... ~ ((( أكـابــر ))) ~ ... لـ شاعر " فالح بن قشعم "

أروى العجمي · #1 26-07-2010, 06:12 PM

[center]

قصيدة ( أكابر ) مميزة وفي قمة الرووعة
لشاعر الرااائـع

... (( فالح بن قشعم ))

===================

*

*

*

لاتبكين جعـل الله يبكـيّ مـن يبكيـك
دموعك سبب حزني وهمـي وغربالـي ,,

ذبحتيني بنبـرة حنينـك وانـا احاكيـك
تقوليـن ماكنـك تمريـن فـي بـالـي ,,

وانا من كثر مااغليك ماني بطاوع فيـك
يموتـون ماوصلـو لطاريـك عـذالـي ,,

احبّك ولا فكـرّت فـي ساعـه اخليـك
وانا داري اني عندك اغلا مـن الغالـي ,,

مايحتاج ابرر لك مايخفيـه لـك مغليـك
شواهد اقلوب البث من طيب الأرسالـي ,,

ركايز محبتنا ماتبنـى علـى التشكيـك
ماهي من ركايز مجتمع وقتنـا الحالـي ,,

تراعيني بعينك وانـا بعينـي اراعيـك
وتقولين هذا لي .. وانا اقول هـذا لـي ,,

وتجيني تزفين اصدق العشق وانا اجيك
من اقصاي .. ماكنيّ بأحاسب ولا أبالي ,,

عماوي هوى ماله مقدّي .. وبوش بريك
تخالف امبيراته .. سبب ضغطه العالـي ,,

مافي نبض في قلبه ماينبض على طاريك
تقول انّه مبرمج على ارسـال جوّالـي ,,

وتقولين وينـك فيـه واقـول مستنيـك
على اول ضفاف الحلـم يأخـر أمالـي ,,

واقابلك والعـن كوثـر البعـد واحييـك
والومك وانا ماني بلومك علـى الخالـي ,,

واطوّف خطاك وسامح الله ترف يديـك
تنسينـي الاول قبـل لا أذكـر التالـي ,,

وانا أنسان والأنسان مابين ذيك وذيـك
مايـدري يجيـب العيـد والا يورالـي ,,

يضيع البنـا ادم بيـن فديتـك ولبيـك
ومما تيسّـر مـن ذوي يابـري حالـي ,,

ياحلو الكلام الليّ يحرّك مافـي خافيـك
يترجم لك الحالي مـن السانـه الحالـي ,,

ولا احلا من الحالي سوى جمرتينه تيك
تغربلك همستهـا جعـل مالهـا والـي ,,

اكابر بعـض الامـرار ماكنـي اداريـك
وانا ادرى عليك امن الهوى كل مامالـي ,,

علي نذر كـان الله محيينـي ومحييـك
مابـدّل بزولـك يابعـد كـل الأزوالـي ,,

*

*

*

============================

=== مما راق لي (: ===