فـــــــرســــــــان الجـــــــــبلان ,,,,,,,,؟

فواز ابن لامي · #1 03-07-2008, 02:02 PM

السلام عليكم ورحمة الله وبركاته

الجبلان فخذ من علوى من مطير ويسكنون اللصافه بالصمان
ومن عزاوي الجبلان : آلاد جبل / شرابة الهوى / خيال صبحا جبلي
ومن القاب الجبلان : بعيدين المغازي / ومدلهين القصير

ومن فرسان الجبلان : وبعض الابيات التي قيلت بهم
1_دليبح بن لامي
عسى الحيا يسقي جباة اللصافه : هكا القليب الي دليبح طواها
2_ فدغم بن لامي :
خمسة عشر خيال فدغم حداهم : عرضهم المضمى ولعن جداهم : ياعم يافدغوش حسن لحاهم
3_ نهار بن لامي :
لاتحسبني يايبه عنك سجيت : واحد سدادلك والآخر ضحيه
كله مشان الي ذبح في حجا البيت : نذبح سمين ماذبحنا معيه
4_ خالد بن لامي :
انا من الجبلان عطبين الاسباب : ذخري ليامن القبايل جفوني
في ضف خالد معلق الخيل الانشاب : ملاي بالحفه كبير الصحوني
5_ صاهود بن لامي :
غزيت انا ياعبيد بهلال عاشور : اول صفر والتوم كله تمامي
ثلاثة اشهر فوقهن تقل ناطور : مع مثلهن ماشفت زاه الوشامي
6_ غنيم بن شبلان :
غنيم قفا بالسبايا دعاثير : ووراط سال من اشقر الدم ريعه
والله يالولا الجبال الشناضير : ماينكس الي من يهرج رضيعه
7_ عقاب بن شبلان :
يوم فعل عقاب هو بالغيهبيه _ طرح حمدان بن سويط من فرسه
8_ فيصل بن شبلان:
يقول ديكسون يعتبر الرجل الثاني بعد فيصل الدويش بمطير
9_ سطام ابا الخيل :
قائد جيش الملك عبد العزيز
10_ خليف التوم :
ان صملوبي زبنت خليف : التوم حيثه يزبني
قطعانهم يرتعن الخوف : ونجورهم مايباتني
11_ ذيب
اشكي على ذيب كما انه مضنه : مضن طيب ؤعادته يفعل الطيب
وعم بالنخوه عيال الاعنه : الي لهم يوم الملاقى مضاريب
12_ محمد ابو شيبه
ياسيفي الي يمرجل من تهقوابه : سيفي زها لابسه ونحط بمتونه
حتى ولو شوش الهوشه بمشعابه : ونجا لاهل الهجن كلهم يحمدونه
13_ حمود ابوشيبه :
يايمه ماريد غير حمود : حمود ولد الشيابيني
يستاهل السيف والبارود : والبكره ام العثانيني
14_ خنيفس اللوذعي ابوشيبه :
اللوذعي فك خيل مطير : من المنفق والجواريني
من ضرب شلفاه عشا الطير : شي تحلاه بالعيني
15_ شويش بن ضويحي :
امير منطقة عسير بعد توحد المملكه
16_ صالح القريني
17_ بن طريس :
انا ابو نجلا مودع الهجن سهاج : لي اخطت من الاقصى قمعت الموالي
في ربعي الجبلان عجلين الافراج : بالضيق يرخص عندهم كل غالي
18_ حشاش بن عوض : عفى عن الظفير يوم يقولون
غرنا على البل وخذناها : ؤلحقوا هل البل بساقتنا
لولا النصايب زبناها : محد يموت موتتنا
19_ زليع
20_ فيصل بن ضلفان
الخيل خلتني لابن ضلفان : قفت لاهلها ماتقدي مواطيها

بالتاكيد يوجد اسماء لااعلمها والموضوع قابل للاضافه
ونرجوا السموحه

فمان الله

المحامي vip · #2 03-07-2008, 02:37 PM

السلام عليكم ورحمة الله وبركاته

ونعم والله فيهم كلهم ومشكور على المعلومات

ونعم شرابة الهوى

حاكم نجد · #3 03-07-2008, 10:21 PM

السلام عليكم ورحمة الله وبركاته

بـيـض الله وجهـك جـهـد تشكر عليه ...
لاهـنـت يالغالي...تقبل ودي وتقديري...
تــقــبــل مـــــــــروري...

فواز ابن لامي · #4 04-07-2008, 12:36 AM

حياكم الله

والعفو اخواني ماسويت شي

وشكرا علي المرور

مـحمـد · #5 04-07-2008, 02:45 AM

السلام عليكم ورحمة الله وبركاته

ونعم فيهم جميعا وبودنا لو اوردت عنهم الكثير غير ذكر الاسماء
لاني بصراحه لا اعرف غير صاهود بن لامي ولاهنت .

الكاتب · #6 04-07-2008, 05:44 PM

بارك الله فيك يانسل الكرام

ولكن قصة القبر هذه 1

اقتباس:

8_ حشاش بن عوض : عفى عن الظفير يوم يقولون
غرنا على البل وخذناها : ؤلحقوا هل البل بساقتنا
لولا النصايب زبناها : محد يموت موتتنا

نسبت لغير الجبلان
فماهو ردك على ذلك ؟؟

البليهي · #7 04-07-2008, 07:22 PM

ونعم في الجبلان وفي مطير جميع

واعتقد لقبهم ( شرابه الهوا )

ياليت تفيدنا اخ فواز عن سبب التسميه اذا كانت صحيحه

وشكرا

سهلي وخوالي عجمان · #8 05-07-2008, 07:14 AM

والله ونعم بالجبلان .. أشتهروا بالشجاعه

وفيه واحد من شعراءنا القداما يمتدح ربعه ويصفهم بالشجاعه
وقال بما معنى احد ابياته انه لا يقف امام جموعنا الا من كان مثل شجاعة الجبلان والا ابن هادي القحطاني
وهو الشاعر والفارس الكبير سويد العرقان البرازي :

فواز ابن لامي · #9 19-08-2008, 03:48 PM

سبب تسمية الجبلان

((بشرابة الهواء))

كان صاهود بن لامي

غازي يم شمال ومعروف صاهود بغزواته البعيد

واسموه بعيد المغازي

وكان ماعندهم ماي ويرافق صاهود بن لامي علي ما اضن شمري وقال شمري ياصاهود ترا ماعندنا ما

فقال صاهود حنا جبلان شرابة الهوا

فواز ابن لامي · #10 19-08-2008, 03:54 PM

تامرون أمر يا العجمان

فيصل بن شبلان

كان فارس وهو صغير وكان عمره 17 سنه

بكلمك بكلام محلي لا فصحا ولا من يحزنون

كان قاعدين شيبان وموجود فنجال غدير الموت اكيد الكل يعرفه

قال واحد من الجبلان يا جماعه هذه فنجال غدير الموت منو يشربه

محد تكلم وينقز فيصل بن شبلان وكان صغير

وقال ابوه انثبر

ويجي رجال وياه الفنجال ويفتر علي رياجيل ويقول هذه فنجال غدير الموت منو يشربه

ويجي عند فيصل وفيصل ياخذ الفنجال ويشربه

وغدير الموت فارس لا احد يقف قدامه الي قدامه يذبحه

ويجي فيصل ابن شبلان ويذبح قدير الموت

ويتبع,,,,,,؟