هما شاعرين من شعراء الفكاهه
ودائما مايتحاورون ببعض الامور التي غالبا ماتكون هزليه
الشاعران هما ضيدان بن صبحان العجمي
وسعد بن عبالله الهتلاني العجمي ( رحمة الله عليه اختطفه الموت في ربيع شبابه عام 1991م)
قال سعد
ضيدان.. ماودك نسوي عصابه
نحتل بعض بنوكها والمحلات
اما يجي لي وألك قدر ومهابه
والا تبيتنا بيات الشريفات
الرجل ودك يشتهر في شبابه
بالطيب والا بالعلوم الرديات
مايهتني باكله ولا في شرابه
الين تطلع صورته في المجلات
فرد عليه ضيدان قائلا
لاتحسب انا ياسعد وسط غابه
هاللي تراوى لك تراها عمارات
وموضوعك اللي جبت كله غرابه
والظاهر انه سابع المستحيلات
اخاف لاتنبح عليك الكلابه
ثم هات نسلم من مخاليبها هات
ياخوك ماعمري دخلت النيابه
ومن العمر ماباقي كثر ما فات
وان كان تبغى الراي قبل يغدابه
من واحد جرب جميع الحيالات
خل الخطب للي يعرف الخطابه
نهارنا شمس وعلى الليل لمبات
ودمتم
وردة&العجمان
26-01-2005, 04:44 AM
العرض العادي
