( أرفض أستغلال رومنسيّتي ) ابداااع ابن مهنا

[عقاب]

السلام عليكم ورحمة الله وبركاته

بدون مقدمات

قصيدة

لشاعر المبدع / ماجد بن مهنا

شبريّتي

السهر مجلاس وادموعي نديم = خذوا من اطبوعي وغدوا ماريّتي
وأنتي وسلم العشق والليل العتيم = أدرى بمباديي وفي نوعيّتي
أقسم برب البيت والله العظيم = أني بدونك فاقدن هويّتي
وأني حزين ومنغبن حتى الصميم = بعدك لعب بخلاقي وبنفسيّتي
كان حبك لي كما كافل يتيم = واليوم صار اكبر خطاي وسيّتي
تذكرين الشعر والحب القديم = يومك ذبحتيني وسقتي ديّتي
وأغني أبياتي إلى هب النسيم = واجي لــعبّقر واحتقر جنيّتي
واقول ياعذب من صدى عبدالحليم = روفي بجمهوري وجمهوريّتي
مشاعري والعقل والجسم السليم = آتابعك من وين منوي نيّتي
كل ما صحتي للشاعرك الوسيم = أتلبي اعروقي واباشر هيّتي
واغرس اطعوني بخفاق اللئيم = واللعق بقايا الدم من شربيّتي
لكن حظي واقف ابموقف خصيم = وأنتي معاه ومفلحت وصيّتي
بعلمك بالصدق أنا ماني غشيم = ( وأرفض أستغلال رومنسيّتي )
أنتي خذيتيني لرضا اغرورك حكيم = لعيون شعري صح ! يا حوريّتي ؟
الله اللي يحيي العظم الرميم = مايعجزه يحي ضميرن ميّتي
نتفق ما نتفق ربك كريم = الله يغفر ذنبك وخطيّتي

وسلامتكم



عقووووب ,,

[سمـــوم]

صح لسان

ماجد بن مهنا


وسلمت يمينك اخوي ع النقل

[ابو راكان *]

لاهنت على النقل
عقاب
وصح لسان بن مهنا

[فلاح بن ملبز]

ارررررررررحب يا عقاب

من طولت الغيبات جاب الغنايم

صح لسانك مليار وصح لسان شاعرها المبدع / ماجد بن مهنا

ويعطيك العافية على هالنقل الرائع

ولك جزيل الشكر

[الملك]

لاهنت ياعقاب
وصح لسان ماجد

[محمد بن سعود]

أقسم بـرب البيـت والله العظيـم
أنـي بدونـك فاقـدن هويّـتـي

الله عليــه

قسم باللـه مبـدع هالولد !

لاهنت يا عقااب وصح لسانك

ولكن ممكن سؤال ؟

هـل هو عتيبي أو مطيري !

ولاهنت

[bird of shalwa]

الله اللـي يحيـيّ العظـم الرميـم=مايعْجزه يحـي ضميـر ٍ ميّتـي

سبحانه




الأخ الكريم/ عـــقاب


صح لسانك ولسان شاعرها / ماجد ابن مهنا


ولاهنت على الأختيار الرائع .. وأتمنى أشوف المزيد من إختياراتك ,,

لك كل التقدير ..

[فلاح بن ملبز]

اسمحلي يا اخ عقاب بأن ارد على سوال محمد بن سعود

الشاعر المبدع / ماجد بن مهنا الدوسري

كان عضو في هذا المنتدى ، وكان من الطاقم الاداري ، وله قصائد ومشاركات في منتدى صدى المشاعر ، وارجوا انا نرى معنا من جديد وان تكون مشاركاته بأسمه

ولاهنت يا عقاب ،، ولاتحرمنا جديد ابو مهنا ،،

[شرس]

صح السان الشاعر ماجد بن مهنا

وتسلم ياعقاب

على الاختيار الرائع



والله يعطيك العافيه

[محمد بن سعود]

فلاح /

كل الشكر لك ولاهنـت

وياحـظ الدواسر كان ماجد منهم