للاسف الشديد اني راح اتطرق لمواضيع قد تجرح البعض ولكن لابد من ذكر الحقائق التي سطرها التاريخ واحب ان اقول بداية كلامي الهواجر ونعم فيهم ولكن راح اعرض حروبهم مع يام وقد يحزن البعض بعض الشيء ولكن تطاول العضو الهاجري (ابن الاجواد) على يام استفزني فلابد مني من الاتيان بالحقائق :
اولا
اذكر حرب كانت في الماضي القريب وهي كانت بين صبيان للمره وكانوا لايتعدون العشرين سنه وكانوا فرسان قبيلتهم انذاك ذاهبين لاحدى غزواتهم ولم يبق سوا صبيان المره وهم خمسة عشر واحد فطمع بني هاجر في حلال المره واستغلال الفرصه بما ان فرسان القبيله ليسوا موجودين وكان هناك فتاه من بني هاجر امها من قبيلة المره فحنت البنت الى خوالها وذهبت لتنذرهم بما ينوي اهلها فيهم ولكن عندما ذهبت راها احد من بني هاجر فا خذوا البنت وربطوها فتواجه الخمسة عشر صبي من المره وقبيلة بني هاجر وشيخهم انا ذاك ولكن مثل ماعهدناهم صبيان المره واجهوا واكثروا فيهم الذبح وكسروا بني هاجر وعندما علمت بنت بني هاجر بانتصار المره قالت قصيدتها :
يستاهلون البن شراب خوالي =الي لشيخان القبايل يدربون
لاقبل عليهم شيخ قومن يثاري = زاد على الطلابه بديون
ذبحوا سعيدان زبون التوالي= شيخن على شيخن له الركب ينصون
خمسة عشر مافوقها الا لعيالي =جهال ماهو للملاقه يعرفون
وللعلم واحد من الصبيان الي كانوا في الحرب عياله شيبان ونعرفهم وهذي قصه اخرى :غزت قبيلة بني هاجر (( المخاضيب)) على فخيذة من ال مره في مكان في الجوب جنوب الجافوره , والمكان يقاله ( عطسه) بير وكان على البير فريق من ال مره وكان القبيلة الغازيه ينتظرون وراد اللبل الحاصل ان القوم غاروا على الفريق القطين ففزعت حدى البنات وطلعت لها على راس خيط وقامت تحثي بالتراب تبقي جماعتها اللي وزانهم يشوفونها,, فشافها حداهم وصاح على الرياجيل وغاروا ربعها على المعتدين وكسر من القوم ثلاثين خيال منهم الفارس(......) من الركابين وترثته موجودين اللحين في الريان ومعروفين. وفض بن خليل على ذلوله الهميم( بتشديد الياء) وهو مصوب وغنموا منهم سلاحهم............. الخ
وشعر الفارس راشد بن المغرز النابت المري
صاح المصيح وأعتلى راس مشذوب = نف التراب وجاه دقل الفزاعي
وانا مع اولهم على كور مرعوب= لاني من ذهني ولانيب واعي
كل أقشع(ن) مدوخل(ن) في سمل ثوب=نقله من البارود في القرن صاعي
ياما حديناهم مع ضنك لهبوب =ظنك(ن) وهو من عقب عطسه وساعي
شبهتم بحشو(ن) على السوق مجلوب=وطي عليه الحد يوم إستباعي
تبري الحثايم كلها هية الجوب =بانت من إيمان السكارى النواعي
كله إللعينا اللي من البيض مسلوب=فيها الجمال إلا رمت بالقناعي
وقال ولده الدواي
يوم(ن) على عطسه قليل(ن) مثيله=وأنا أحمده نصر الشبب فيه ثاير
يوم إللتقينا فوق جا ل النثيله=حل البلا فيهم وجات الحشاير
ياما حديناهم بخجما(ن) دويله=بارودها سوى سوات القثاير
وبن خليل(ن) طق يبقي الحليله=فوق الهميم واستقاد الكساير
كله لعينا كل ملحا جثيله=وإلا كبار مغرزات العشاير
وهذا يوم جو النعامه الشهير::
هذه القصيده لأبن رهمه وحضر تلك المعركه ويصفها رحمة الله عليه :-
الله من شي جرى يوم الاثنين=ثور على جو النعامة اقتامه
راحوا علينا مابعد حن بدارين=مثل الجراد الى انتشر من تهامه
والله لو إن خيلنا في الثلاثين =ان يرسى بيوم يوم جو النعامه
فإن خيلنا ما غير تسع وثنتين =ومن عانه الله ما تردا مقامه
وقام ابن عايد يزهم الربع لدنين =قد هو يبغي سابقه والسلامه
اقفى يصيح وينعت الربع الادنين=عقب الطمع يقول يالله السلامه
كنه الخريش اللي خريشٍ زمانين =ما عاد تظهر من سواد الجهامه
يا مخصي الخرفان يابوعباتين =عبدٍ مليك ما ظهر من عمامه
قدحن على قبضة ابن عايد شفقين=اشفق من القرناس قبض الحمامه
قطعانا ترعى الخطر بين حدين=وتنزل اذا كثر الخطر وازدحامه
ياسبعة الجيبان يلي تجوعين=دونش لحم صيد اعظاما جسامه
خذالله روحش منتي تجازين=فهودش اللي كل يومٍ لش كرامه
ولا انسى قدام والا ننسى مقتل ابوضرس وغيرهم
وللعلم ناطى دياركم في ما مضى
واحب انهيها بملحمة المبرنس والبتيل::
وهذه قصيدة سالم الحايف علية رحمة الله:
راكب اللي تنهد الكور وتشله =دارب مافوقها كون هولاني
إن لفيت خميس بألخبر قله =والبشير يطرشه صوب ضيداني
خبره باللي جرى عقبهم كله =وامدح اللي يجعل الروح نيشاني
والهواجر جمعهم ما نوى الذله =لين شافوا صادق الموت عزراني
جمعنا بجموعهم جنب الحله =في نحانا طايح كل ديقاني
جاونا بسبيع ومطير بالسله =من كتب له قدرة جالها عاني
يوم ذيب مصلخ جاه رزق له =والسلف رده على ذيب كنزاني
من نزل بالحبل ذبحه على حله =كون ياخذ من ضنا يام جيراني
وهذه قصيدة الشاعر عامرابن طفله علية رحمة الله:
راكب اللي مشيها زرفال=صوب بن شافي برد علوم
خبره فن جمعنا العيَال=يجعل الجمع الكبير اثلوم
حن هل العادات وهل الأنفال=مارضينا بالهظايم دوم
بيرق يمشي بقصف آجال=والمحرج للعمار يسوم
مانربي الخيل والجهال=كون نبغيهم لمثل اليوم
بشرو ذيب لحقه الحال=بالعشا من ضربنا المسموم
وهذي قصيدة نغيمش الشولاني العجمي اللي كان حاضر في المعركه.. علية رحمة الله:
ياراكب اللي كنها فـرد غـزلان=لاصاعها من يمة الريـح زيلـه
تياسرت مع يمة الجـدي لابـان =هجنٍ عليها في المساري دليلـه
فاءذا لفيتو شيعو ذكر ضيدان=اللي تعدى الجيـل الاول وجيلـه
قولو سلام الحرص ياطير حوران=بحفوةٍ يا اللي علومـك جميلـه
انـا بشيـر للمعـادي بخـذلان =عزٍ للراسـك ياذعـار الدبيلـه
من هازنا زرناه بخشوم الاضعان=ومروبعات في المنـازل ظليلـه
يبرى لها من يمة الخوف فرسان=ومالٍ الى نوخ يشيبـك عويلـه
تراوحت صم الحوافر بفرسـان =وتخالفو ضرب اليدين الطويلـه
سرنا عليهم والسفر ما بعد بـان =فعل الله الماضي على كل حيلـه
ياميةٍ في حومة السوء ظفـران =ياما ذهب في وردهم من قبيلـه
يامن يبشر بالخبر ابن سلطـان =سبـع القبايـل فرقتهـم قبيلـه
ياليتكم شفتـو طلقيـن الايمـان =تنخاهم انساهم وراحـو سحيلـه
حنا انتصرنا والمعادي بخـذلان =ولا يامن الاحكام راعي دغيلـه
زيزومنا بو راشد ذيب الاقـران =حييت يا شيخ علومـك مهيلـه
شيخٍ ليام الى امتلى الجو دخـان =لاهوم شيال الحمـول الثقيلـه
وهذه قصيدة راشد ابو صيبعه... علية رحمة الله:
انا هاض مابي قنوف تزبرت =بين المبرنس والبتيل شتعالها
حقوق مطرها وبلها سم هالك =وسقينا الهواجر يوم كدرت حثالها
والبير الى عادت هيام تقضبت =مايرقع المايح الى رش جالها
سرنا عليهم حين ما ردوا البرى=حتمة النفوس قاربات آجالها
لعين بلاع ذبحنا ابن سنبل =وراحت به الضبعة تعشي عيالها
ذبحنا مبارك غدة الجوع والضماء =عنت له القدره وهو ما عنا لها
وكله لعين بيضاء عفيفه =اللي نهار الهوش تنخا رجالها
ولا لعين كل ملحا مشرهفه =قمنا النوخها ونثني عقالها
وهي اطول من ذلك
وهذه قصيده شافي بن محوال... علية رحمة الله:
جاو العوازم والهواجر من قُطر =وسبيع ومطير يبغون الجهام
لجو علينا كلهم لجة جعر =وكل علينا من عداوته ستقام
قمنا لهم من دون حسكات الوبر =دون ابلنا نكسر صليبات العظام
مخيلة هلت سحايبها المطر =وين انت منها يوم هلت يالخمام
يدفق بها سيل من الدم الحمر =والصوات حمران النواظر والكتام
الهاجري يخنق وعيا يستقر =بالحكي والا الفعل ما عنده زحام
يحرم عليكم منزل الروض الخضر =ماتنزلون الا بديران الوخام
حنا تذيلنا مواسيكم كسر =الين باقيكم زبن ولد اليمام
وهذه قصيده شويرب المجاحيد. علية رحمة الله:....
ياركب حر بدا راس نابه =مافوقه كون الميركه والشدادي
منصاه مطروش يجر المهابه =اللي فضا العسكر بليلة هجادي
والله يالولا سيته وانقلابه =ان حن هل العيلات واهل المعابي
والهاجري شبشب علينا الحرابه =والله جعل حربه لجنده نفادي
تناهقت معهم حمير الشعابه =وعلوى جاك منهم جرادي
والكل منهم جاك ينقل زهابه =يبغون خلفات عليها العتادي
مطاولتنا من عصور الصحابه =ونعطي لبنها للي له الوقت حادي
من بغى ربعي خذينا ركابه =نقرش عليها من حلال البوادي
فأول شببنا الفقم ربي حدا به =وجمع العوازم حل فيه الحصادي
سرنا عليهم سيرة طلابه =ضمينها حرص وجاء في البلادي
كم سابق خذنا رسنها نهابه =وكم خير يجعل بردنه اقنادي
وكم جودل لهم طلع في حداده =عقب الطرب تلبس ثياب الحدادي
وكم جودل منا درع في ثيابه =من وقع اهلهم يلبسون الجدادي
من عقب ذا كل يهمل ركابه =في الحبل خلوها بليا قيادي
وهذي قصيدة ابيات من قصيدة ابن عفيشه الهاجري
لا شك ما اتعبنا يكون محلفنا=يام مكتفة الجمل في الحريبه
اللي اللى لقوا لنا الوجه خفنا=من حيث لقواهم علينا تعيبه
والى تصالحنا جحدنا جنفنا=وكل ولاخر سكر في حليبه
وهذي قصيدة واحد من الهواجر يوم صاروا يهايطون في مجلس على ال مره قال يا الربع والله ما رواكم انجوم الشمس عند الضحى الا ال مره..
وقال ذا القصيده:::
انشهد ان حمود ما عنده بصاير=يحسبن ان علي غشيم في نسيبه
ما درى اني له على العيرات زاير=وخابر ربعه مواقفهم تعيبه
وال مره سمهم في العظم ساير =ةخابرين وقعهم يوم الحريبه
كم عقيد لا عرفهم راح ناير=نشرهم لا شيف من كل يجيبه
جاروهم ما خششوا منه الذخاير=وكا منهم ناقته تمنح قريبه
عادهم اذا حولوا عند العشاير=جنبوها اهل الغزايز في الكسيبه
وهذي قصيدة وحده من بني هاجر عندما كانت زوجة راعي السويداء اغار اهلها على راعي السويداء من ال مره وهو لوحده وجندل منهم من جندل ومنع البقايين واللزوجه من الحزن على قتل اولاد عمها طلبت الطلاق في هذي القصيده::
يا محمد يا حامي الدنا ويا زبن من خاف=واي هشال الخلاء يمتونه
غزيت وكل غازي تاليه الانكاف=وكل غزاي هله يرتجونه
عطني طلاقي دام الهجن زلاف=عاد الجماعه كلهم يسمعونه
يا شيخ طالبتك من الزمل هياف=من ابلكم ما بغيكم تشترونه
وقصه اخرى كانت لهاجري اكرمه سعيد بن عليان البحيح المري فغدر فيه وغزاه فقال هذي البيتين
محجلة الااربع وفي الوجه طره =فيها من الصيد الجوازي مواري
شفي عليها طرد خيل ال مره =الى اقبلت خيل" وخيل تشاري
ولما لحقه سعيد ال يرحمه وجندله مع من جندل بسيف الاحدب شعر هذي القصيده::
ياسابقي يا ما عطيتك من الطيب =جمايلي عندك وأنا ابغي المجازاه
شفي عليها طرد خيل المخاضيب=لو كان ما حرب الهواجر بمشهاه
الى لحقنا عقب دز العراقب =ثم اللتفت كن لحيته جزة الشاه
والضب من عصر النبي له تجاريب =لونه قعد في نصلته ما حدجاه"
يكفي ان عندنا منكم الكداديه وابنت هذلان وغيرها
ولا تنسى جو النعامه مقتل ابن عايد
والمبرنس وابن نايفه وناصر الكداداه
انسحاب شاعركم ابن وسام من وجه الشمالي يوم قال
اليوم على سطان يوم طويل=اطول من المبرنس والبتيل
ويوم سالوا سلطان ليش ما تحاوره قال تبوني اقول الكذب انحن كسرنا ال مره وانا اكذب
ويكفي قول ملفي لسلطان..
الله بلاكم بصبيان مره في نحركم=مسلطيينين عليكم من رب العبادي
وماننسى
ا لمبرنس
والبتيل
وجو النعامه
المناعيه
والحسا
وذرباح وربعه
والمصرا
والرياحيه وكلها معروفه عند القبايل
ويقولن اذا شهد شاهد من اهله حل قتله واضن كم هاجري وهاجريه شهدوا لنا !!
اخر كلامي باتسامح من الهواجر الي في المنتدى ان كان ضايقكم كلامي لكن ولدكم الاجودي يبي يبحث ورا علوم الحرب فانا حبيت اساعده
15-04-2006, 03:10 AM
العرض المتطور
