حبيبي وعوده ما تشابه وعد بلفور

[البليهي]

.
.


السلام عليكم ورحمه الله وبركاته

احب اهديكم هذي المتواضعه وارجو ان تحوز على رضاكم

وبصراحه انا ما ابخل على هذا المنتدى الغالي علي جدا باي قصيده كانت حتى لو كانت دون المستوى


صلوا على النبي

تماديت في هجري وانا اقول لك معذور=اقول الظروف اللي توديه بتردَه
وراحت سنه واقفت وراها ثلاث شهور=وصدتك يبن الناس ما بعدها صدَه
تعال اعترف لك بالغلا يا شبيه الحور=وشوف بعيونك مسكنك ماحدن سدَه
تعال اسكن بقلب(ن) غدا عقبكم مهجور=تلاعب به رياح الهوى نوب وتهدَه
مغير اتصبَر واتعبَر ولا به نور=يزيح الظلام ويبعد الباس والشدَه
ونا ما يسليني سوى شوفه المخبور=جميل المحيَا ريحه المسك من خدَه
ابو ضحكه(ن) تسحر ولو ماني بمسحور=عفيف الشرف ما شربوا الناس من عدَه
عليه احترق قلبي كما الخبز في التنور=تقلب على نار الجفا صار له مدَه
حبيبي وعوده ما تشابه وعد بلفور=وانا خابر العاشق حريص(ن) على وعده
وتالي عرفت انه ما يمشي على الدستور=ولا همه اللي مشتحن لعنبو جدَه
على الله على الله يا حبيبي تجي مجبور=عقب ما جرحت القلب والروح بالصدهَ

[اخو شيخه]

الله صح الله لسانك يالسنافي


تقبل تحياتي

[البليهي]

المشاركة الأصلية كتبت بواسطة اخو شيخه

الله صح الله لسانك يالسنافي


تقبل تحياتي

صح بدنك ياخو شيخه



وشرفتنا يالغالي


.

[محمد بن دسمه]

الشحنه تذبح الرجال

صح الله لسانك ولاهنت نفداك

جزله .. عوايدك يالشيخ

[البليهي]

المشاركة الأصلية كتبت بواسطة محمد بن دسمه

الشحنه تذبح الرجال

صح الله لسانك ولاهنت نفداك

جزله .. عوايدك يالشيخ

بن دسمه صح بدنك طال عمرك



والجزل مرورك



.

[فهيد بن عصيدان]

^

اي بالـله اي بالـله



وتالي عرفت انه ما يمشي على الدستور
ولا همه اللـي مشتحـن لعنبـو جـدَه
على الله على الله يا حبيبي تجي مجبور
عقب ما جرحت القلب والروح بالصـدهَ


البليهي صح لسانك جدّا
مبدع ووافي

بس خلّ منّك العنجهيّه

[البليهي]

المشاركة الأصلية كتبت بواسطة فهيد بن عصيدان

^

اي بالـله اي بالـله



وتالي عرفت انه ما يمشي على الدستور
ولا همه اللـي مشتحـن لعنبـو جـدَه
على الله على الله يا حبيبي تجي مجبور
عقب ما جرحت القلب والروح بالصـدهَ


البليهي صح لسانك جدّا
مبدع ووافي

بس خلّ منّك العنجهيّه

ارحب يبو محمد


صح بدنك طال عمرك


وعز الله شرفت القصيده بمرورك


وبالنسبه للعنجهيه غصب بخليها

.

[**الغالي**]

صح لسانك يالبليهي ولاهنت

[البليهي]

المشاركة الأصلية كتبت بواسطة **الغالي**

صح لسانك يالبليهي ولاهنت

صح بدنك يالغالي



ولا انت

[سعد بن بصيص ال فنيس]

الله الله

:
:

وصح السانك

:
:


والله لايهينك

:
:


وتقبل مروووري