صاهود بن لامي يقصر عنوة مطلق الديدب ويهزم عنزه- وقعة صواب

[العمار]

قصة غزو الجبلان من مطير على عنزه في مكان اسمه صواب يقع حاليا شرق الاردن
وسبب ذكرها بانها اخذت وقتا طويلا ثلاثة اشهر روحه وثلاثة اشهر رجعه نظرا لبعد
المسافه والقصه وما فيها بان الجبلان غزو على عنزه واخذو حلالهم ورجعو الى اهلهم
وعندما علم مطلق الديديب شيخ العمارات من قبيلة عنزه قال ان مسكت بن لامي امير
الجبلان قتلته وعندما سمع بن لامي امير الجبلان هاذا الكلام قال لربعه الجبلان
غزينا شمال قالوله وين يابو سفاح قال شمال ثم قال رجل من الجبلان والله
مايردكم الا عنزه يقصد بان ابن لامي ناوي لعنزه وفعلا قطعوا المسافه
وصبحوا عنزه في شعيب صواب وكان ابن لامي يقصد من ذالك قتل مطلق الديديب
أحد شيخ العمارات ونظرا لان الجبلان فخذ من مطير وهم قلة بالنسبه
لقبيلة عنزه الكبيره فقد قطع ابن لامي عنزه وفصل فخذي شلخان وصقور
عن باقي قبيلة عنزه حتى لاينذرو باقي القبيله وقد هرب الشيخ مطلق الديدب
وصبحوا الجبلان فخذي عنزه واخذو حلالهم ورجعوا الى اهلهم في الصمان
وقد قال صاهود بن لامي في ذالك :

غزيت انا ياعبيد بهلال عاشور = اول صفر والتوم كله تمامي

ثلاثة اشهر فوقهن تقل ناطور = مع مثلهن ماشفت زاه الوشامي

كم فاطر من نيها تزعج الكور = تفصم مضاريس الرسن والخطامي

واليوم دوك ذراعها لاحن الزور=: مثل الغشين الي طواه الهيامي

يذكر لنا ياعبيد شلخان وصقور = بيسر شعيب صواب ذيك الزوامي

صبح اربع من يم عرعر وبا القور= حمر تناسع بالنشامى همامي

ندوسهم ياعبيد مع شقت النور = كما يدوس الجول فرخ القطامي

ؤلونها في مطلق قاسي الشور = هذيك هي الي عليها السنامي

ؤعنا تنحا بالقبيسه ورا الهور = نوخ مناخ معقلين الجهامي

ؤمن طال عمره ماقصرتوه بنذور = ون ساعفة ياعبيد وهب الولامي

ويا ماحلا جيب المغاتير دعثور = من فوق حمر تقل جول النعامي

ؤعلم نطرشبه فهد هو ومنصور=: ووفايته تنهج شمال ويامي

لعيون من قرنه على المتن منثور = وقذيلته تشدي لريش النعامي

بربعي مهديت الصعب كل مصطور = بصمعن مضاربهن تقص العظامي

وقد زار الامير سلمان بن عبد العزيز آل سعود الاردن وقد كان مرافقا له
الشاعر محمد خلف الخس المطيري واخبره بان مطير غزو على عنزه في
هاذه المنطقه ولم يكن الامير مصدقا الى ان سالو رجلا كبير بالسن من عنزه
وقاله الامير سلمان من جاكم من العرب قال العنزي ماجانا الا صاهود بن لامي
امير الجبلان عند الجبل هاذا وكان يؤشر على جبل قريب منه .

ثلاثة اشهر مع هل السيف عادين= الهجن كمل نيهن والجهد باد

يتلن ابو سفاح سقم المعادين =الحر الاشقرلابرق الريش صياد

جبلان من بد النحايا ضريرين = حريبهم مايهتني النوم برقاد

هاذا كلام الصدق والناس دارين= ويقطعك ياهرج بلا صدق ووكاد

ابو سفاح: صاهود بن لامي

[العرااقي]

عفاك الله اخي وعزيزي العمار

على هذا الموضوع التاريخي الرائع واللذي ذكره المؤرخ المصري هشام فؤاد ص 137

اخوك إلياس الدليمي - الدينمارك

[الصقري]

كما مرة أقول لكم ما هكذا تورد الابل ...!!!

بس تصدق أحلى مافي السالفة العمار يكتب والعراقي يثني عليه ...

السالفة منولها لاخرها :

ونظرا لان الجبلان فخذ من مطير وهم قلة بالنسبه لقبيلة عنزه الكبيره فقد قطع ابن لامي عنزه وفصل فخذي شلخان وصقور عن باقي قبيلة عنزه حتى لاينذرو باقي القبيله وقد هرب الشيخ مطلق الدويبي وصبحوا الجبلان فخذي عنزه واخذو حلالهم ورجعوا الى اهلهم في الصمان

خليت كل قبايل عنزة ضد الجبلان ؟؟؟

ياخي اذا قلت: الرولة - الدهامشة - الفدعان ، كانك تقول :مطير - حرب - عتيبة ...
وشلون عاد قبيلة عنزة تقابل الجبلان

السالفة هذي أن ابن لامي كان يتوعد مطلق الديدب ، ومطلق بعد كان يتوعده وكان ابن لامي ناذر انه يذبح مطلق الديدب فغزى وجماعته الجبلان ومعه عبيد بن زياد بن طوالة من مشايخ الاسلم من شمر ومن معه من شمر على مكان اسمه الرطبة ويوم جوه هالمطران ومعهم بن طوالة لقوا البل سارحة ويمها جماعة قليلة من الشلخان من الدهامشة والصقور من الجبل من العمارات وكان بين الدهامشة والصقور عداوة قديمة وهو ماغزى الا على الشلخان وماقدر يقرب للصقور وماجاء عند مطلق الديدب أبداً وصاهود عقب ماخذا حلال الشلخان هج يم الصمان لانه بعض فرسان الدهامشة كان بيلحقونه مار مافكوا الا بعض حلالهم وبقصيدة الرشيدي اللي كان مخاوي لصاهود كان يتمنى انه لو واجه مطلق الديدب مار ماحصله ورد عليه واحد من شعراء السويلمات من الدهامشة من عنزة على صاهود بن لامي

وهذا هو البيت :

ياليتها في مطلق وافي الشــــــــور
،،،،،،،،،،،،،،،،،هاذيك هي اللي عليها السنامـــي

وصاهود ماهو شاعر القصيدة هذه لواحد رشيدي يا كذاب مخاوي لصاهود بالغزو ...

وصاهود يتوجد ويتمنى لونها بمطلق الديدب بالبيت السابق

ويقول عبيد بن زياد بن طوالة من شمر :

حنا غزينا والنخل تو مابــــــــور
،،،،،،،،،،،،،،،،،،،،،،،،لما استوى طلع النخل بالتمامـي
تسعين ليلة فوقهن تقل ماســـــــور
،،،،،،،،،،،،،،،،،،،،،،،،بالقيظ ماذقنا لذيذ المنامـــي
الجيش باد وبيدن كل مثبـــــــــور
،،،،،،،،،،،،،،،،،،،،،،،متلطمن عيا يرد الكلامـــــــــي
نمشي باثر صاهود عساه ماجـــــــور
،،،،،،،،،،،،،،،،،،،،،،،مرذي لطفقات البكار ابن لامـــي

ورد على الشاعر الرشيدي اللي قال القصيدة السابقة على لسان صاهود واحد من شعار السويلمات من الدهامشة من عنزة جماعة مطلق الديدب يقول:

الخيل مرعاها بصمعا وخافـور
،،،،،،،،،،،،،،،،،،متليمن وينطرون ابن لامـــــــــي
ان سلم راس اللي ذبحتوه بنــــــــذور
،،،،،،،،،،،،،،،،،،مطلق صليب الراي شيخ الجهامي
ان جابك الله يابو سفاح للخــــــــور
،،،،،،،،،،،،،،،،،،وحنا جنبها زان الكلامــــــــــــي
اما خذيتوها وعدنا بعاثــــــــــــور
،،،،،،،،،،،،،،،،،،ولا غديتو بين ربعي اقسامــــي

والشاعر يذكر بالابيات ان الفرسان والخيالة ينطرون ابن لامي وهو ماجاه يمهم .....دليل واضح وفاضح ...

التاريخ واضح وصريح وللكن سبق وأن قلت اذا اسبعد الكذب والتزييف

والبهارات سيكون أجمل ...

[ابوحمد الشامري]

يا جماعه تر ى انا حذفت أكثر من خمس مشاركات كلها سب وتجريح وخروجا عن شروط الكتابه في المنتدى وخروجا عن الموضوع الاساسي وكلامي هذا موجه خاصة الى كل من :

الاخ ابو الوليد والاخ الفجر البعيد الذي عدلت على مشاركتك الاخيره والاخ العمار ايضا.

يا اخوان لا تتمادوا في السب والتجريح ولا تخلونا نتخذ منكم مواقف نحن أعطيناكم الحريه في الكتابة ولكن بدون سب وتجريج.

تحياتي للجميع

[ناجى]

تسلم يالعمار والقصيده مشهوره ومعروفه

وبن لامى لايحتاج ذكر فى فروسيته

تحياتى لك

[راعي الصمان]

بورك فيك أيها البطل (العمار)

وقصة بعيد المغازي صاهود بن لامي وغزوه على العنوز معروفة وهزمهم شر هزيمة وقد ذكرها ابن خميس ... وبعده الغزو قال محمد بن جدوع الرشيدي وهو من المصاحبين لصاهود يذكر غزوتهم وماجرى لهم في ذلك الماراثون البطولي...

يقول بن جدوع:

ثلاثة اشهر مع هل السيف عادين =الهجن كمل نيهن والجهد باد

يتلن ابو سفاح سقم المعادين = الحر الاشقر لابرق الريش صياد

وغرنا على عناز برضن بعيديـن =يم الاخيضر ويـم ديـران الابعـاد

وغرنا على عناز برضن بعيديـن =يم الاخيضر ويـم ديـران الابعـاد

وغرنا على عناز برضن بعيديـن =يم الاخيضر ويـم ديـران الابعـاد

وغرنا على بوش طلع بين حزمين = بأيمن جلاديه خذينالها اذواد

وصارت نكيفتنا على بلدة العين = في حاجة الزهبه وفي حاجة الزاد

والشيخ بيع في بريده بعارين = وقسم علينا أثمانهن جوز وافراد

ثمن ركبنا من هل العين عادين = وحط ابن لامي دار الاجناب ميعاد

سقنا ونوخنا للاجناب يومين = وجاهم نذرنا واحتسونا بمجراد

وتهرجوا بالمنع عنه امتراضين = عن ابن لامي نهضوا سلم الاجواد

تحاقرونا يوم حنا شويين = وحنا الشراب الكدر سمن للاكباد

والموت ماجنب رجالن كثيرين = الموت واحد وانفد الخلق مازتاد

والـ(...) عود وربعه معيفين = بالصمع طوعناه مثل ابن مجلاد

بغوا ركايبنا وحنا معيين = الجيش من دونه مداغيش الاولاد

جبلان من بد النحايا ضريرين = حريبهم مايهتني النوم برقاد

هذا كلام الصدق والناس دارين = واقطعك ياهرجه بلى صدق ووكاد

وهكذا بطولات مطير يوثقها التاريخ المدون وتشهد لها القصائد القديمة من عيون الشعر التي يتغنى بها الباديه ... بينما غيرهم من المهزومين يلجأون إلى حبك القصص وتأليف القصائد وهم في ذلك معذورون.... نسأل الله لهم الشفاء.....

[ابوحمد الشامري]

أخ العزيز الجبلي لقد قمت بتعديل بعض الكلام الذي لا ينبغي منك يا السنافي.

وقمت بتعديل على القصيدة لو سمحت لي وارجوا منك يا اخي العزيز ترك السب والتجريح الشخصي.

تحياتي يا السنافي

[العمار]

مشكورين لمشاركتكم جميعا..

[سلطان 1]

ونعم بمشبعت الطير
كفو والله

كفو يا العمار

[راعي الصمان]

كم فاطرن صاهود بيد جهدها
.............................عقب الشحم والزين يثلع حفاها