محاورة قمه جمعت عمالقة محاورة السياسه حسني مبارك وباراك أوباما
نترككم معها
باراك أوباما
good vening every body يعنى مساء الخير الجميع
ترجمتـهـا مـاعـاد يحـتـاج لكـلامـي تـرجـمـه
ياحسـنـى مـبـارك تطـيـع الامــر والا ماتطـيـع
ماعادباقـي غيـر يصـدر فـيـك حـكـم المحكـمـه
حسني مبارك
يا مرحبا لا زرتنا فـي صيـف والا فـي ربيـع
اقلط علـى فرخـه وطعميـه وكشّـري بلحمـه
صدري على صكات بقعا من ( عصر قدي ) وسيع
ما ني وانا حسنـي مبـارك فالمواقيـف رخمـه
باراك أوباما
ماعاد عندك غير ياحسنى طعام(ن) من ضريع
يابو جمال اللي يبى يرفـع خشيمـه نلطمـه
اطعت شور الحرمه اللي حدرتبك كـل ريـع
واليوم شعبك يحكمك وانته مـن اول تحكمـه
حسني مبارك
العبد مالك غير قسمك تشتري والا تبيع ؟
ما للبنادم (يالمريكي) غير مالله يقسمـه
ربعي وصدقاني من حدود النويبع للنبيـع
مصاريه والله ما فيهـم سلاقـا واقثمـه
باراك اوباما
احج حسنى ياقدع خل اللكاعـه يالكيـع
ودك تحايل والكلام اللي تقولـه نفهمـه
ربعك ماهم بعتيبه الهيلا ولا الغلبا سبيع
اشجعهم اللي لو خنقته خنق ضيقت نسمه
حسني مبارك
يا مستر افهمني على كيفـك وانـا شانـي رفيـع
واللي ما يفهم (هرقتـي ) مزبـوط لا يفتـح فمـه
انا ( شقيع ) و ( قد قدي ) كان طحطوح و ( شقيع )
سيبك من ( السبعان والعتبـان ) روقـه وعصمـه
باراك اوباما
كل(ن) يعرف ان الوداعه مايضيعها الوديـع
ونهاية الظالم يحطـون الحديـد بمعصمـه
oh my godانته كذا ياحضرة الباشا فضيع
لكن انا اللي يخضع العالم لطوعى واحكمه!!
حسني مبارك
اقول ذا شوك السلم واتقول ذا شوك النقيع
اقول هذي قنبلة واتقول حبـة سمسمـه
كبدك علينا ضامية يابامه وبطنك قويـع
لكن حنا نفرك الخشم الكبيـر او نكزمـه
باراك اوباما
ماعاد لك عندى مقام ولا اهتمام ولا شفيـع
امرك حسمته وامر غيرك بعد مده نحسمـه
good by يا افندم ماباقي غير ينعيك المذيع
درعم مع اللي روسهم مع كل درب مدرعمه
حسني مبارك
يا (وقد ) حالي (وقد ) شالح بعد ما مات الفديع
اشعيل حمله فظهره واشريـم ينفـخ برطمـه
بجمع (قنيهاتي ) وادور فيزه ان كان استطيـع
وابشتغل في مزرعه والا اشتغل فـي ملحمـه
طبعاً منقول
29-06-2011, 12:00 AM
العرض المتطور
