قـصـة راعـي الـعـراوي

[Ajmi]

بسم الله الرحمن الرحيم

السلام عليكم ورحمة الله وبركاته

هذي قصه راعي العراوي وخويه ,, وهي قصه فكاهيه

والآن مع القصه

[خويه ] هاه أبو سعود وش وقع ها السيارة المبروكة

[ راعي العراوي ] والله الوقع الي ماهو زين

[خويه ] اعوذ بالله


[ راعي العراوي ] اي والله يا رجال والله انها كسفتني
جابتلي المرض يا رجال ما خليت مستشفي ما جيه بسبة ها السياره

[خويه ] وليه ما تبيعها

[ راعي العراوي ] يا رجال اغليها العراوي

[خويه ] ههههههههههههه

[ راعي العراوي ] والله ان حبها بقلبي
الراتب الف ريال تسعميه كلها تصليح واغراض في السياره
ويبقى مية ريال

[خويه ] نعمه ... نعمه


[ راعي العراوي ] ما خليت ورشة بالصناعيه ما جيتها
العمال حقين الورش صارو ينحاشون اذا شافوني
من يشوفون خشة السياره مقبله حطو رجيلهم
ويتعذرون يقولون اجازه

إجازاه يوم السبت والأحد ؟‍‍‍!!!


[خويه ] يا رجال يا رجال ما سمعت الشاعر الي يقول
وليس لداء العراوي طبيبو


[ راعي العراوي ] نسيت اعلمك خلني اكملك القصه

[خويه ] أسلم

[ راعي العراوي ] وانا اروح لي لعامل بأقصى الصناعيه هناك بأخر الصناعيه
واول ما شافها وهو يفتح الكبوت
وهو يقوم يحوس بها الاسلاك اي والله ويمصع ويركب وهي تزين
يا سبحان الله
من تمسك ها المفتاح تشتغل
لو تلمس البوري اشتغلت
على الريحه



[ راعي العراوي ] اركب اركب بسم الله

ويسكر الباب ...طخ ....ويركبون

[راعي العراوي ] اظاهر طاح الرفرف

[خويه ] لا الباب الي ورى انفتح

[ راعي العراوي ] لا يا رجال والله اني ملصقه باتكس الأسبوع الي راح



[ راعي العراوي ] بسم الله بسم الله
توكلنا على الله
ويوم جاء يشغلها قامت تدق سلف بدون ما تشتغل

[ راعي العراوي ] وش بلاها ما اشتغلت

[خويه ] ا يمكنها تسخن

[ راعي العراوي ] الله يفشلك يا ها الموتر


[خويه ] ابروح عند الكبوت يمكنها مستحيه مني


[ راعي العراوي ] يا رجال هي ما تمشي الا بالعين الحمراء طير عيونها


يوم جاء يشغلها قامت ترمي وشوي الا وتحترق ويطلع دخان

عاد قام [ راعي العراوي ] وقال هذي القصيده :-

ياموتري جرتي علي والزمن دار *** صبرك علي لا ما تزين الليالي

لا تطلبين غيار الأسعار بالنار *** منتي كفو(ن) للي جديد وغالي

حسابي غذا بسباب تصليحك اصفار *** راح المعاش لجامعين الريالي

ادري كبيره واوجاعك كثار *** والخافي اعظم من كثير(ن) بدالي

تمشين بالصحرى ولا ولامع القار *** لك قرقشه وقرقعه(ن) وجتوالي

الناس تفرح بالرعد قبل الأمطار *** وانا اتضايق لا لمحت الخيالي

كم مرتن ما اظن نترجع على الدار *** لولا النشاما مجهزين الحبالي

لابد من يوم مبدل بفكسار *** وانتي بعد تلقين مثلي بدالي

ما يقبلك غيري وعلام الأسرار*** الا فقير(ن) حاله مثل حالي

[الخويطري]

ياسلأم ياسلأم


يالله انك تحيّه

صح الله لسانك على القصيد الجزل

وولاهنت مليون على القصه الفكاهيه ويالله انك تعينه

بس ياخوي العراوي مثل الخوي السنافي في ديره وفي البر

وتسلم يمينك يالعجمي , ولأتحرمنا من قصصك وقصيدك

وتقبل تحياتي

الخويطري

[اللزيزي وافتخر]

لاهنت عجمي على القصيده الفكاهيه
وذا ذا القصيده في شريط حق الحورنيات

[Ajmi]

الخويطري
يا هلا ومرحبا
حي الله ها الطـلـه

صدقت يا الغالي العراوي مثل الخوي
ويا صبره على طلعات الصمّان ,, وضرب الشطوب والشعبان



اللزيزي وافتخر
يا هلا ومرحبا
يالله حيـــــــــه
ولا ندمت يا الطيب

كلامك سليم ميه بالميه 100%
هذه القصه والقصيده مصدره من
شريط حورينات الجزء الثاني

انصح الكل يسمعه [ لأنه بيعجب البــــــــدو ,, بقوووه ]
ويباع في جميع التسجيلات الإسلامية
[ لاحد يحسب ان التسجيلات الإسلامية ما تبيع الا قرآن ومحاظرات ]

والشريط هذا الله يذكره بالخير شاريه وانا معّود من الصمان
مريت على الوادي ويوم تعديت جوده وركبت السريع وقفت عند اول محطه تقريباً
الي فيها محل تسجيلات اسلامية جنب المسجد ,, مناك اخذته



تحياتي للجميع

[راكان اليامي]

لاهنت لاهنت ههههههههاي

واشكرك على الموضوع الجيد

[Ajmi]

يا هلا والله ومرحبا بركان اليامي

ولا ندمت يا ا لطيب


ولا شكر على واجب