ما جا لطيفه

[المنفرد]

اخرر ما كتبت


الليل طرف والقمر في مجلاه
بس الغلا للحين ما جا لطيفه

اللي تصافح كف يمناي يمناه
واللي عليه الروح ماهي تعيفه

احدن يغني كل ما شاف ليلاه
وحدن علا ليل المفارق تخيفه

الا انا راجي علا جي رجواه
بنت الحسن ام العيون الرهيفه

شعره علا شارب مطاليق للجاه
اللي تعد الحق لوه نصيفه

وجدي كما وجد الخوي لا فقدناه
ننشد وقالو كان موته حليفه

وجد الفقير اللي علا الخبر مشهاه
ينطر متى الخباز يعطي رغيفه

يابنت انا نفسي رقيقه بمعناه
ياللي عليك القلب تشهق رهيفه

الناس ف المصياف تبحث لمشتاه
وانا رميض الصيف كبدي مصيفه

صاحبك وده في مكاحيل عيناه
مثل الربيع اللي بقبله خريفه


المشكله ماهي بمنساه ومجفاه
المشكله ما هي بكيفي وكيفه

حسبي علا اللي حايل ن في مسماه
خليت في قلبي فوايد كليفه

[شخص عادي]

صح لسانك

[الـعـابـر]

صح لسانك

منور المنتدى بعودتك

[سحر الغروب]

صح لسانك
لاهنت ,,,

[الباشا]

صح السانك قصيدة رائعه

[●• Ŝђǿǿq •●]

تِسلًم يمينكـَ ..~

[المنفرد]

لا هنتوووو جميعاً

[عبدربه]

صح لسانك مدد

وبيض الله وجهك على الابيات الجزله



وجدي كما وجد الخوي لا فقدناه
ننشد وقالو كان موته حليفه

[المنفرد]

صح بدنك

لاهنت علا المجامله