(((جديـد محمد بن الذيـــــــــب...دموع ضيدان)))

القلب الطيب · #1 24-06-2008, 12:05 PM

بسم الله الرحمن الرحيم

ياناس والله ان شاعرنا محمد بن الذيب هو متنبي هذا الزمان لا ويش متنبي المتنبي فيه ،حسب روايات المؤرخين امور قد تخل بالعقيدة، لكن شاعرنا ما اخل بالعقيدة لكنه تفوق حتى على المتنبي ، اقولها وانا صادق وبدون محاباة.

ياناس هذا الشاعر غير عن كل الشعراء ، صادق مباشر ، صاحب قلب ابيض كبير ، وعلى كثر الطحالب وكثر الأعداء وكثر من يحاول يهمز ويلمز فيه الا ان الله عز وجل معه لأنه طيب النية.

الله يحفظك يبو راشد عز الله انك رجال من ظهر رجال.

القصيدة سمعتها في موقع ((القصيـــــد)) وكانت على هامش لقاء قامت به قناة المختلف مع الشاعر الكبير محمد بن الذيب ، وفيها تم توضيح اللبس الحاصل في القصيدة التي نسبت لابن الذيب وقد قابل ابن الذيب صاحب السمو الملكي الأمير سلمان بن عبد العزيز حفظه الله وكان الشيخ منصور بن جمعه موجود وتم خلال الاجتماع ايضاح اللبس وقد القى ابن الذيب قصيدة في الامير سلمان وقال ابن الذيب ان اللقاء كان لقاء اب مع ابنه وكأن الأمير حفظه الله "راشد بن الذيب".

هذا اللقاء بين الأب وابنه بمثابة لجام على افواه كافة الطحالب والمنافين ومن يسعون بين الناس بالفتنة ومن يريدون التشفي من ابن الذيب ليس لشئ إلا لأنه شاعر جزل ولا يستطيعون مجارة بيت من أبياته.

وقد كتبت هذه القصيدة، واعتبر أن ذلك سبق صحفي واتحداكم تلقونها مكتوبة في اي منتدى او موقع وقد اوردتها لكم لأني اعرف تماماً أنكم متعطشون للجزل ، وابو راشد شيخ الجزالة بدون منافس.

يقول ابو راشد عسى ايامه سنين:

ونة الطيب المهموم والسكران=تختلف في السبب والأصل والحده
ورضي الله عن ابو بكر فعلاً كان= يصلح الناس واولهم هل الردة
للمواطن فكر ما تفهمه لاوطان=ما بناه بطموحه..واقعه هده
وان تغربت لا دوله ولا عنوان=يصنع المجد من يصبر على الشدة
كني الطير ابو مخلب وابو جنحان=والذعاذيع في منحره منهده
كل كائن خلقه الله عدى الانسان=يقدر يعيش من جهده ومن كده
اتحداكم ان البيت ذا مليان=اهرج والعيون يجيلها لده
يا حسن رزقنا ماهوب على الديوان=وش بلا اعصابك من العام مشتده
رزقنا عند من فرعون ياهامان=حط له برج عاج وقال انا نده
ودام به يامي(ن) من يام في نجران=الحزام الحزام العدة العده
الجناسي ما هزت موقف الغفران=والغلا لبو مشعل جزره ومده
ويا وجودي وجود معزب(ن)بطران=كل رزق(ن) في جيبه تصرفه يده
ثم رزقه الله بخمسه من الورعان=وكل ورع(ن)من الطنخه على حده
بس ما سدت ديونه من الديان=وقفت ابوه ولا مرجلة جده
ذا وجودي على بنت(ن)من العجمان=كنها الموت والبارود والهده
جدها من خضير وبنت ابي شلوان=لوحداها الزمان وغربت مده
يوم قالت: "ابي واحد مثل راكان=قلت راكان مابه واحد(ن)قده
عين ريميه ومدري ايش يقول ونحر حصان=تثري الليل فوق الكتف وتلده
شدت الضاعنية واخبرت الاغصان =في طرف وادي(ن)في جالها حده
دورولي عذر تكفون يا لخوان=قدلي ايام وانا اطرٌي الشده
يا بحر جدة ودموع الخبل ضيدان=من صلافته ما طاحت على خده
والا انا ماني بضيدان بن قضعان=اشهد اني بهله يا بحر جده
ضحكتي ضحكة المتغرب الولهان=ودمعتي دمعة اللي ماهو بوده
ليتلي حيلة الساحر او الكهان=من وجود(ن)ذبحني بالغلا وده
كان خليت قلبي هدهد سليمان=كل ما اشتاق قلبي صوبها اهده
كل ما جيت بيته قلت للجدران=ما ذبحش الغلا والبعد والصده
قالت ان هد حالك طاري الخلان=طوبي مفارق الخلان ما هده
قلت لو ذقت طعم الذل والحرمان=كانت ركونك من العام منهده
لمعة السيف ترهب صامل الفرسان=لو اصابه فكفه يرهبه حده
وجعل يسقى يا ديسمبر شهر شعبان=قبل اقفي وانا ماعاد لي رده

هذا ما وجدته على موقع القصيد واعذروني على القصور وابو راشد الله يبطي بيومه جزل وقمة في الرجولة والشعر.

ولمن أراد ان يستمع ويشاهد اللقاء مع شاعرنا الكبير محمد بن الذيب حفظه الله

((لقاء قناة المختلف بالشاعر الكبير محمد بن الذيب حفظه الله))

تقبلوا تحياتي وتقديري

اخوكم

القلب الطيب

فلاح بن ملبز · #2 24-06-2008, 05:15 PM

حجز 1

القلب الطيب · #3 25-06-2008, 11:04 AM

اقتباس:

المشاركة الأصلية كتبت بواسطة فلاح بن ملبز

حجز 1

في انتظارك يا فلاح والله يحييك

تقبل تحياتي وتقديري

اخوك

القلب الطيب

محمد بن دسمه · #4 24-06-2008, 05:21 PM

ابوراشد تتعب تكلم فيه

قصيده حاله استثنائيه .. اخلاقه شي ثاني . بياض قلبه ولا أروع ..

أما ع سالفه القبض عليه هذا اشاعه ..

ويومها كلمت كذا واحد .. وهو اتصل بجواله مغلق ..

لكن تعرف الناس تحب البربسه ..

لو هم صحيح يبون يمسكونه كان مسكوه من سنتين

وجعله قوى ابوهنود ..

صح الله لسانه ولاهنت يالشيخ ع النقل

والا انـا مانـي بضيـدان بـن قضعـان
اشهـد انـي بهلـه يــا بـحـر جــده

القلب الطيب · #5 25-06-2008, 11:11 AM

اقتباس:

المشاركة الأصلية كتبت بواسطة محمد بن دسمه

ابوراشد تتعب تكلم فيه

قصيده حاله استثنائيه .. اخلاقه شي ثاني . بياض قلبه ولا أروع ..

أما ع سالفه القبض عليه هذا اشاعه ..

ويومها كلمت كذا واحد .. وهو اتصل بجواله مغلق ..

لكن تعرف الناس تحب البربسه ..

لو هم صحيح يبون يمسكونه كان مسكوه من سنتين

وجعله قوى ابوهنود ..

صح الله لسانه ولاهنت يالشيخ ع النقل

والا انـا مانـي بضيـدان بـن قضعـان
اشهـد انـي بهلـه يــا بـحـر جــده

يامرحبا يابن دسمه والله يعطيك العافيه على الكلام الطيب

وابو راشد الله يبطي بيومه شيخ مهوب حيا الله

تقبل تحياتي وتقديري

اخوك

القلب الطيب

النقال · #6 24-06-2008, 11:40 PM

أخي الغالي

تذكّرني بشاعرية شاعرنا الكبير محمد بن الذيب أيامه يقول :::

هذا القصيد وقمّة الأبداع

وأتمنى أن يصل كلامي لشاعرنا الكبير

القلب الطيب · #7 26-06-2008, 11:16 AM

اقتباس:

المشاركة الأصلية كتبت بواسطة النقال

أخي الغالي

تذكّرني بشاعرية شاعرنا الكبير محمد بن الذيب أيامه يقول :::

أنا بدّي أغني طرب والعرب ممسين=لكن قلبي المرجوج ضايق ولابدّه
إلى من تغدّى خالي الهم أبو قلبين=أنا كبدي تعيف الغدى جعلها الغدّه
أنا طرقي يرجي زمانه عساه يزين=وإلى من حصلّه قوت يومه نسى غدّه
ياقلبي لامن ضقت أش الضيق للمسكين=ويادمعي لامن سلت أخ والمرجله هدّه
وياعزمي لامنّك طحت تكفى أطيح ابزين=أبي طيحتك طيحة شجاعٍ ماهوب ودّه

هذا القصيد وقمّة الأبداع

وأتمنى أن يصل كلامي لشاعرنا الكبير

يامرحبا يالنقال والله يعطيك العافيه على كلامك الطيب وابو راشد مبدع دائماً الله يحفظه

تقبل تحياتي وتقديري

اخوك

القلب الطيب

DUNHILL · #8 24-06-2008, 11:48 PM

ذا وجـودي علـى بنت(ن)مـن العجمـان
كنـهـا الـمـوت والـبـارود والـهـده
جدها مـن خضيـر وبنـت ابـي شلـوان
لوحـداهـا الـزمـان وغـربـت مــده
شـدت الضاعنيـة واخبـرت الاغـصـان
فـي طـرف وادي(ن)فـي جالهـا حــده

بن الذيب شاعر ومبدع وقصيدته عاجبتني
بس ودي انه فاك عمره من ذالبيوت لان مالها داعي بالمرّه !
وتبقى وجهة نظر

عذب المشاعر · #9 27-06-2008, 02:34 PM

اقتباس:

المشاركة الأصلية كتبت بواسطة DUNHILL

ذا وجـودي علـى بنت(ن)مـن العجمـان
كنـهـا الـمـوت والـبـارود والـهـده
جدها مـن خضيـر وبنـت ابـي شلـوان
لوحـداهـا الـزمـان وغـربـت مــده
شـدت الضاعنيـة واخبـرت الاغـصـان
فـي طـرف وادي(ن)فـي جالهـا حــده

بن الذيب شاعر ومبدع وقصيدته عاجبتني
بس ودي انه فاك عمره من ذالبيوت لان مالها داعي بالمرّه !
وتبقى وجهة نظر

انا اوفقك الرأي اخوي دنهل هذا الكلام الصحيح بعيد عن المجاملات

بعض الحكي ما له سنـع

غترة محمد بن الذيب · #10 24-06-2008, 11:51 PM

وجعل يسقى يـا ديسمبـر شهـر شعبـان
قبـل اقفـي وانــا مـاعـاد لــي رده

<<<<<<<<<<< الله يطول بعمرك انشالله

صح لسانك يا شاعرنا وسلمت ايدينك يالقلب الطيب..

تحياتي غترة