صبحكم بالخير يالاد ال مرزوق اخترت لكم قصيده من قصائد طلال بن خرصان عينتها مع واحد من الربع وهي عن التوجد على الديار والشيبان الدْين هم عز لكل عجمي وقبيلي والقصيده اسمها <دبيان>.....
لعل المزون السود تسقيك يادبيان=وتسقي الرفيعه ويسر الدار ويمنها
يحن الرعد تسعين ليله على الريضان=يحول على الجافي رجوعه يزينها
يخلي هشاش الأرض ترقص بها الغدران=ربيعا<ن>يلحفهاويظهر خزاينها
له في ضميري منزله من عظيم الشان=ديارا<ن> تخيلي واناظر وعاينها
هواها لياجاني وانا خاطري زعلان=علاجا<ن> لروحا لاهب الحزن ساجنها
يعادل هواء لندن وباريس مع لبنان=وكل الديار اللي بعيده مواطنها
وجودي على قاعا<ن> تفلي به الدْيدان=على شان روسا ماضي الوقت تسكنها
حموها بوقتا فات ماطبها العدوان=رجالا<ن> جليل الملك دايم معاونها
تخوض الحرايب كل ماهبوا الشردان=ليا كابرت روس الأفاعي تطمنها
الا يازمانا<ن> كان يدْكر به الشجعان=تعيش القلوب بخير محدا بغابنها
وحنا بلا منه صناديد فالعجمان=ليا كبرت الهيجا وكبرت دخاينها
ليا ثار في السماء العج والدخان=الأرواح عن مايطلق الوجه نرهنها
اخدْنا الفخر ماهي سوالف طويل لسان=تموت القلوب السود والحقد دافنها
وجميع القبايل ونعم من خلقت العربان=صدوقا<ن> نواياها نظافا<ن> معادنها
وأنا احب دارا كان يوجد بها الشيبان=عسى حدودها ربي عن الشر يامنها
تحت رايتا يرفع لها الشكر والعرفان=سلاطين نجد وربي اللي امكنها
طلال بن خرصان
مع تحيات
الأدوح
28-06-2004, 12:26 PM
العرض المتطور
