يكفي ان (راكان)منا والزمن يذكر فعوله ... ويكفي (بنيان)منا والرماح اللي دلقها

[علي السكران]

السلام عليكم جميع ... اقدم بين ايديكم هذه القصيده وآمل من الله ان تعجبكم

السحاب اللي جذبني بارقه لحظة وصولـه=واستثار الشوق عيني بالنظر حتـى سرقهـا
بارق الخير انتشا واشعل سمانا في حلولـه=والسحايب مـمـطره والنبته أخضّرت ورقهـا
وازهرت ذيك الفيافي وانبتـت عقب المحوله=والغيوم المـمـطره هلت على الوادي غدقهـا
الخزاما والنفل والـورد والريحـان حولـه=والنسيم برقته داعب هـوى الـدار وعبقهـا
ديرتي كل الغلا والعشق واحـلام الطفولـه=ديرتي قلب الحنان لكل رجـال(ن) عشقهـا
شاعر(ن)حط الرحال وبارضها نـوّخ ذلولـه=عاشقن يروي ضما نفسه يبا يطفـي رمقهـا
شاعر(ن)يرسم غلاها بالقصيد اللـي يقولـه=شاعرن حس بغلاها والدفـا ليـن احترقهـا
شاعر(ن)يطري عليه العشق ويصور ميولـه=ان تنهت مـن غلاهـا وان تمناهـا شهقهـا
الكرم والجود وارجال(ن) لها صوله وجوله=طبع هلها ما اختلف من يوم ما ربي خلقهـا
القصور الشامخـه تبقـى معالـم للبطولـه=والجبال الشم تبقى ذروة المجـد وطرقهـا
من شعاع الشمس تلبس ديرتي ثوب الرجوله=وترسم بصدر الثرا مجد البطوله من شفقهـا
والقمر يحلـم يلامـس خدهـا ولا يطولـه=والغيوم تسافـر بـروس الجبـال وتعتـنـقهـا
لاظلم الليل بسماها والزمن ثـارت خيولـه=نخوة اليامي تهـز اجبالهـا لامـن زعقهـا
شيخنا لامن وقف قصر(ن) يشرفنا مثوله=نمتثل في حكمته وبكل كلمه قد نطقها
ان جلس كلن جلس وان قام كلن وقفوا لـه=شيخنا من فطنـته محاسنه ماحد لحقها
وغمرنا لامن مشى فيه الطناخه والفحوله=يكسر اوجيه العدا واقلوب عدوانه محقها
لابتي صبيان يام وعزوتي في كل صوله=واحمد الله واشكره ربي بعزتها رزقها
في الحميا والوفا واذكارهم في كل دوله=وانشدوا الاتراك عنهم واليمن واللي سبقها
يكفي ان (راكان)منا والزمن يذكر فعوله=ويكفي (بنيان)منا والرماح اللي دلقها
ويكفي (الهايج ) بفعله في زمان زاد هوله = ويكفي ان حن يام نحتل القلاع وانخترقها

اخوكم علي السكران

[الباشا]

الأخ القدير
علي السكران

صح السانك قصيدة جزله ورائعه
والله يعطيك العافيه

[البنت الجزله]

صح لسان الشاعر المبدع ... علي السكران علا شانك
قصيده اقل ما يقال عنها مفخره ومن درر المنتدى
بداية بالتغزل البديع في مدينتك وتكتمل بالفخر القوي


تقبل اعجابي ومتابعتي لك

اختك البنت الجزله

[محمد المحلكم]

صح لسانك قصيده جزله

[محاور 5 نجوم]

السحاب اللي جذبني بارقه لحظـة وصولـه=واستثار الشوق عيني بالنظر حتـى سرقهـا
بارق الخير انتشا واشعل سمانا في حلولـه=والسحايب ممطره والنبته أخضّـرت ورقهـا
وازهرت ذيك الفيافي وانبتت عقب المحولـه=والغيوم الممطره هلت على الـوادي غدقهـا
الخزاما والنفل والـورد والريحـان حولـه=والنسيم برقته داعب هـوى الـدار وعبقهـا
ديرتي كل الغلا والعشـق واحـلام الطفولـه=ديرتي قلب الحنان لكل رجـال(ن) عشقهـا
شاعر(ن)حط الرحال وبارضها نـوّخ ذلولـه=عاشقن يروي ضما نفسه يبا يطفي رمقهـا
شاعر(ن)يرسم غلاها بالقصيد اللـي يقولـه=شاعرن حس بغلاها والدفـا ليـن احترقهـا
شاعر(ن)يطري عليه العشق ويصور ميولـه=ان تنهت من غلاهـا وان تمناهـا شهقهـا
الكرم والجود وارجال(ن) لها صوله وجولـه=طبع هلها ما اختلف من يوم ما ربي خلقهـا
القصور الشامخـه تبقـى معالـم للبطولـه=والجبال الشم تبقـى ذروة المجـد وطرقهـا
من شعاع الشمس تلبس ديرتي ثوب الرجوله=وترسم بصدر الثرا مجد البطوله من شفقهـا
والقمر يحلـم يلامـس خدهـا ولا يطولـه=والغيوم تسافر بـروس الجبـال وتعتنقهـا
لاظلم الليل بسماها والزمن ثـارت خيولـه=نخوة اليامي تهـز اجبالهـا لامـن زعقهـا
شيخنا لامن وقف قصر(ن) يشرفنـا مثولـه=نمتثل في حكمته وبكـل كلمـه قـد نطقهـا
ان جلس كلن جلس وان قام كلن وقفوا لـه=شيخنا من فطنته محاسنـه ماحـد لحقهـا
وغمرنا لامن مشى فيه الطناخـه والفحولـه=يكسر اوجيه العدا واقلوب عدوانـه محقهـا
لابتي صبيان يام وعزوتي في كـل صولـه=واحمد الله واشكـره ربـي بعزتهـا رزقهـا
في الحميا والوفا واذكارهم فـي كـل دولـه=وانشدوا الاتراك عنهم واليمن واللي سبقهـا
يكفي ان (راكان)منا والزمـن يذكـر فعولـه=ويكفي (بنيان)منـا والرمـاح اللـي دلقهـا
ويكفي (الهايج ) بفعله في زمان زاد هولـه=ويكفي ان حن يام نحتل القـلاع وانخترقهـا

قصيده رائعة وقوه في الجزاله

تقبل اعجابي

[مشاعر حالمه]

في الحميا والوفا واذكارهم فـي كـل دولـه
وانشدوا الاتراك عنهم واليمن واللي سبقهـا
يكفي ان (راكان)منا والزمن يذكـر فعولـه
ويكفي (بنيان)منـا والرمـاح اللـي دلقهـا
ويكفي (الهايج ) بفعله في زمان زاد هولـه
ويكفي ان حن يام نحتل القلاع وانخترقهـا

علي السكران

والنعم والله بصبيان يام ويكفي ان اصل العجمان من يام ويام من نجران

ونجران هي العز والفخر والشجاعه كلها ..

صح السانك ولاهنت يالقرم

تحيتي لك / مشاعرحالمه _ عزوة ابوها

[علي السكران]

الاخ الباشا

صح بدنك ومرورك يشرح الصدر

اخيك .. علي السكران

[علي السكران]

اختي العزيزه البنت الجزله صح بدنش
وشكرا لمرورك الكريم واطرائك

علي السكران

[علي السكران]

الاخ محمد المحلكم

صح بدنك ولاهنت على المرور

[علي السكران]

الاخ محاور 5 نجوم

بيض الله وجهك على اعجابك بالقصيدة ولاهنت