قـــــالـــوا تحـــــبه ؟؟!!

[الياميه]

السلام عليكم


هذه قصيده للشاعر سعود بن بندر , أعجبتني وحبيت اني اشارك بها

عسى أن تعجبكم :::::::


قـــالـــوا تحــــبه قلــت مــاهوب بــالحيل :::
يــــسوى جـــميع الجــيل الاول وهـالـــجيل .

شــوقــي لــه أعــظم مــن ظمــا الأرض للسيـل :::
واحتــــاج له حــــاجــة ثــرى مصــر للــــنيل.

أشـــتاق لـــه شــوق المحـــــبين لليــــل :::
لمــا صــار جنـــنبي لو ســـنه وقتـــي بخــيل .

قــالـــوا يحبـــك قلــت هذا هـــو الويــــل :::
وأهـــدم رجــاي بدبــرتــي مثــل ما قـــــيل.

ياحبــــكم يــانــاس للقــال والقيـــــل :::
خلـــونــي أحيــــا فـــي الوهــم يا عواذيـــل .


وســــلامتكم ,,,,


الياميه .

[راكان اليامي]

صح لسانش يالياميه
وهذي القصيده قدغناها الفنان سعد جمعه

والله يرحم الشاعر

تحياااااتي

[مفلح]

تسلمين يـ " اليــــامية " على نقل القصيدة الجميلة، من أقدم القصايد التي ربينا معها وحن صغار ، لكن القصيدة اللي اعرفها فيها إختلاف من اللي تكرمتي بها علينا، وهذه صورتها

قالوا تحبه قلت مــا هو بالحيل = بس انه أغلا شوي من نور عيني

يسوى جميع الجيل الأول وهالجيل = واحبابي المــــاضين والمقبلين

شوقي له أعظم من ظمى الأرض للسيل = واشفق عليــه أكثر من أم الجنيني

واحتاج له حاجة ثرى مصر للنيل = وعليه أغـــار أكثر من الوالدين

أشتــاق له شوق المحبين لليل = وارتــاح له راحت دموع الحزين

لا صار جنبي لو سنه وقتي بخيل = ولو غاب لو لحظة صارت سنيني

قـالوا يحبك قلت هذا هو الويل = مــا ودي أنشد ثم رفضه يجيني

واهدم رجاي بدبرتي مثل ما قيل = والأفضل أحيــا بالأمل لو لحيني

يــا حبكم يا ناس للقال والقيلي = الله يجازي . . جملة العــاذليني

خلوني أحيا في الوهم يالعواذيل = وش دخلكم والأمر بينــه وبيني

وتقبلوا تحياتي،

[روووووعه]

صح لسانك يالياميه ولسااان الشاعر

لاهنت يالغاليه

ننتظر اباعاااتك ,,

تحياتي,,

[الياميه]

وعليكم السلام

راكان اليامي ::::: صح بدنك ,, ولاهنت على الاطرا ء وحياك الله .


فمان الله ...الياميه .

[فواز]

شكرا لك يالياميه
وصراحه القصيده جميله
ويعطيك العافيه

[الياميه]

وعليكم السلام

مفلح :::: ومن قال سلم , لاهنت على التوضيح , وعلى المرور ....

وأنا نقلتها على صورتها ولم أغير فيها .

وفمان الله ,,,

الياميه .

[الياميه]

وعليكم السلام

رووووعه ::: يهلا ومرحبا , حياش الله ياللغاليه ,, وأسعدني مرورك , وصح بدنك والله يرحم قايلها ...

تقبلي تحياتي ,,,

أختك :: الياميه .

[الياميه]

وعليكم السلام

فواز :::عفوآ أخوي , ومشكور على الاطراء ..

تحيـــــاتــــي,,,

الياميه .