البحور الحزينه

[الجويّر]

يانوف ماعدبه تواثيق بحلوف = كل ٍ يشوف الناس بطبوع عينه


والمستحي ماهو سحا ، مستحي خوف = ماهو عزيز النفس نفسه مهينه


يالوف كبدي من زمان الندم لوف = هزت تصاريفه عقول ٍ رزينه

وقت ٍ غدا للزيف والكذب منصوف = وقت ٍ يبي بس المظاهر حسينه

الظلم عادي اشكره شايفه شوف =عزي لمن مثلي حياته رهينه


اركض لغيري واكتم الهمّ وآروف = اسهر وغيري ترقد الليل عينه


غيري شهير بسبّـتي صار معروف = وانا دفين بوسط قاع ٍ دفينه

غيري لخيري كنـّهم عندي اضعوف = ولاحتجتهم كل ٍ ركب في ظعينه

غير الزمان وطعنته طعنة سيوف = انزف وجرحي مالقى من يعينه

عز الله اني شفت مايحرق الجوف = شي ٍ عليه الروح عاشت غبينه

حالي بغربالي غدا حال ابا العوف = مدري متى ذالوقت يفرج سجينه

وماقلت نقطه وسط الابحار يانوف = فسّرت نقطه بالبحور الحزينه

وسلامتكم




الشـــــــــــاعر / ســــــــــــعود رتيبان الجويّر

[بحوور]

الجــويــّر


الله عليـــــكـ

رائـــــع كـ عادتــــكـ

صــــح كــــــلك مليـــــــوون

ولاهنـــــــــت ,,





تحيـــــاتي وتقديــــري

[وافي]

يانوف ماعدبه تواثيق بحلوف =كل ٍ يشوف الناس بطبوع عينه
والمستحي ماهو سحا ، مستحي خوف =ماهو عزيز النفس نفسه مهينه
يالوف كبدي من زمان الندم لوف =هزت تصاريفه عقول ٍ رزينه
وقت ٍ غدا للزيف والكذب منصوف =وقت ٍ يبي بس المظاهر حسينه
الظلم عادي اشكره شايفه شوف =عزي لمن مثلي حياته رهينه
اركض لغيري واكتم الهمّ وآروف =اسهر وغيري ترقد الليل عينه
غيري شهير بسبّـتي صار معروف =وانا دفين بوسط قاع ٍ دفينه
غيري لخيري كنـّهم عندي اضعوف =ولاحتجتهم كل ٍ ركب في ظعينه
غير الزمان وطعنته طعنة سيوف =انزف وجرحي مالقى من يعينه
عز الله اني شفت مايحرق الجوف =شي ٍ عليه الروح عاشت غبينه
حالي بغربالي غدا حال ابا العوف =مدري متى ذالوقت يفرج سجينه
وماقلت نقطه وسط الابحار يانوف =فسّرت نقطه بالبحور الحزينه

الجزل مثل هذي يالغالي

يعاد مرات ومرات

دام حرفك الجزل


وافي

[فيصل بن حجرف]

صح لسانك اخوي سعود
والله لايهينك على الابيات الجميله
واسمحلي على اعادة تنسيق القصيدة

[عـزام]

الشاعر سعود بن رتيبان

مبدع

وابيات رائعه يالقرم


صح السانك ولا هنت

[admin]

صح لسانك اكثر من رائعه يا شاعر

[كلك نظر]

لاهنت على هالقصيده الرائعه ولا تبخل علينا بالجديد ونتمنى لك التوفيق

[مـحمـد]

الاخ سعود صح لسانك ولاهنت قصيده جزله حقيقة
وبانتظار ابداعك دائما .

[سند]

الجويـّر

صح ألسانك ولاهنت


تحياتي,,,

[عجميه واعتز]

صح السانك ولا هنت قصيده جدا رائعه تمنياتي لك بالتوفيق