عقب عامين ٍ مضت كلها بعد وخصام
رحت ادوّر غاية النفس ويش أخبارها ؟
عندي إلها شرهتين ٍ معا بعض الملام
صاحيه في وسط صدري توقّد نارها
جعل يسقى يومها ساكنه فـ أم الحمام
يومها . . . لاباعدت . . .ماتعدا . . . دارها
ناعمه ماترقد الا على ريش النعام
من يلوم اللي تعنا لها ثم زارها ؟
ودّي القاها وقصدي من الدعوا سلام
دامها هي باعدت وانقطع مسيارها
كنت وياها حبايب على احسن مايرام
إجمعتنا ليلة العشق بين انهارها
كنت وياها بالاشواق حب ٍ واحترام
وكنت انا اللي بد ذا الناس اعرف اسرارها
كنت اجيها لاتباطت وانا كلّي هيام
جاتني صدفه وانا ماني بمختارها
كنت اجيها دون موعد ولاعرف النظام
ولااخطت بحقي سمحت وقبلت اعذارها
كانت ابلغ من بحور القوافي والكلام
في جفاها عن عيوني وفي محدارها
كانت احلى حلم شفته وفي احلى منام
وكانت اجمل سهرة ٍ عشت مع سمّارها
عشت وياها السنين الخوالي والغرام
ماتكاثرت المتاعب ولا مشوارها
أشهد انها غاليه بنت الاجواد الكرام
غاليه حتى ولو طوّلت بسفارها
من عذوبتها اعانق هواها بنسجام
لين احّس اني من القرب كنّي جارها
حبّها قلب ٍ عشقها على كل الأنام
وكل ماقلت انتهينا رجع واختارها
المسا لاغاب نوره يعوّد للظلام
غير بعيون الحبيبه تلوح انوارها
عقب عامين ٍ مضت عايش ٍ وسط الزحام
رحت ادوّر شيخة الزين بين اقمارها
عندي الها شرهتين ٍ معا بعض الملام
صاحيه في وسط صدري توقّد نارها
والله انّي كنت وافي معاها بالتمام
والدليل ان الغلا جابني لديارها
من روائع المبدع حمد المسرع
20-05-2011, 01:14 AM
العرض المتطور
