نعود إليكم مرة أخرى مع قصيدة سياسية حصرية منتدي قبيلة العجمان وهذه المرة مع قصيدة من الشاعر الكبير ناصر بن بتال الهاجري يوجهها إلى النائب مسلم البراك ...
قصيدة نرى فيها معانٍ كثيرة تستحق التوقف عندها ... ونقاط جديرة بالإهتمام لما يود المواطن الكويتي أن يراه من صفات في نائب الأمة ...
فيديو القصيدة:
بتمثل يوم زان لي المثل والقافي ..... ان مشت بالعد ولا جبتها مواله
اسمعوني وافهموا ماقول ياعرافي ..... كل رجال ن يقول اللي يصير فباله
ماكذب منهو يقول ان الرجال اصنافي ..... وتنعرف لاركبت العده على المحاله
وكل هرج ن في المواقف يعرف ان له قافي ..... ومايفيدك كون من ترد الطويل حباله
لاتوهق في الرديني والردي والهافي ..... عندك اللي من قديم ن قد مظن افعاله
وخل منك اللي اليا من جاء اللزوم يفافي ..... عندك اللي ذاك فنه واترك العذاله
ونزل المغرف ليا حولت ياغرافي ..... وارهج الماء لين تظهر طينته وحثاله
لين تظهر لك عيون الماء وتشرب صافي ..... لاصفا عقب الكدر ماحلا شروب ازلاله
وين ذاك اللي يناوي نجع ابن حلافي ..... لا لقي رجلي ولاعين مع الخياله
كل ماقالوا تقدم قال انا لي كافي ..... كلها خوف ن على رجله من المحباله
وقال انا بصد لايكشفني الكشافي ..... والعلوم الغانمه تلقا لها حلاله
علم ابوي يقول يامبختك يامتعافي ..... لاتوهقلك بشي ن وانت ما تقواله
ذيك للي لاقدم ماينوي المحرافي ..... صافي ن فعله ولا من راد شي ن قاله
مثل ابن براك ينسفها على الاكتافي ..... وينقل الصعبه على المتن اليمين لحاله
اشهد ان مسلم البراك رجل ن وافي ..... مايقدم كون وصف مسلم ن وامثاله
ياسلام الله على اللي موقفه ينشافي ..... ولحضر وقت المواقف مانشرب فنجاله
العلوم الغانمه شرف بها المشرافي ..... ماخذن المدح من جده وابوه وخاله
ماخذها بالثمن بالدين والاسلافي ..... متعب ن نفسه على كسب الجميل وناله
وانت ياللي تنتخب معاد يخفي الخافي ..... لاتقدم واحد ن يزمل من ام عياله
كل ماسمع المفاحل صار فيه خفافي ..... وضيع اللي كان بيقوله وبلش بحاله
وقال انا ابقى الدرب هو قدامي او اخلافي ..... وارتهق والله خذا عقله وزاد جفاله
وخل منك اللي ليا سمع الصفير يخافي ..... وصله منهو ظلم نفسه وهو سلاله
وصله دفع المبالغ للغبي والحافي ..... ولا وصل ماهوب يشكرهم يشكر ماله
ويعرف ان من باع حظه مال شقه رافي ..... ظالم ن نفسه ولا فال الصديق بفاله
وفيه ناس ن بس مقصدهم طمع واهدافي ..... باقين يوصل بينهب من حلال الدوله
بس عينه للبراد وللمكان الدافي ..... وذاك قد حطه وراءه وقايلن هذا له
مايهمه كون نفسه جعلها الاتلافي ..... مادرى ان عاده وراءه القبر هو واهواله
مايعرف انه على قبره بيسفي السافي ..... ومايحسب انه وراءه محاسب ن بيساله
كل منهو في الامانه ناوي ن الاسرافي ..... احتمل ذنب ن على ذنبه ولا الله سواله
طول عمره هابي ن وجهه ونوره طافي ..... كلها من سرق اماناته وخبث اعماله
وان بقوا يستجوبونه صار فيه ارجافي ..... قام يرجف مثل طبلن في يد الطباله
واستراب وزاد خوف وصارله لف لافي ..... وهج قد هو خابرله واحد ن يلجا له
له شريك في البضاعه له ذرا ولحافي ..... كل ماضيق عليه يصير تحت ظلاله
وله يقول انهب وخشخش قبل ماتنشافي ..... والمعلم حط عنده شنطتن تملا له
مايعرف ان الله مايخفي عليه الخافي ..... الله اللي كاتب رزق الملا واجاله
الله اللي رازق ن خلقه وستره ضافي ..... وكل رجال ن يكرم لحيته وسباله
وذا انا ما اقصر رجال ن يكرمون الافي ..... كل منهو بان علمه والوفاء يهئ له
الرجال اللي يخلون الثقال اخفافي ..... كل شغموم اليا جيته يعنز جاله
ذا وياما كل رجال ن وفي وسنافي ..... ينطح الكايد وليا كلف بحمل ن شاله
الرجال الرجال ولا ان الضعاف اضعافي ..... مايفيدونك اليا صعبت عليك القاله
وتم ماب اقول والغازي وراءه انكافي ..... وجعلني وفقت في قول المثل وارساله
وبذكر الله عد من زار المقام وطافي ..... وعد منهو حج بيت الله ومن صلى له
والرسول محمد اللي تتبعه الاسلافي ..... عد ماهب السحاب وما همل هماله
__________________
المرشح الدائرة الخامسة
الدكتور / فلاح ضويحي السويري العجمي
هجربت البعض طوعا ً لأني
رأيت قلوبهـــــم تهـــوى فراقي ..نعم اشـــتاق !!!
ولكن وضعت كرامتي فوق اشتياقي
وارغب وصلهــــم دوما , ولكن ..
طريق الذل لا تهواها ســــــــاقي !!!
لست أفضل من غـيري لكني
أملك قناعـــة قــــوية تجعلني أرفض مقارنة نفسي بأحد
14-11-2010, 12:31 PM
العرض المتطور
