ودي احكي

[انتحار]

مراقبنا الأخضر "ارسطووو"
كان عازمني..وشكرته بوقتها
بس للاسف
"اداني زمبه"
...
من الطرق السريعه لمعرفة بوادر "الزمبه" ..انك لما تتصل ..ينتهي بك المطاف بسماع جملة
"المشترك لايرد..يرجى الاتصال بوقتٍ لاحق"
فتنتظر هذا المشترك..ليعطف عليك باتصال او..مسج!!
...
تشتم روائح "الزمبه" عند مغيب الشمس ..وهاتفك في سبات عميق
..
تقرر ..بشجاعه
ان تؤمن بالنظريه النسبيه ..وتذهب الى مكان "العزومه" ..وتتخيل طلته البهيه قادم اليك
...
المكان: "لافنيو"
لافنيو هو نفسه "الأفنيوز"
لكن عند طبقة
الكوول..والناس الذربه ..ان ارت الاقتراب منهم والانظمام لهم وتكون عضو رئيسي بنادي الناس الكلاس..عليك بلفظ هذا المكان بـــ
"لافنيوو"
وليس..الأفنيوز
الحكمه..؟؟
قسم بالله مادري
...
اثناء التجوال اتصل علي الرجل الأخضر
وذكر لي العذر .."والعذر مثله مثل اعذار الموظفين لرؤساء اقسامهم..يوهقك مايخليك تقول شي"
سئلني عن الفلم ..فذكرت له بكل فخر
"بات مان"
واعرب لي بكل برود...انه فلم للاطفال..ولايستحق!!
فيه فلم غيره..!؟
...
فلم للاطفال..ومخرجه "كريستوفر نولان"
فلم للاطفال..ويضم "العبقري مايكل كين والمخضرم موجان فريمان والصعب كريستيان بيل والاكاديمي جاري أولدمان واخيرا وليس اخرا اخر فيلم لــ هيث ليدجر كل هؤلاء..بفيلم واحد"!!
فلم للاطفال.. وشخصية الجوكر تعود..!!
فلم للاطفال..وعدد مشاهدين المقطع الاول للفلم على اليوتوب ثلاث ملايين مشاهد!!
...
بكل حزم وشوية عزم ..قررت انسى
"الزمبه"
...
بكل غباء غوتني تجربة مقاعد الــ vip
..
بكل بلاهه ..قصيت تذكرة الــ vip
...
سابقا كنت مدمن ..حضور السينما
حاليا لم اعد اهتم..
لان وضعت برنامج خاص لهذا الميول
فكرت ان حضور السينما محتاج
(ادق السياره سلف+اقص تذكره+ عيش الدور من ناحية النفيش والنتشوز+اتسمر بمكان واحد+ممنوع التدخين+مجبور تسمع تعليقات من بعض المستظرفين بالصاله لاي مشهد)
كل هذا عشان احضر فيلم..!!

على الفيلم ان يندرج تحت تصنيف
"يستحق"
بهذا التصنيف....
"اخش السيما"
...
ولان
بات مان..ارتبط به ارتباط عاطفي
قررت ان يصنف بــ يستحق
...
وبما ان الفلم بيني وبينه ساعتين من الزمن ..
قسمتها ..
نص ساعه اقضيها "عشوه" ونص ساعه اقضيها "ممشى" لان راح اضيع ونص ساعه اقضيها "قهوه وتأمل " واجمل النصف ساعه الاخيره "اهايط بالفي اي بي" امشي عند مدخل الصاله ادخل واطلع ..اخلي الطبقات المسحوقه تخز وتحتر ..وتتسائل!!
...
هناك عاده جديده بمجتمعنا ..
طبعا بلعنا عادة
"الزواره"
الزواره =يوم بالاسبوع يجتمع به اهل البيت ..بالبيت
واهل البيت المقصود به ..بنات يجتمعون عند امهن بيوم بالاسبوع ناس تنام وناس تقعد للعشا والبيت وقتها يصير ملتقى لعيال الخاله والخالات
العاده الجديده هي خروج عائله كامله من رجالها وبناتها وصولا للنسابه ..الى مطعم معين
دخلت مطعم "متأمرك" .. يقدم الهامبورغر اللي ماتقدر تهضمها ثلاث ايام..وانا اعني ماقول !!
صور الفيس برسيلي ومارلين مور معلقه..
حسيت وقتها اني غريب او منبوذ..
"وحيدٌ انا"
عوائل ممتلئه بالمطعم ...اصوات وضحك عالي..
فوق هذا كله
كل مالفيت راسي ...الا الشقرديه عينهم علي
"عبالهم اغازل"
...
بعد الانتهاء من الوجبه الغير موفقه من مراقبة الشقرديه..وصولا لعسر هضم
فضلت المشي...
من محل لمحل..
تخفيضات..تنزيلات
اغراء مابعده اغراء..لكن!
دخلت محل رياضه مساحته اكبر من مساحة دواوين الربع المزاله ..
محل بهذا الحجم ..لم اجد سوا
"درنق" واحد فقط
ياحجي شسالفه؟؟
وين بضاعتكم؟؟..خاشينها عشان تنزيلات؟؟
وين باقر عنكم
؟؟
..............

"مع الاعتذار لصورة الطفايه جات بالغلط بس ماقدرت اصور صوره ثانيه حسيت اني معتوه"

بعد الشوبنق اللي ماله لزمه
وجب شوية كافيين...نصحصح من اجل بات مان
ستار بكس
هو فيه غيره!!؟؟
ستار بكس المعيب على عالم الكافيين
العار الذي حل ..على القهوه
المستهزي بالبن ..بوضعه الثلج بداخله
فين الدخان والغلايه...فين الخبطه على الدماغ
موكا!! بأس القهوه وبأس من شربها ..ومن تغنى بها
"كسبريسو دوبل"
وعني مانمت
...
اثناء الجلوس والتامل بخلق الله والمشروب الايطالي ..مخليني كاني توني قاعد من النوم من حيويه ونشاط
قررت ان ادون بالمنتدى كل ماشاهده
...
شاهد تاثير المسلسلات التركيه على الشباب
ليس التاثير السلبي انما الايجابي
شاهد رجوع الشنبات ..لعهدها
من بعد حقبة الزيرو
...
شاهد فتيات شعورهن "شقر"
كويتيات وشعورهن شقر!!
صعبه!
شلون صار اشقر
...
شاهد الناس رايحه وجايه ..ولاتدري شالسالفه
لو تمسك واحد وتساله
-جاي اتسوق؟؟
-لاوالله
-جاي اتعشى
-اصلا مالي نفس
-جاي تحضر فلم؟؟
-لا ماحب قعدت السينما
-تكفا قولي..شعندك طيب؟؟
-والله مادري ..عطله ..صيف..والله مادري
.......
عند حلول النصف الساعه الاخيره قفزت فرحا
وقت الفشخره..والأبهه
وقت النظره الفوقيه..والتعالي
وقت الـ VIP
...
اذكر احدهم
"الله يذكر بالخير"
سالته عن صالة الــ VIP
ومميزاتها ..ذكر لي
توجد اريكه..ويخدمون لك
-يصير ادخن..؟
ماذكر اجابته وقتها
..
واحد ثاني سالته وكان من رواد الــ لافنيووو
على فكره هو من "ضبطني بهذا المصطلح"
ايضا استفد منه بمعرفة موضة "الشوارفسكي" لما اجتاحت البلاد..ببساطه
هو مصدر ثقافة "الكوول" بالنسبه لي
...
-شنو يميز الــ VIP؟؟
-تعرف لما تركب "رنج" وشلون تشوف العالم اقزام ..؟؟ محد بعينك!
-اللحين اللي يركب رنج هذا شعوره..؟
-شرايك
-يعني "فلان" يشوفني قزم ..؟ طيب ولما يشوف الناس اقزام..وبعدين!
-ينام مرتاح البال ..وينطر الوقت اللي يبيع فيه الرنج ويشتري كامري ويقعد عشر سنين كل سوالفه
"يوم كان عندي الرنج ..."
.....
رأيت احدهم ممسك "بالناتشوز" وطايحله تصوير!!
حسيت انه من رواد هالموضوع
ولا نتشوز..شتصور فيه..!؟
...

^
بداية
الدخول...صحيح ان الاضائه وتناسق الالوان مبين انه متعوب عليه
بس مادري
كاني داخل مصحه..او (...)
لما دخلت حسسني المكان وكاني داخل "عرض خاص"
خمس دقايق
راح هالشعور
ست دنانير
"مال امها داعي"
..

حتى لما طلعت ..محد درا عني
يعني حتى اذا بتفكر تهايط
"ماكو فايده"


....
انتهت العشوه الغير مهضومه والفرفره على قلة سنع والقهوه ..والفيلم المكلف!
ولم نتنهي
"الزمبه"
..
تبادر في ذهني المقارنه بين السياحه العربيه والسياحه الغربيه
مثلا بالسياحه العربيه يجب ان يكون كل شي خمس نجوم
اما الغربيه فتجربة شي جديد وكسر روتين ونمط حياتك
انا كنا لانعرف ان "نتسيح" داخليا ..ولازلنا لانمتلك ثقافه كيفية اقتناص المتعه وتوجيه ادراكنا لها
اذا كانت سياحتنا الداخليه والخارجيه سياحة "مخازز"
اذا كانت سياحتنا سياحة على نمط "يوم كان عندي رنج.."
اذا كانت سياحتنا سياحه "عربيه"
فيجب اعادة فورمات اجتماعيه كامله ..
لانه قرف مابعده قرف

[مـحمـد]

السلام عليكم ورحمة الله وبركاته

شكرا انتحار على الموضوع وعساه ع القوه ارسطو على العزومه على قولتك
موضوع متشعب وحكيك واجد بس "فنتاستك"
والفورمات مطلوبه واشاركك الراي بعنف
بس ما علمتنا الفلم يستحق نحضره ولا لاني مثل صاحبك اعتقد انه فيلم للاطفال

[انتحار]

المشاركة الأصلية كتبت بواسطة مـحمـد

السلام عليكم ورحمة الله وبركاته

شكرا انتحار على الموضوع وعساه ع القوه ارسطو على العزومه على قولتك
موضوع متشعب وحكيك واجد بس "فنتاستك"
والفورمات مطلوبه واشاركك الراي بعنف
بس ما علمتنا الفلم يستحق نحضره ولا لاني مثل صاحبك اعتقد انه فيلم للاطفال

الحبيب "طنش" ..وانت تقوله عساه على القوه!!
قاعد اجاهر فيه
..
الفلم مثل ماقلت مرتبط فيه ارتباط عاطفي
اقولك الجوكر ..رجع
كاركتر ميال له
واخر فلم
لهيث ليدجر

والمخرج مسوي شغل ..
مخلي بات مان ..
"ادمي" له مشاعر واحاسيس
مجرد منه ..صفات البطل الخارق اللي مايحس بشي
..
مشاهده ممتعه

[Najla]

"لافنيوو" < وانا اقوول ليه رفيقااتي الحضر يقولونه كذاا

المشاركة الأصلية كتبت بواسطة انتحار

إنتحاار يعني تقـدر إتمـدد على الكنباات ولاأحد يشووفـك .؟!

اذا تقـدر شي طيب ..


عمـوما ً مثـل ما قلـت النااس من الفراغـه صاارت تـروح للأمكان بدون هـدف

يعني كذا بـس تقضيـه وقت و تقـزيره ..

يعطيك العافيـه ع المـوضوع ..


ولا تحررمنا من سوالفيك و "حكيـّك "


بس قبـل لا انسى السينماا فيهاا يوم نسوان .؟

<< ما قـد جااتهاا ..

و عساااك ع القـوه ..

[انتحار]

المشاركة الأصلية كتبت بواسطة نجلآ النوآعس

"لافنيوو" < وانا اقوول ليه رفيقااتي الحضر يقولونه كذاا






إنتحاار يعني تقـدر إتمـدد على الكنباات ولاأحد يشووفـك .؟!

اذا تقـدر شي طيب ..


عمـوما ً مثـل ما قلـت النااس من الفراغـه صاارت تـروح للأمكان بدون هـدف

يعني كذا بـس تقضيـه وقت و تقـزيره ..

يعطيك العافيـه ع المـوضوع ..


ولا تحررمنا من سوالفيك و "حكيـّك "


بس قبـل لا انسى السينماا فيهاا يوم نسوان .؟

<< ما قـد جااتهاا ..

و عساااك ع القـوه ..

الصوره سلمك الله الاستراحه للفي اي بي
بغيت اصور داخل بس استحيت ..
تخيلي شكلي قاعد اصور داخل
وحده من الثنتين
يا ياباني وجاي سياحه للكويت
يا واحد اول واخر مره يدخل الصاله ..ويبي يذل الارض انه دخلها
مثل صاحبنا راعي الرنج

..
سؤالك اذا السينما فيها يوم للنسوان ..؟
كانو بيسوونها بس راح يخسرون
لان الضغط كله بيصير على قاعات الفي اي بي ومحد بيدخل القاعات الثانيه
لزوم الكشخه

....
حياك الله

[غصن الذهب]

انا كنا لانعرف ان "نتسيح" داخليا ..ولازلنا لانمتلك ثقافه كيفية اقتناص المتعه وتوجيه ادراكنا لها
اذا كانت سياحتنا الداخليه والخارجيه سياحة "مخازز"
اذا كانت سياحتنا سياحة على نمط "يوم كان عندي رنج.."
اذا كانت سياحتنا سياحه "عربيه"
فيجب اعادة فورمات اجتماعيه كامله ..
لانه قرف مابعده قرف

انتحار


والله انك فيلسوف وخطير بعد


من بدايه شرحك لتعبير زمبه


مرورا بمصطلح الافنيو



حتى وصولك لخلاصة الموضوع


في الفقره الاخيره



شيئ حلو لما نحس باضائتك العقليه


ونسمع صوت افكارك التحليليه



بحس فلسفي واسلوب متميز

[انتحار]

المشاركة الأصلية كتبت بواسطة غصن الذهب

انتحار


والله انك فيلسوف وخطير بعد


[/color]

يعني مجنون وماسك قنبله!!
فك عمرك عاد

....
شكرا للاطراء
ميرسي
كتير كتير

[سالم العظيمان]

انتحار


كثر حكاك

نمت وانا اقرا

وفي النهايه مادري شسالفه


هههههههههههههههههههههههههههه

الوكاد شكرا على الموضوع يابو ( لافنيوووو)انت


وعقبال حتوته ثانيه

[انتحار]

المشاركة الأصلية كتبت بواسطة العظـــ سالم ـــيمان

انتحار


كثر حكاك

نمت وانا اقرا

وفي النهايه مادري شسالفه


هههههههههههههههههههههههههههه

الوكاد شكرا على الموضوع يابو ( لافنيوووو)انت


وعقبال حتوته ثانيه

برب
..
اضحك
..
صح النووم على الاقل طلعت بفايده ..
..
حياك الله

[حــروف الحــب]

\

/

\



ماتوقعت ارسطو يعزم عبالي جعص




.،

ماما

ماتتقول الا الافنيو

يعني ماما طلعت كووول

.،

عاد كان ودي اشوف صالة الـ vip .. وصورتها لنا

.،


ent7ar



ماحسيت فيه علاقه بينك وبين الصاله ؟!




thx a lot