السلام عليكم ورحمة الله وبركاته
قالها الشيخ راكان بن حثلين وهوو بالسجن في تركيا رحمه الله واسكنه فسيح جناته ...
لا واهني يا طير منهو معك حام
والا انت تنقل لي حمايض علومي
ان كان لامن حمت وجهك على الشام
بايسر مغيب سهيل تبغى تحومي
باكتب معك مكتوب سر ولا الام
ملفاه ربع كل ابوهم قرومي
سلم على ربع تنشد بالاعلام
لا واهني من شافهم ربع يومي
ومن سايلك مني فانا من بني يام
من لابة بالضيق تقضي اللزومي
ربعي ورا الصمان وأنا بالاروام
من دونهم يزمي بعيد الرجومي
ومن دونهم حوران ضلع بعد زام
دار اهلها ما تعرف السلومي
حال البحر من دونهم له تليطام
ومن دونهم مايات موج تعومي
من عقب ما سيفي على الضد حطام
اليوم سيفي جادعه كنه شومي
صارت سوالفنا معي مثل الاحلام
مالي جدا يكون عد النجومي
لا من ذكرت رموس عصر لنا دام
قمت اتململ والخلايق نيومي
يا الله ياللي طالبه ما هو يضام
تفرج لشخص لاجي عند قومي
الله من عين لها سبعة أعوام
تسهر وتبكي من كثير الهمومي
الحال باد وباقي الجسم وعظام
كني مريض واقع ومحمومي
وقعت انا في ديرة ما بها اسلام
والبن الاشقر ما يدار معدومي
سجين سجن ولاجي عند ظلام
ودوني بحور وبالحديد محزومي
والجفن يسهر تالي الليل ما نام
ومن جملة الكيفات صرت محرومي
وعزي لمن مثل عليه الدهر هام
مقصور رجل ولا جزع ما يشومي
وصلاة ربي عد من يلبس حرام
واعداد ما تذري ذواري السمومي
على نبي خصه الله بالاكرام
على جميع الخلق صار محشومي
منقوله القصيده وتقبلو تحياتي اخوكم
: بـــــدو
[/center]
27-08-2009, 03:22 AM
العرض العادي
