قصيدة متفجرة بالأسئله .. ومئات علامات التعجب !!
قصيدة ستفتح باب الأحتمالات .. ونوافذ التؤيلات
قصيدة ستحدث ضجه كبيرة في الساحه الشعبيه
قصيدة ربما ستكون الأخيرة في حياه شاعر ملأ الدنيا والاسماع بشعرة الكبير
سعد بن علووش .. يعلن اعتزاله ومن هنا نترك لجماهيرة العريضه حريه الرفض .. ومبدأ الرد ..
سعد بن علووش .. يعلنها مدويه , مشتعله :
(انا اعتزلت وخلاص )!!
من كل حرف , وكل شهوة صبابه =استغفر الله واتعوذ من ابليس
اعوذ بالي آوى عبد وسرابه =لاجي نهار الحشر خلف امرئ القيس
يارب , يارب الكرم والمهابه =يالي لك اعلام الأوادم مناكيس
جردني من النابيه والسبابه=ولبسني من دروع هديك متاريس
تعبت من مسك القلم والكتابه =والشعر , وفتن النسا والأباليس
والمدح في عزوة وشيخ وقرابه =واللاء .. لدعوات الرضيين والليس
والحب وما حوله وماله وهابه =والدمع لاهبت علي النسانين
والشوق وغفال العقل وانغلابه =والليل وخطط الدها .. والجواسيس
والشهرة وحكي العرب واللبابه =وزملوق شف ماتعسه عواسيس
وحصر اسمي فشاعر فساحه غرابه =شعارها فيهم رخوم وملاحيس
وانا لعطاس الأوادم سحابه =ومن خلقتي ماقد وطيت الدنافيس
تاكي على ارث الأسم بالنيابه =واقطف خلاصه ما اغرسوه الغواريس
احسبني فايز بالرضا والذرابه =واثري مثل من يحصر النور في كيس
اقفي من الله والامل والرضا به =واروح ادور من ورا ابليس احاسيس
اسهر على فن الكلم والخطابه =واصبح ولين الي جمعته حماليس
قلبي لعزاف الأوادم ربابه =وراسي لخطوات الشطانه دواعيس
تقودني نفسي ولا اشعر ولا آبه =مالت عليها عاصيات الهواجيس
من عنده ان كل الشعور يتشابه =روس مع الي في الدحادر مراويس
الاثم ماحاكه في خفوق وخفا به =والخير ما شاعته روس النواميس
كم شي صار وصار مايندرابه =وكم نومه ماكدرتها كوابيس
ترى مااحد له في رقبتي طلابه=بس الصراحه من شم الفواعيس
والرجل اذا مايعتبر في شبابه =يعيب قبل يشيب ويشيب ويخيس
يا راجي ارجى الي ماينصك بابه =لاترجي الوهبات من هيس ابن هيس
استغفر الله واتتقى عذابه =الي فرقني عن حياه المتاعيس
من قبل لا ارعف الهدى واعنا به =انا وهمي والحزن face to face
والحين لله .. الفضل والإنابه =متعافي .. ويمشي على زندي التيس
هادي .. يشوشني طزيز الذبابه =لا عدت لايام الغبيَه ولا أقيس
شريت عقلي في سؤال وإجابه =انا أعبدالله .. ولا أعبد الوساويس ؟
لذة خفوقي وانجلابه ضبابه =سجدات ليلِ ظالمينه مناعيس
فـاجواء مكه والحرم والرحابه =لا يابعد روما ولندن وباريس
هذي ديار المصطفى والصحابه =وهذيك دار ابليس وعويل ابليس
سعد بن علوش
08-05-2005, 09:52 AM
العرض المتطور
