تعتبر هذه القصيدة من القصائد الخالده في الشعر النبطي وهي وصية بركات الشريف لابنه مالك:
لسماع القصيدة :
لقراءة القصيدة :
يا الله يا اللي كل الامات ترجيك= يا واحد(ن) ما خاب حي(ن) ترجاك
يا رب عبد(ن) ما مشى في معاصيك= ولا يمشى الا في محبتك وارضاك
يامرقب بالصبح ظليت باديك=ما واحد قبلى خبرته تعــلاك
وليت ياذا الدهر ما أكثر بلاويك=الله يزودنــا السلامه من اتلاك
ياللى على العربان عمت شكاويك=وليت يا دهر الخطا ول مقواك
واليوم ها الكانون غاد شبـابيك=تلعب به الأرياح من كل شبـاك
يا مالك اسمع جابتى يوم أوصيك=واعرف ترى يابوك بآمرك وانهاك
وصية من والد طــــامع فيك=تسبق على الساقه لسانه لعلياك
أوصيك بالتقوى عسى الله يهديك=لهـــا وتدركها بتوفيق مولاك
احفظ دبشك اللى عن الناس مغنيك=اللى إليا بأن الخلل فيك يرفـاك
اجعل دروب المرجلة من مع********=وأدراج سيسها على العز مرقاك
لاتنسدح عنها وتبغينى أعطيك=جميع ما يكفيك ما حاصل ذاك
احذر امر لا عاد تبيها بتاليك= ايضا وترخص عندها قدر مولاك
أدب ولدك إن كان تبغيه يشفيك=واستسعفه من بعد مرباه ذالاك
اما سمج واستسمجك عند ش********=ويفر من فعله صديقك وشرواك
وإلا بعد جهله ترى هو بياذيــك=ولو زعلت أمه لا تخليه يــالاك
احذر تضيع كل من هو ذخر فيك=معروفه لاتنساه وأوفه بعـرفاك
ترى الصنايع بين الأجواد تشريك=اليا طمعت بركزهــا لا تعداك
واوف الرجال احقوقها قبل تعنيك=لا تعتمد بالعفو فالحق يقفــاك
وهرج النميمة والقفا لا يجى فيك=وإياك عرض الغافل إياى وإياك
تبدى حديث الناس وفيه تشكيك=وتهيم عند الناس بالكذب واشراك
واليا نويت احذر تعلم بطــاريك=كم واحد تبغى به العرف وأغواك
واحذر شماتت صاحب لك مصافيك=واليا جرى لك جارى قلت لـولاك
لا تحسبن الله قطـــوع يخليك=ولاتفرح أن الله على الخلق بداك
انشتهى حط الطمع في تواليك= لولا ما لقيته يا فتى الجود يلقاك
والضيف قدم له هلا حين يلفيــك=مما تنوشه يا فتى الجود يمنــاك
أكرم اقباله فإنها من شواديـــك=وابذل له المجهود مــادام يعناك
احذر تلقى الضيف مقرن علابيك=خله محب لك صديق إذا جــاك
وأوصيك زلات الصديق إن عثا فيك=مازال يغطاهـا الشعر فاحتمل ذاك
راعه ولو ما شفت انه يراعيــك=عساك تكسر نيته عن معـــاداك
لاتأمنه واطلب من الله ينجيـــك=ويكفيك ربك شـــر ذولا وذولاك
شفنى أنا يــا أبوك بآمرك وانهيك=عن التعرض بين الاثنين حــذراك
إذا حضرت طالبه مع شرابيك=اسع لهم بالصلح واللاش يفداك
ابذل لهم بالـطيب ربك ينجيك=لاتجضع الميزان مع ذا ولاذاك
أما الشهادة أدها إن دعوا فيـك=بين عمود الدين لاعميت أريـاك
بالك تماشى واحد لك يرديــك=طالع بنى جنسك وفكر ابمشاك
رابع أصيل فى زمانك يشـاكيك=لا شاف خملاتك عن الناس غطاك
وأحذرك عن طرد المقفى حذاريك=عليك بالمقبــل وخل إللى تعداك
ثم العن الشيطان لياَّه يغويـــك=ترى إن تبعته لشرابيــك وداك
اوصيك لاتشكى علينا بلاويــك=أنت السبب طرفك عيونك بيمناك
واعرف ترى إللى قد واطى الخلق واطيك=ولا أنت أعز من الجماعة هذولاك
المسك يا راسى عن الذل واخطيك=واحذر تكلم يا لســـانى حذراك
والطف بجارك ثم قم دون ع********=وافطن لما يعنيك عن ربعة أخواك
يا ذيب وإن جتك الغنم فى مفاليك=فاكمن الحيث إن الرعـــايا تعداك
من أول يا ذيب تفرس بيــاديك=واليوم جـا ذيب عن الفرس عداك
يا ذيب عـاهدنى وأعاهدك مرميك=مرميك أنا يا ذيب لو زان مرماك
والنفس خالف رأيها قبل ترميــك=ترى لها الشيطان يرمى بالإدراك
ومن بعد ذا لا تصحب النذل يعديك=و عن صبحة الأنذال حاشاك حاشاك
ترى العشير النذل يخلف طواريك=وأنا أرجى أنك ما تجى دون أباك
والهقوة إنك ما تجى دون أهاليك=ولاذكر عود الورد يثمر بتبنـاك
والحر مثلك يستحي يصحب الديك=وأن صاحبه عاعا معاعات الأدياك
لا تستمع قول الطرف يوم يلفيك=بالكذب يقضى حاجته كل ما جاك
من نم لك نم بـك ولا فيه تشكيك=وأيلاه قد أزرا رفيقــك وأزراك
عندك حكا فينا وعندي حكى فيك=وأصبحت كارهنا وحنا كرهناك
ما اخطاك ما صابك ولو كان راميك=وإللي يصيبك لو تتقيت ما أخطاك
مير استمع منى عسى الله يهديك=النصح يـا مالك لك الله مولاك
عندى مظنة مـا تمثلتها فيك=واطلب لك التوفيق من عند مولاك
ابو حمد الشامري
__________________
[color=0000FF][b][font=Times New Roman][align=center]
سَيَذْكُرُنـي قَوْمي إذا جَدّ جدّهُـمْ=وفِي اللَّيْلَةِ الظَلْمَـاءِ يُفْتَقَـدُ البَـدْرُ
وَلَوْ سَدّ غَيرِي ما سددتُ اكتفَوْا بـهِ=وَما كانَ يَغلو التّبـرُ لَوْ نَفَقَ الصُّفْـرُ
وَنَحْنُ أُنَـاسٌ ، لا تَوَسُّـطَ عِنْدَنَـا=لَنَا الصّدرُ ، دُونَ العالَمينَ ، أو القَبرُ
تَهُـونُ عَلَيْنَا فِي المَعَالـي نُفُوسُنَـا=وَمَنْ يخَطَبَ الحَسناءَ لَمْ يُغلِها المَهـرُ
أعَزُّ بَني الدّنْيَا وَأعْلَـى ذَوِي العُـلا=وَأكرَمُ مَن فَوقَ التـرَابِ وَلا فَخـْرُ
التعديل الأخير تم بواسطة ابوحمد الشامري ; 18-09-2004 الساعة 12:25 PM
18-09-2004, 12:13 PM
العرض المتطور
