مهندس






دمت بحفظ الكريم

[Computer Eng]

اختي ريووووف

شاكر مرورك الكريم

[Computer Eng]

عبق اجدادي

طول عمر مداخلتك تضيف على الموضوع روعه

وجماليه

وصحيح كلامك

بارك الله فيك

[الجوود]

Computer Eng

شكرا ً لك لطرحك هذا الموضوع القيم ..

واعجبني تعقيب اختي

Under_Construction

وقالت اللي اغلب البنات يشعرون فيه ..

وانا ما اعارض ان المرأة اتساعد زوجها ..



"اذا كان محتاج "
او اذا اهي صرفت على بيتها من جيبها وبرضاها وما احد يامرها بها الشي ..
"هذا لها اجره وتعتبر صدقة "
ويا ليت يملي العين ..
اما انه يجي ويحاسبها على كل فلس وين يروح . . أظن هذا مو من حقه ..




* اللي انا اشوفه هالأيام ان المرأة
اهي اللي تقوم بكل شي ... وبعض الرجال يكونون ازواج فقط في أمام الناس
اما في الحياه اصبحت المرأه تقوم
بواجبات الزوجة كاملة وكثير من واجبات الزوج .


الامر هذا ينطبق على الزوجة العامله ككل ولا اخص
المعلمات فقط بس ميزةالمعلمة
اولاً:المعاش المرتفع .
ثانياً : العطلة .


تحياتي لك

[Computer Eng]

اختي الجود للاسف ماذكرتي

فقد اصبح بعض الازواج فقط زوج مناسبات

واصبح لا يعي مسئوليته اتجاه بيته

وهناك مثل صيني يقول ان البيت الذي تقوم فيه الدجاجه بعمل الديك يؤل الى الخراب

شاكر مرورك الكريم

ودمتي بحفظ الرحمن

[برقع الصقر]

والله لا يتقدم لي واحد يكون هذا شرطه

اجـحتـه

من متى الرجال ياخذ من المره والا يخليها هي اللي تصرف

اوكي الحياه تعاون بس للاسف مفهوم التعاون عند بعض الازواج

ان خلاص دامش موظفه انتي اللي تصرفين على نفسش وذابحينا بكلمة

ماعليش من اغراض البيت واساسياته هذا غصب عليه مو معروف منه !

طيب انا ماتزوجت الا انا ابي الاستقرار وابي حياه ثانيه طيب افرض اني ما ابي اتوظف

من حقك تصرف علي من الى نصيحه يا بنات اخذولكن رجال عنده شهاده عشان يجيش راتبه زين ويصرف عليش وانتي تريحين بلا وظيفه بلا هـم


مهـندس

تشكرات