شاب متهور تعرض إلى حادث وكان معه أمه فتوفيت وبقي هو علي قيد الحياه وكتب هذه القصيده

[شبل راكان]

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني


قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات


وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

[النرجسيه]

من جد قصيده تبكي

<<<<<<خنقتها العبره

الله لا يخلينا من امهاتنا ويطول باعمارهم

الله يعطيك الف عافيه ياشبل راكان

لا تحرمنا من روائعك

[عـزام]

الله يقطع ابليسك يا شبل ركان

بجد قصيدة محزنه اذا الواحد تمعن فى ابياتها زين.

الله يكون فى عونه وهذا يومها الله يرحمها

عسى تكون عبره لمن يقود سيارته بسرعه ومعه والديه ولا يقدر مشاعرهم.

لاهنت يا شبل راكان وتسلم يمناك لا عدمناك

[شبل راكان]

عجمية كول..شكرا على حظورك و الله يطول بعمارهم على طاعتة.
عزام شاعرنا المبجل..يهمنا تعليقك و الحمد لله سمعناه.

[هند]

الأخ القدير ، شبل راكان
صح لسانك ولسان شاعر الأبيات
كلمات رائعه



لك تقديري
السؤدد

[شبل راكان]

الأخت السؤدد، أسعدني مرورك