هذي قصيده جديده من شاعرنا الكبير و الرائع فالح بن قشعم الهاجري في
(( قبيلة العجمان ))
يامطلق بعد راق جوّ القصيد وزان = ولاتهون صلّح لي من البنّ بريّه
صحيح البناخي مايؤمّر على العمّان = لكنّك ياعميّ رجل روحه رياضيّه
تعذر المهوجس لا أشغله ساجع الالحان = لاغيّب ودش اجواء القصيد الخياليّه
ماعاد ايعرف سلطان من صاحبه سلمان = ياكون البيوت الليّ من البدع ممليّه
وانا والله ان قد ليّ وانا للغنى شفقان = بعد مانتهى الشهر الفضيل ومساعيّه
وجا العيد جعل الله يعيده على الاوطان = بأهليه واشعوب الخليج وضواحيّه
سلامي سلام اسلام ماغاب نجم وبان = وماحنّت ارعود السحاب الركاميّه
على قوم اخو لجعه حريب الردى راكان = حميد السجايا مقدم القوم فالهيّه
اكبار الجموع امطوّعت عاصية الارسان = بيومٍ عبوسٍ يفرق الحيّ من حيّه
هل المدح والناموس من ماضي الازمان = ومطاليق واعلوم المطاليق مسميّه
انا اقدّر العجمان واوجب العجمان = لو ان ماني بعجمي ولا اميّ بعجميّه
لكن بيننا حلف ونسب والصحيح اخوان = وربع ورفاقه والعلاقات وديّه
نحب امحلفنا حب عبدالله لسلطان = وهم مثلنا والحب فطره الهيّه
توثّق محبتنا المواجيب والصفطان = واعلوم الرجال الليّ على الطيب مبنيّه
ماننقاد للخبلان لارحم ابو الخبلان = سرابيت مافهيم من العقل ذريّه
بزارين كل منهم يحسبنّه الفهمان = حفظ له اعلوم وجاك يسرد حكاويّه
كتب له قصيده كلها حكي ماله شان = وهو خارج انطاق الحدود المحليّه
يشب الحطب وايروح ماكن شيٍ كان = وتبلش به اكبار العقول بدعوايّه
وهو لوّ تهوشه فالعصى طوّح السيقان = حذف غترته والليّ تشلّه مخابيّه
راع الفعل مايقدم على الزور والبهتان = ولايبخس احقوق الرياجيل موليه
يعرف الاصول ويكرم الجار والضيفان = وبتّاع لاعالو عيال الحراميّه
مايجحد افعول اهل المواجيب والعرفان = ياكون الرخوم امن العروق الدوينيّه
لفت دعوت الداعي ولبيتها طربان = والمصافح الوفين نفسي شفاويه
وانا باسم قومٍ فاللقا تتعب الفرسان = اكبار المحازم طور الارض ورواسيه
بني هاجر والساس من عالية قحطان = احصون الظفر وامزبنين الجلاويه
تحيّة وفا واخلاص تسمو بلا جنحان = عليكم ياقومٍ بالوفا نارهم حيّه
8
8
8
صح لسانك يابومحمد وكفيت وفيت ويستاهلون العجمان المدح
منقوله من احد المنتديات
23-10-2008, 02:25 AM
العرض المتطور
