كيف تتخلص من موظف معاك؟؟ أريد حلاً ؟؟؟

[العبرةالحائـرة]

من كثر النماذج اللي ابتليت فيهم والانواع البشريه اللي انا معاهم

فا فكرت اني اسوي هالموضوع وأبي الحل منكم ويا ليت يكون الحل بأسرع وقت

لان اذا ما تلاحقتوا هالمشكله راح أسوي جريمه من أبشع الجرايم وما راح

يظل محقق بالديره ما راح يدخل فيهاااااااا فتلاحقواااا الوضع اللي انا فيه ....

الشخصية الأولى:-

واحد غثييييييث بمعنى الكلمه يكون معاك بالمتكب ومالك خلق أي حرف أو حركه منه وفوق ما انه غثييييييييث يتكلم وااااااجد وما يسكت واذا قلت ااااااف ولا تحاول تبين له انك مالك خلقه يقوووووول منو مضااااااااااااايقج ااااااااااااه يا قلبي

الشخصية الثانية:-

واحد مسوي نفسه هو وما في غيره ،، ترواله مدير واهو ما يسوى يصير فرااااش
(لا عاد الفراش خلواااا على صوب راح نقولكم شنو مشكلت الفراش هذا من عجائب الدنيا ،، هم سبع عجايب وهو سواهم ثمانية ) المهم هذا الشخص اللي مسوي حق نفسه برستيج هو من عطاه المدير وجه وهو مسوي نفسه ملك زمانه كأن اهو المدير واللي حولينه ما يسون شي لاااااا واخر اخباره داق على السكرتيره ويقول لها لا تحولين لي أي مكالمه بدون لا تعرفين منو معاج على الخط وتاخذين رقمه وشنو يبي مني (ياااااااااا عيني عليك يا مـديــر) نبي شغله قويه بهالشخص علشان يعرف قدر نفسه هذااااا ركزوا عليه ........ شنو نسوي له

الشخصيه الثالثة:-

الفراااااااش وما تدرووون شنو بلوة هذاااااااااا لا تستعجلون بتجيكم السالفه بس هذا اللي صج صج من عجاااايب الدنيا الثمان هذا جاته ايام تقريبا شهر كامل مر وهو كل يوم يجيب لي عصير طبيعي وانا مستانسه واقول والله دوامنا صايرنا كرمه حيييييييل (مادري شسالفه والبلوه اللي راح تجيني ) وانا كل ما يعطيني العصير كأني مو شايفه خير اشربه كله والمصيبه ما انتبهت انه ما يعطي الغثييييييث اللي معاي بالمكتب وحتى لو انتبهت كان فسرت الموضوع على انه غثيييييث ومحد له خلق ملاقته المهم جااااه الشهر اللي ورى شهر الكرم اللي اكرمنا فيه هالفراش بالعصير واستلمنا المعااااااش انا توني حتى ما رحت مثل كل مره ورزيت وجهي وسحبت المعاش كأني مطفوقه على المعاااااش جااااني الفراش وقالي(سمعواااا شنو قاااااااال) هني كانت لي الصاااااعقه ترى اهو مصري قااااااال ازيك قلت له تمااااام وكان جايب بيده العصير( اخررررر عصير طبعا كان ) قااااال ازي الماما والاهل قلت له تمااااام وما اشوف الرجال إلا وااااقف وما تحرك من مكانه قلت له امر فيه شي قاااال لاااا بس في واحد عاوز يروح مصر وعايز ابعت معاه اغراض للعيال وامهم والعيال ألولي أوصي خالتهم انهم عاوزين ملابس وحقااااااات (قلت الله يخليلهم خالتهم ) قال ألت لهم ايواااا خالتكم فلاااانه ( قال اسمي الاخ يعني طلعت خالتهم اناااااااااااااا ) فيها الخير والبركه قلت انااااا هاااااااا شنووووو انشالله تبشر قااااااال ايوا بس هم عاوزين حقات معينه اسجلهم ليكي قلت لها افا عليك تامر امر انت ما عليك الا تكتب لي اللي يبووووون شوفو شنو يبوووون ،، كل وحده من البنات عاوزااااا بيجامتين وكل وااااحد من الصبيان عاوز كمان بيجامتين وعاوزين لعب كل واحد منهم وانتي يا خاله ما عليج الا تشترين المهم يوم جااااااب الورقه قال ليه اتعبك واخليكي تروحي السووأ انتي إديني العشرين و لاالتلاتين ديناااار وانا اروح اشتريلهم الحقات ( قلت وأنا اقول هالعصير مو لله طلع عصيري اللي شربته بعشرين ولا تلااااااتين ديناااااااار)

الشخصيه الرابعة:-

هذا اللي يبيله صخره تبط عيونه فيهاااا ،،الشخص هذا عيونه زااايغه تبي تطلع براااا بس تمر وحده يطالع كأن مو مصدق انه في وحده مرت من جدامه واذا مر من مكتبك تصير عيونه داخل بمكتبك وبس ودك تحذفه بالخرامه اللي جدامك ( هذا ادري صعب حل مشكلته )

الشخصيه الخامسة:-

هذا المـديــر هذا عاد لو شتقولون ماراح اجي صوبه لأن ما عنده تفاهم اذا أي شي ما اعجبه يقولك مع السلامة يعني هذا بس اقروا شنو شخصيته بس لا تجون صوبه لا يطردكم بعد من المنتدى خخخخخخخخ المهم هذا ما يبيك تقعد فاضي لازم تكون دايم تشتغل يعني اذا ما عندك شغل اخترع حق نفسك شغل واشغل نفسك بأي شي ولا تقعد تتكلم بالتلفون ولا تقرى جرايد ولا تتأمل المكتب يعني عينك خلها لازقه بالكمبيوتر وايدينك تكتب وسوي نفسك مشغووووول اذا مر منك والشغل فووووق راسك ،،،، واذا مر وانت كنت مو منتبه يسوي حركه عشان تنتبه انه مر يا إما يطق الجام ولا يتكلم بصوت عالي ولا يكح ولا يدخل عندك بالمكتب ويعلق على كتاب انت كتبته من قبببببببببببل المهم يبين لك ويقولك انه ترى انا موجووووووود اذا ما اشتغلت وحللت المعاش اللي تاخذه راح تنرفس

الشخصيه السادسة:-

الفضوووولي هذا فضولي بمعنى الكلمه اذا ما جيت وما داومت ليش ما داومت واذا داومت شفيك زعلان شفيك تضحك ليش اليوم مريت وما سلمت واذا تكلمت بالتلفون واهو دق ولقى خطك مشغول ليش مشغوووول ومع منو لا يكون تعبان لا يكون زعلان انشالله اهو بخير واذا عنده جريده بالغلط جابوها حق مكتبه يووووو كل ما يمر واحد يقوله تبي تقرى الجريده واذا قلت لأ قالك ليش ما تبي تعرف شنو صاير بالدنيا واذا قلت أي عطني اياها قالك يووووو ما فيها شي وكله كلام جرايد يكبرون السوالف ويسون لك من الحبه قبه وكلامهم اللي مكتوب مثل كلام امس واللي قبله واللي قبله واذا مريت وماااااسك ورقه شفكك بعد حق منو وليش وشنو مكتوب فيع فيهااا ووووووو يعني ما تخلص منه واذا شاف االلي جاي ياخذك ما جاك وجاك غيره ليش عسى ما شر ومنو هذاااا وشفيه هذاك وليش ما تطلعين اجازه سواقه( ليسن) وليش ما تبي تسوق يعني ما تخلص ان وافقت ولا رفضت ولااااااااااازم تسكت وتتحمل ولااااااااااااااا ياويلك ويا سواااد ليلك يقلب لك وجهه شبرين ويخليك انت شايف نفسك ومغروووور وفيك وفيك يعني لازم تتحمله غصب طيب رضيت ولا انرضيت


نااااااس لهم العجب ،،،،، وانتو ما عليكم الا تفكون هالطلاسم

وتحللون هالشخصيات وتلااااقون الحل .

[فيصل المشوط]

السلام عليكم ورحمة الله وبركاته

الله يعينج بصراحه ههههههههههه

من ناحيتي انا بقولج نقلي او سوي

عمليه انتحاريه فيهم

اما الشخص اللى شايف نفسه

هذا اجري صعايده من خيطان

ويغسلون لج شراعه عدل

عشان يعرف ان الله حق

وشكرا

[العبرةالحائـرة]

يعطيك العافيه اخوي فيصل ..

[ابوتركى]

قدمى استقاله

[العبرةالحائـرة]

عليك حلول يابو تركي .. تقطع القلب .. حتت

وتودي بداهيـــة .. أقدم استقالة بشــرط .. استلم من حضراتكم راتب شهري

ما يقل عن 400 د.ك خخخخخخخخخخخخخخخخخخخخخ غير تذكرة سفر كل صيف

وخصم خااااص على المستشفيات الخاصة ..

بطاقة بترونت شهرياً ...

[السلاطين]

المهاجـــــرة

أسلوبــــك المـــرح فى الكتابه رائـــع

والحـــل من وجهـة نظري بأن تــرددي دائــما

اللــهم أشــغلني بعيــوبي عن عيــوب النـــاس

لو نعرف بس وين دوامك... كان نقول للمدير شوف موظفتك

تـــداوم فى منتـــدى العجمـــان

ويزعل و ينقلك و ترتاحين

[العبرةالحائـرة]

افا والله اخوي سلاطين ... اهون عليك ان تبلغ السطات العليا ( المدير ) وينفوووني

الى قسم ثاني ... ويمعنون عني منتدى العجمان وهالوجووووووووه الطيبــــــة ...


اللــهم أشــغلني بعيــوبي عن عيــوب النـــاس


ما لقيت من هالادعية .. اللى الله سبحانه مكثرهااا .. الا واخترت لي هالدعاء

الله يهداااك ...

بذكرلك الدعاء اللى اردده دايماا

يا رب ساعدنى على ان أقول كلمة الحق في وجه الأقوياء ( السلطات العليا )

وأن لا أقول الباطل لأكسب تصفيق الضعفاء وأن ارى الناحية الأخرى من الصورة ( انا )

ولا تتركنى أتهم خصومي ( السلاطين .. منهم ) بانهم خونه لأنهم اختلفوا معي في الرأي

يا رب

[ابوتركى]

الوليد بن طلال

مو بوتركى

انا لاقى دريهمات يابنت الحلالولو عندى جان تستاهلين

الا على الطارى ماعندج سلف

[الخريف]

عنديالحل وانا ابو هندي

هو انش تقدمين استقاله وترضين بالحال وانا اوظفش عندي

او انش تنقلين من القسم اللي هو فيه ........

او انش تقولين له في وجهه انه غثيث وانش ملش خلق عليه وانش ماتدانينه

وخليك قويه وانتي تقولين له...............

<<<<<<<<<<<< مطلع حل يعني مطلع حل خخخخخخخخخخخخخ

او انش وهذا هو الحل يعني اتوقع انه راح يعجبش لانه الحل الوحيد

اللي راح يريحش منه هو انش تذبحينه...........

واختااااااااااااااااااااااااااااااااااااااري اللي يريحش من هذي الحلوووووول

خخخخخخخخخخخخخخخخخخخخخخخخخخخخخخخخخخخ

[حظه منسدح]

هههههههههههههههههههههههههههههههه

انا عندي الحل

اسمعي يابنت الحلال

خلي دلاغااااتك عليك لمده لاتقل عن اسبوووووع

واذا طلعتي من الدوااام لاتنزلين الدلاغ خليه في رجلك

صدقيني بعدها هو اللي رااااااااااح يستقيل

هههههههههههههههههههههههههههههههههههه