لأبن عم (( ابن مخيال وابن حشه وابن ثفنا وابن عبران وعليان ))

[جراح بن ضيدان العجمي]

السلام عليكم ورحمة الله وبركاتة
اعتذر عن انقطاعي لفتره طويله ولكن
مهما طالت المده فــ اعرفو انني سوّف اعود
بأذن الله
وها انا الان عدت ومعي بعض الاحاسيس
وارجو وعساها ان تنال اعجابكم
والقصيده لها روح والقصيده تعبر بما فيها
وقلتها في الصديق وابن العم (( محمد بن هجيّر ابن حشه العجمي ))

صلو على النبي

يا بو هجيّر عزوتي لا بدا الشان=ياكاسب الناله حفيد الشياهين


وين أنت علّمني ترا القلب شفقان=شفقٍ على شوفك عسا أيامك سنين


ودّي أجيلك .. لو تباعدت الأوطان=ما أقول ما يمدي , ولا أقول بعدين


واللي سواتك نفقده يا كحيلان=وإن غاب ننشد لين نلقا العناوين


ولا الردي لو غاب ما هو بنقصان=ما ننشد إلى راح عنّا على وين


طرا عليّ البارحة ماضيٍ كان=وقمت أتمنّى جيّتك يا أحمر العين


وأعطيك علمٍ ما نفع فيه كتمان=وآخذ علومك جيت , أو رحت ومنين


وأجلس معك وأنسا همومي والأحزان=وأشوف كنّي بين خضر البساتين

في مجلسٍ يزها بذربين الأيمان=مجلس هل الحكمة , والأمثال , والدين


فنجال معهم ما يقدّر بالأثمان=ترحيبهم يجلا شقا الهم والبين


أقطف ثمار العلم وأهز الأغصان=وأطرب لقالوا : مرحبا فيك وأهلين


هذي مثل ما قالها ( الشيخ راكان )=ما تنجب إلا شيخ مثل ( إبن حثلين )


مجالسٍ تفرق ولا هيب سيّان=معا مجالس عند ناسٍ غثيثين


وأنا اشهد إن الرجل في بعض الأحيان=يغريه طيب الساس في الزين والشين


لكن يدور الوقت ... والوقت خوّان=ويبيّن الأنذال ... والخافيه تبين


واليوم بان الصبح .. والشمس برهان=حتّى فضح وجهٍ يخادع بوجهين


رجلٍ حسبت أنه معي حسبة أخوان=وأثره يدسّ السم من بينّا بين


صحيح ما قد قيل في ماضِ الأزمان=(( لا تآمن الدنيا , والأيام يومين ))


لكنّي حصانٍ تسلسل من حصان=وأعزّ نفسي عن كلام الرديين


سدّي محصّن ما يجي فيه خذلان=لو كان سور الصين يخذل هل الصين


سور الثقة دوني وأنا واسع بطان=والشك زايل لكن القول تضمين


ولا أزعلتني هرجة فلان , وفلان=أدرى الخطا .. وأدراه في العسر واللين


ذي ميزة العجمي .. وأنا وأنت عجمان=نصبر وندرى الأوله .. والله يعين


وأن كان جات الثانية ثار بركان=ننهي الخصام ونجزي الصاع صاعين


في كلمةٍ يرجح بها كلّ ميزان=(( بالسنّ ناخذ سنّ , والعين بالعين ))


وإذا خصمنا نلجم الإنس والجان=وليا ظهرنا للحرايب .. شياطين


وليا ركبنا الخيل ..لابة وفرسان=وليا جلسنا .. في المجالس سلاطين


وليا هرجنا ياتي الهرج مليان=وليا سكتنا صار للصمت .. تثمين


من عهد إبن ثفنا وسيفه بكنزان=ومن عهد إبن حشّه وسيفه لذلحين


ومن عهد ابن مخيال في ثار ضيدان =وقعاتنا وقعة رجال ٍ شديدين


ومن عهد سيفٍ في يمين إبن عبران=كنّا ولا زلنا ونبقا .. عزيزين


حنّا كذا لا هان راسك .. ولا هان=راسٍ من علومه يغيظ المعادين


سطّرتها لك يا محمد بقيفان=من طعنةٍ في داخلي (( بين قوسين ))


يا محزمي وحزام (( بندق عليّان ))=عودٍ عسا الله يرحمه ... قولوا آمين


عقيد قومٍ سيرته تملا الأعيان=فاح النفل منها .. وريح الرياحين


خلّف رجالٍ تحتمي كلّ ميدان=جيلن ورى جيلن .. وحينن بعد حين


مسك الختام .. وزبدة الهرج نيشان=عن طعنة يرضا بها كل مسكين


عدّيتها يا صاحبي (( زلّة لسان ))=وإن كان كرّرها .. علا الربع الأدنين


حشا وأنا شيهان من ظهر شيهان=ما أرضى لو إنه من عوال السلاطين

//
//
وجعل من قراها سالم
//
//
جراح بن ضيدان العجمي
//
//
//
//

[bomeshal12]

جراح ابن ضيدان
صح الله لسانك
ولاهنت

[بندر]

أهلا بـ جراح بن ضيدان

قصيده جزله

وأبوهجيّر وافي من وافين ويستاهل كلّ خير

صح لسانك

ولاهنت

[عيد بن شدقان]

جراح
صح السانك ودام ابداعك



ومحمد يستاهل


لاهنت

[فلاح بن ملبز]

جراح

صح لسانك

وابو هجير يستاهل كل خير

ولاهنت

[نـاصـر]

صح لسانك ياجراح

وابو هجير يستاهل

[هضبان القعود]

صح الله لسانك ابو ضيدان 000000

وبيض الله وجهك على الابداع الطيب 0000

اللي في مدح طيب 00000


تقبل مروري اخوك هضبان المري

[kigf]

صح لسانك ياجراح

ومحمد يستاهل المدح ويدركه



تقبل تحياتي

[الهتلاني79]

صح لسانك بوضيدان
وبيض الله وجهك على ذا القصيده
وراعى المدح يستاهل

والدعوة رمنسيه:

[صـــبـــــــــا]

طـرا علـيّ البارحـة ماضـيٍ كـان
..................وقمت أتمنّى جيّتك يـا أحمـر العيـن
وأعطيك علمٍ مـا نفـع فيـه كتمـان
...............وآخذ علومك جيت , أو رحت ومنيـن
وأجلس معك وأنسا همومي والأحـزان
................وأشوف كنّي بيـن خضـر البساتيـن

صح لسانك مليون. قصيده وافيه من راس وافي
لاهنت وبيض الله وجهك عليها ..... تقبل مني كل التحيه ......
صــبــــــــــــآ