جاني يسابق خطوته يوم جاني = موعد زواجه حدده رابع العيد
مدرسه وابنه فلان الفلاني = فيها جمال الروح والوجه والجيد
بعد لامل هاذا حصاد لاماني = ماكان حلم صار واقع وتاكيد
وعقب زفافه غاب عني زماني = واقبل بعد مده بوجه تجاعيد
يقول ربي للسنع ما هداني = صارت حياتي من تزوجت تعقيد
ابله خذيت ابله وربي بلاني = واصبحت انا مقرود ضمن المقاريد
اكنس المنزل واغسل الصياني = مغضب علي؟؟ علينا منا قيد
واحيان تنهرني وتمسك اذاني = صارت اذاني للحبيبه مجاويد
واصبحت انا سايق بحلقي اعناني = قامت تقودني مع السوق تقويد
يطبخ غدانا مطعم التركماني = واما العشا فشفاش جمله وتفريد
عذبني المجمول صافي الثماني = صارت على مثل المهلهل وابا زيد
وانا فقير وراس مالي الساني = وش الطريقه وافزعو يا لاجاويد
14-03-2004, 05:38 PM
صح بــــــــــــــــــدونكم 
العرض المتطور
