سبع القبايل

[خيال الصمان]

السلام عليكم ورحمة الله وبركاته

وشلونكم يالربع

الكل سمع بسبع القبايل

هي بالتاكيد سبع القبايل تخص قبيلة مطير

فيه ناس يقولون سبع القبايل هي القبايل التي تحيط بقبيلة مطير
وان مطير حاربة جميع القبايل

1_ قبيلة الظفير
2_ قبيلة شمر
3_ قبيلة حرب
4_ قبيلة عتيبه
5_ قبيلة سبيع
6_ قبيلة قحطان
7_ قبيلة العجمان

طبعا توجد قبايل اخرى ك عنزة والخوالد وقحطان في السابق وغيرها
ولكنني ذكرت القبايل التي ديارها تحيط بديار مطير

كقول الشاعر :

حنا مطير ؤلاعلينا من الغير : كل القبايل ذاقت الموت منا

وقول بن حطاب الدويش :

ربعي على كل القبايل عدامه : على الرضى ولا على غير راضين

وهناك تفسير آخر وهو :

ان سبع القبايل هي القبايل التي حاربة علوى بكون لبن بالصمان

وهي :

1_ قبيلة المنتفق
2_ قبيلة العجمان
3_ قبيلة سبيع
4_ قبيلة المره
5_ قبيلة المناصير
6_ قبيلة السهول
7_ قبيلة الهواجر
8_ قبيلة العوازم
هاذا من غير الحضر الي مع الشيخ مبارك والملك عبد العزيز


فمان الله

[قاصد الخير]

الله يرحم والديك يالمطيري !

سبع القبايل ماهي الي تحيط بقبيلتك مطير

سبع القبائل هم القبائل الي ساندت ووقفت مع الملك عبدالعزيز ال سعود

فيه ابيات لواحد من المتلقم من العجمان يقول

جمع لنا سبع القبايل و جاونا=وفينا نووا بالقطـع والعـدام

مشى سبيع والدويش من قبلة=وجموعهم كنها جـراد تهـام

ومشى علينا شافي وجنـوده=من شرق كنهم دولة النظـام

في الابيات يتضح لنا 3 قبائل واكيد فيه اربع غيرهم ومن ظمنهم قبيله قحطان

3 قبائل هي :- مطير-بني هاجر-سبيع

وهذي المشار لها بالابيات الي قالها العجمي


وشكراااااااااااا

[حـمـر عين]

يعطيك العافيه يا ابن العم ما قصرت والله ..!!

جل احترامي لشخصك الكريم ..!!

[خيال الصمان]

المشاركة الأصلية كتبت بواسطة ابن نجمان

يعطيك العافيه يا ابن العم ما قصرت والله ..!!

جل احترامي لشخصك الكريم ..!!

لاهنت طال عمرك



لك خالص تحياتي

[المسكوفي]

وين مطفين النور يالاخوان السبع القبايل قبل الملك عبدالعزيز ومعروفه عند عامة الناس

المقصود من سبع القبايل عند عامة الناس والمتعارف عليه عند جميع القبايل هي القبايل اللي كان لها تأثير كبير في تاريخ شبه الجزيرة ونجد على وجه الخصوص بدون قصور في باقي القبايل .

وهي بالضبط من قبايل الشمال شمر وعنزة والظفير

ومن قبايل نجد والحجاز عتيبة ومطير وحرب

ومن قبايل الجنوب قحطان

[الصتيمة]

المشاركة الأصلية كتبت بواسطة المسكوفي

وين مطفين النور يالاخوان السبع القبايل قبل الملك عبدالعزيز ومعروفه عند عامة الناس

المقصود من سبع القبايل عند عامة الناس والمتعارف عليه عند جميع القبايل هي القبايل اللي كان لها تأثير كبير في تاريخ شبه الجزيرة ونجد على وجه الخصوص بدون قصور في باقي القبايل .

وهي بالضبط من قبايل الشمال شمر وعنزة والظفير

ومن قبايل نجد والحجاز عتيبة ومطير وحرب

ومن قبايل الجنوب قحطان

نعم يالمكسوفي وهذا المتعارف عليه

[سعود الدويش]

مرحبا
كلام الأخ المسكوفي هو الصحيح

[المان العروبه]

المشاركة الأصلية كتبت بواسطة المسكوفي

وين مطفين النور يالاخوان السبع القبايل قبل الملك عبدالعزيز ومعروفه عند عامة الناس

المقصود من سبع القبايل عند عامة الناس والمتعارف عليه عند جميع القبايل هي القبايل اللي كان لها تأثير كبير في تاريخ شبه الجزيرة ونجد على وجه الخصوص بدون قصور في باقي القبايل .

وهي بالضبط من قبايل الشمال شمر وعنزة والظفير

ومن قبايل نجد والحجاز عتيبة ومطير وحرب

ومن قبايل الجنوب قحطان

المسكوفي انت ذكرت قبايل له تأثير في نجد واعتقد انك ما جبت الا قبيلتان اوثلاث لا قصور بالباقي
لن اذكر اسامي بس ابي اضيفلك بني هاجر اكثر حروب ابن سعود كانو يساندونه
العجمان لهم تاريخ كبير في نجد سوف اذكرلك احدا معاركهم ابادوا الترك في الاحساء واعادوها لهم بعد الترك كانت تاخذ جزيه على القبائل المجاوره للأحساء واطاحوا الجزيه وبعدها حدثت معركة كنزان الشهيره ال سعود ال صباح ال خليفه واهل العارض وقبائل نجد ضد العجمان وهزموهم شر هزيمه وقتلوا سعد اخ الملك عبدالعزيز وابادو اهل العارض واخذوا الثلثين من جيش ابن صباح وصوبوا عبدالعزيز الخ السالفه طويله
ال مره ملحمة المبرنس سبع القبايل ضد ال مره والكثير من المعارك
والكثير من قبائل نجد لها اهميتها في نجد!!

ذكرت الظفير ونعم فيهم ولكن هل لهم تأثير في نجد واين؟
ذكرت عنزه ونعم فيهم ولكن لم يشاركوا مع عبدالعزيز ولم يساندوه حالهم حال القبائل المجاوره غاير ومغير!
وحرب حالهم حال عنزه غاير ومغير!
انا معك في شمر هم الد اعداء ال سعود ونعم فيهم السناعيس
انا معك في مطير حمران النواضر ونعم فيهم وتأثير فيصل الدويش ومكانته في الاخوان
كذلك عتيبه وقحطان

ودك الواحد لا جى يسولف ما يقول ((بالضبط)) ويطعن بتاريخ القبائل الاخرى الله يهداك بس
وتقبل مروري

[المسكوفي]

المشاركة الأصلية كتبت بواسطة المان العروبه

المسكوفي انت ذكرت قبايل له تأثير في نجد واعتقد انك ما جبت الا قبيلتان اوثلاث لا قصور بالباقي
لن اذكر اسامي بس ابي اضيفلك بني هاجر اكثر حروب ابن سعود كانو يساندونه
العجمان لهم تاريخ كبير في نجد سوف اذكرلك احدا معاركهم ابادوا الترك في الاحساء واعادوها لهم بعد الترك كانت تاخذ جزيه على القبائل المجاوره للأحساء واطاحوا الجزيه وبعدها حدثت معركة كنزان الشهيره ال سعود ال صباح ال خليفه واهل العارض وقبائل نجد ضد العجمان وهزموهم شر هزيمه وقتلوا سعد اخ الملك عبدالعزيز وابادو اهل العارض واخذوا الثلثين من جيش ابن صباح وصوبوا عبدالعزيز الخ السالفه طويله
ال مره ملحمة المبرنس سبع القبايل ضد ال مره والكثير من المعارك
والكثير من قبائل نجد لها اهميتها في نجد!!

ذكرت الظفير ونعم فيهم ولكن هل لهم تأثير في نجد واين؟
ذكرت عنزه ونعم فيهم ولكن لم يشاركوا مع عبدالعزيز ولم يساندوه حالهم حال القبائل المجاوره غاير ومغير!
وحرب حالهم حال عنزه غاير ومغير!
انا معك في شمر هم الد اعداء ال سعود ونعم فيهم السناعيس
انا معك في مطير حمران النواضر ونعم فيهم وتأثير فيصل الدويش ومكانته في الاخوان
كذلك عتيبه وقحطان

ودك الواحد لا جى يسولف ما يقول ((بالضبط)) ويطعن بتاريخ القبائل الاخرى الله يهداك بس
وتقبل مروري

الأخ العزيز المان العروبه تحياتي لك أولا

أنت قلت في بداية كلامك إن العجمان لهم تأثير في نجد والمعارك اللي جبت كلها في الإحساء وعلى

السيف , هذي نقطه

النقطه الثانيه أنت ليش تعتقد إن تاريخ نجد مابدأ إلا مع بداية توحيد ابن سعود للجزيره

إرجع الله لايهينك لمناخات القبائل في نجد وبالأخص ( عنزه ومطير وحرب وعتيبه والظفير )

فالظفير كانت من أكبر القبائل في نجد ولها الكثير من المناخات ( وليس غاير ومغير على قولك )

وعنزه كيف تنكر دور عنزه في التأثير على منطقة شبه الجزيره عنزه من أكبر القبائل المتواجده

في نجد وكان لها مناخات كبيره مع حرب ومطير والظفير

قبيلة حرب حالها حال مطير وعتيبه جميعها قبائل حجازيه نزلت نجد وبقي لها أصول في الحجاز

إرجع لكتاب المؤرخ فايز البدراني للإطلاع على مناخات قبيلة حرب مع عنزه وغيرها .

أما قبيلة شمر فكان لها تأثير في شبه الجزيره ولكن ليس على نجد فالتأثير الأكبرلنجد كان

لــ ( حرب وعتيبه وعنزه ومطير والظفير ) والذي انتهى بعد مناخات داميه من بقاء حرب وعتيبه

ومطير في نجد والحجاز وعنزه والظفير وشمر في الشمال أيضا لا أنكر دور قحطان في نجد حالها حال

القبائل المذكوره سابقا ولكن تأثيرها لم يدوم مثل حرب وعتيبه ومطير .

وبعدين كيف تقول إن قبيلة حرب ماساندة ابن سعود حالها حال عنزه وقبيلة حرب هي القبيلة الوحيده

اللي ما انقسمت على ابن سعود من بين القبائل وأكثر بيارق ابن سعود كانت لحرب فمعركت السبلة

الفاصلة دخلت حرب بالبيارق التالية وكانت تمثل اكثر جيش ابن سعود :

ودخلت حرب هذه المعركه بالعديد من البيارق وكان منها ..

بنو علي وبيرقهم كان بزعامة محسن الفرم.

مزينة وبيرقهم كان بزعامة حجاب بن نحيت.

بنو عمرووبيرقهم كان بزعامة هندي الذويبي

مخلف وبيرقهم كان بزعامة دبيان بن غادن

الجملا وبيرقهم كان بزعامة طعيميس بن مريخان.

عوف وبيرقهم كان بزعامة سعيد الذكري

الوهوب وبيرقهم كان بزعامة ذعار بن سعدى .

الحنانية ووبيرقهم كان بزعامة ابن جديع

ولد سليم وبيرقهم كان بزعامة عبدالله بن عبدالمنعم بن ناقي وقيل ان لولد سليم اكثر من بيرق*

الظواهر وبيرقهم كان بزعامة فيحان بن مضيان.

الفردة و بيرقهم كان بزعامة ذعار بن حماد.

وكان قائد معركة السبله ( قايد الخيل ) هو الشيخ الفارس محسن الفرم


نهاية الكام أنا لم أقل أن السبع القبائل هي القبائل اللتي لها تأثير في نجد بل قلت لها تإثير فيه شبه

الجزيرة العربيه وإلا لم تدخل قبيلة شمر ضمن القبائل السبعه

( مع فائق احترامي وتقدير لباقي قبائل المملكة )

[قاصد الخير]

نعم يالمسكوفي كل القبائل الي ذكرتهم لهم تأثير في الجزيره العربيه مع اختلاف التفاوت من قبيله الى اخرى وقد يكون كلمه تأثير تشمل اكثر من سبع قبائل لان هناك قبائل في الجزيره لها تأثير ولها دول وحكم وأيام

وماعلينا .. لكن الادق والاوضح بأستشهاد القصايد التاريخيه ان (سبع القبائل) هم من شارك في توحيد جزيره العرب مع الملك الموحد عبدالعزيز طيب الله ثراه والي بفضله تنعم السعوديه الان


هذي وجه نظري واستنتاج علمي لا اكثر