حداء الخيل عند مطير

[صقرالمطيري]

السلام عليكم ورحمة الله وبركاته

الاخوة في المنتدي يسعدني ان اشارك معكم في موضوع حدا الخيل وهو من المواضيع الشيقة التي لها وضع خاص وارجو ان تقبلو مشاركتي وخاصة عن الدياحين من مطير حيث اشتهرو بالشجاعة والفروسية .
يقوا احد شعراء مطير من قصيدة طويلة.
خل التخيل للدياحين والسور********* اللي تخيلهم بعصر الصحابة

ويقول شاعر اخر:
يا عنك مامثل خيل الدياحين ************ يشهد علي ميرادها الاد عباد
وتقول شاعرة من من العبادل من مطير بعد انتقال الدياحين توجهها لابنها :

واحيّي اللـي يامطـر راح كلـه ..من عقب حيّي مابقالـي مزابيـن
ياعد صيح وفيّـض الجـم كلـه ..من يوم قفّا عنك نـزل الدياحيــن
ويالهضب صيح وجر عشرين ونة..علـى ربـوع كلبوهـم مديحـيـن
يادولـة وسـط الجنـب مستكنـة....كل القبايل في ذراها مريحــين
حداء
نشبع مدابيح النصور "" والذيب اليا منه عوى
لعيون لجّاج الخصور "" وقذيلته ريش بهـوي
الفارس الامير حنس بن جديع بن كريكر



ياعلي ما شفتوا فعل رشيـد "" ونايف اللي يفك المرزمـات
يـوم الحسـو علـمٍ وكيـد "" خلاف ربعي وافك المرزمات
الفارس الامير جدوع بن فاضي بن كريكر




يابو لوى صاحبـي قلـه "" عطه مواثيـق وعهـودي
ان خنت ابـو قذلـةٍ هلـه "" يحرم علي نقـل بـارودي
ومن نزلتي خلـف منتلـه "" اليا حل في الجيش مردودي
الفارس لافي بن معلث



البارحه خلـي لقيتـه "" شفته بعيني في المنـام
نبي نطارد دون بيتـه "" من فوق عجلات المرام
الفارس الامير حنس بن جديع بن كريكر



نضرب على جم الخساير "" ما يستوى مدحٍ بـلاش
لعيون زينات العشايـر "" والغرو لبـاس القمـاش
الشاعر الامير دحيان بن عبلان بن كريكر



يا راكبٍ زين الاقرانـي "" يوم اهل الهجـن دنوهـا
سبق الطيور ام جنحانـي "" كـل القبايـل تمنوهـا
هـذي مداهيـل حيّانـي "" واليوم راحـوا وخلوهـا
راحوا هل البوش وعناني "" والدبدبـه قـد تعدوهـا
الشاعر عيد البخيت



عيّنت نوره يا براز "" عينتها تالي الجهام
نوره تحن وتلتفـت "" تبا الفرج منا شمام
الفارس الامير حنس بن جديع بن كريكر



راكبٍ حمرا تهقوينـي "" روّحت تومي جنايبهـا
روّحت مضنونة العيني "" تقل تاخذ عن مناكبهـا
سابقت خرش الشياهيني "" والدويرع فوق غاربها
النضا مثل المزايينـي "" والنجيبه من نجايبهـا
كنها اللي دلهـا زينـي "" جادل غنـام قاضبهـا
الشاعر عليان بن محسن الديحاني





يا جمعة قفـت علـى القنطـوش "" يـــوم الدلـيـلـه دلّــهــم
ربعي دياحيـنٍ تفـك الـبـوش "" جـعـل الذلـيـل فــداَ لـهـم
اليا صاح صياح الضحى المدغوش "" يرعـى الدبـش فــي ظلـهـم
رفاع لبـس الجوخـه ام نقـوش "" وعشـريـن فــارس جـلّـهـم
جبنـا معادينـا نحوشـه حـوش "" وانــا احـمـد الـلـي ذلـهـم
ساعـة ملجنـا كـب الـهـوش "" قـــال لـخـويـه خـلـهـم
الشاعرالفارس نفل البصيلي الديحاني


نرعاك يالوضحا الطفوح "" وسم العزيـري فوقهـا
لعيون عيده جت طموح "" يوم امرجت في شوقهـا
حطوا بها خيـطٍ يلـوح "" مع الجـرس وطوقهـا
الشاعرالفارس نفل البصيلي الديحاني





عينت خلي يا خليـل "" هو شد ولا فوق مـاه
ابو هدب رمشن ضليل "" ياربح تجّـارٍ شـراه
بالقيض ما ذقنا المقيل "" والجيش نرقع في حفاه
الفارس الامير ذاير بن جديع بن كريكر



حنا لفينا يا شريـف " من نجد مرذين النضا
يا ما فرقنا من وليف "" للطير مكتوبٍ عشـا
حداء للدياحين امام شريف مكة

[المشاكس]

ونعم بالاد مدوح ولا قصور بالباقين

[القيهبان]

ونعم وكفو بكم

[عبدالله@المطيري]

السلام عليكم ورحمة الله وبركاته
مشكور يابن العم على الموضوع وننتظر جديدك

[صقرالمطيري]

يا هلا فيك
وماعليك زود وتشرفنا بمرورك يا الغالي

[صقرالمطيري]

يا هلا وغلا
والنعم فيك يا اخوي
المطيري

[صقرالمطيري]

وعليكم السلام ورحمة اللة وبركاته
الله يحييك يا ابن العم
ومشكور علي مرورك الكريم
اخوك المطيري

[صقرالمطيري]

اشكر الاخوة الذين شرفوني بقراءة الموضوع او المرور عليه .
والامر المميز في الموضوع هو كيف يجمع الفارس في وقت واحد بين الغزل والفروسية
يتغزل بمعشوقته وهو بين زرق الشلف والرماح؟ شي عجيب؟؟؟؟
طبعا كان في ذاك الوقت علي وضح النقي وقت الشيم والعادات الكريمة
صقر المطيري

[الفقير لله]

صقر المطيري

حياك الله

والله كفوا بمطير حمر النواظر

وشكرا لك على ما أتحفتنا به

[صقرالمطيري]

وعليكم السلام ورحمة الله
وحياك الله يا عزيزي
وشكراعلي الاطراء الجميل
وما عليكم زود يالعجمان
المطيري