مساجله بين المسعودي والفهري(جميله جداَ)
من اجمل المساجلات بين حسن المسعودي و سعيد الفهري
راكب الـي كـن لونـه نـوةٍ منحـازه
مثل ماياصفه ابـن جـدلان فـي تعبيـره
ابيضٍ كنه اولعه وأحدث طراز اطـرازه
مثل ماقـال ابـن ريفـه ماتخيـر غيـره
فتحه اسبيريـن مكـره صاحـيٍ هـزازه
كشن عودي ترجمة طبلونه مـن انبيـره
غالـيٍ ماكـل مـن هـازه بنيـه حـازه
فـي وكـلات التيوتـا حطـم التسعيـره
مايحوشه غير راعى المـال لمـن رازه
والفقير ايدق كبـده مـن لهيـب النيـره
منوة الـي لاطرالـه فـي بـلادٍ عـازه
ماشوت كبـده تناهيـد الزعـل والحيـره
فكس آر يسرق الليـل ان سـرق فـزازه
من تحت رجلك نشوقه دوس والعن صيره
واتك يمناك الشريفه فـي ظهـر معنـازه
وثبّّت ايسارك على الطاره وثبـت سيـره
نطحه يامسندي وجـه الجنـوب وجـازه
بالجـزاء الصـارم لاتلبيقـه ولآتأخيـره
لين تدخل في نميص ابهـا وهـد وزازه
عند بيت سعيد راعى الطيب ذرب السيره
ابو علي الـي مايلفـز بالمديـح الفـازه
امدحه لنه كفـو والكفـو يسـوى ديـره
ابلـجٍ وجهـه ولابـه موقـفٍ مجتـازه
من مواقيـف الرجـال وحافـظٍ تقديـره
رأس من رؤسٍ تهوز ُولاهـي ابمنهـازه
الفهر ربع ابن شفلوت الزحـول الخيـره
سلمـه خطـي وقلـه ينتـبـه للـغـازه
كل علمٍ جاه ابـي حلـه وابـي تفسيـره
قله اني عشت وقتٍ لو يشـوف إفـرازه
جاه ماجاني وشبنـا والعمـار اصّغيـره
وانشده ويش سالفة من شـرب بالمـزازه
من قناة النيـل ويراهـن علـى تغييـره
وقله اني جيت لـي ورعٍ علـى عكـازه
شائـبٍ رأسـه ورجلـه مالهـا تجبيـره
وانشده من راعـي البلجيـك والخـرازه
كيف تتساوى مزاياهـا حسـب تبريـره
وانشده عن روح حيه والضمير اجنـازه
في نفس ملا عسـى الله لايكثـر خيـره
وانشده ويش البعير اللي طـواه انحـازه
طالت الرحله عليه ومات فـي التدويـره
وانشده عن شائبٍ ربعه هـوت لعـوازه
وبعض ربعه حافظينه مثل حفظ الجيـره
وقله ان بنت الوزيـر اعيونهـا خـزازه
تطبخ افكار العـرب فـي دلـة التبهيـره
انطحتني فوق رزرايـز وهـي رزرازه
بس ماجات ابعيوني كبر حـب اشّعيـره
وانشـده عـن واحـة الهمـازه الّمـازه
واحـةٍ مفتاحهـا عنـد الخبـول إدّ يـره
وقله ان بقعاء حشت عيني بحب اتـرازه
وجرحت كبدي بجـرحٍ ماشيـاً تطويـره
وانتظر يامسندي حلـه وشـرح ايجـازه
وانا من طبعي احب الفأل وشنى الطيـره
وانتهت والسالفه مثـل الذهـب وأكنـازه
والله اكبـر فـي نهايتهـا مئـة تكبيـره
الشاعر : حسـن المسعـودي القحطانـي
ورد عليه الفهري
من ضمير للفـرص وانصافهـا نهـازه
وكل موقف محتمي تقدر على تسطيـره
وان فعل بين النشاما ما يضيـع انجـازه
مرحبا ما شعشع الصبح وتغنـى طيـره
بالولـد والقـاف والغـازه وباستفـزازه
والرفيق اللي نصا البرج ونوى تدميـره
لكـن الله سلـم البـرج وسلـم تلفـازه
وصل بث المملكه راس الهدى وعشيـره
يا حسن يا ذخر مضيـوم زمانـه هـازه
من طحاطيح ال مسعود الفخـر وبعيـره
ربع ابن عبـود تفـرح عـزوة تعتـازه
فالرخا كف كريـم وفالحـروب ذخيـره
يا رفيق بـارز بالطيـب قبـل ابـرازه
في الحسا ضيفه وجاره ما شكو تقصيره
جعل يفدونـك رخـوم للحكـي قـوازه
همهم في المال وحسابه وفـي توفيـره
انخهم ساعة قصا تشـوف الاشمئـزازه
واعفهم من حزة فيهـا الرجـال مغيـره
واستلم منـي حلـول الغـازك النشـازه
كل بيت اتعب على حبكه بعد تصويـره
فكرته طازه وايـات الكتـاب اعجـازه
ولا يحبـه تاجـر فالزنـك والقصديـره
لوتحدانـا الظـروف بقبضـة وكــازه
مـا شكينـا الا لـرب نؤمـن بتدبيـره
الاوله شعر الحداثـه والـولاده طـازه
لا وزن لاقافيه والمجتمـع مـا يعيـره
غير منهم تربية تكساس ومرقص كـازه
جعلهـم فـدوة مناهجنـا عيـال البيـره
عقبها شعر النظـم والقلطـه الممتـازه
كلهـا فـن ينومـس والفـروق كثيـره
ما جمعها الا حظيظ مـا يعيـش طنـازه
بالفرنـك وبالـدولار ولا رجـع لليـره
وكان تنشد من البعير اللي عقله حجـازه
ماش غير المسجد الاقصى وجب تحريره
ليت منهو من ورا غزه حـذف بجـوازه
مـا قهرنـا الا يهـودي ولـد خنزيـره
امـا شايبنـا عزيـز ومدهـل مركـازه
للرجال اهل الحميـه والكـرم والغيـره
الشعر مثلك حفظ صورته فـي بـروازه
كل يوم يلمـع الصـوره مـن التغبيـره
ما لعب في تراثنا غير رخمـه وخنـازه
يحسب انه سلعة تشرى مـن الكاشيـره
طامـع بنـت الوزيـر بكلمـة نـقـازه
يحسب انه لاشتهر راس النبـط واميـره
ما درى حتى الدعيـع حـارس بقفـازه
واشتهر حتى بعـد فضيحتـه الاخيـره
وانت لا تشفق عليهاواكسـر الـدروازه
لو حنت راسك وخـدك لان للتصعيـره
والنهايـه واحـة اللـمـازة الهـمـازه
الصحافه مدرسه كـل حسـب تفكيـره
الخـرازه مهنـة الخـراز والـخـرازه
والجراحه ضمدت جرحك بعد تطهيـره
والمقص اللي بكـف ام العبـر جـزازه
كل ناسي ذكره واحرص علـى تذكيـره
وقله ان سوق الحسا غير العثيـم بـلازه
المشالح والتمر وسبوق قنـص وطيـره
الشاعـر: سعيـد الفهـري القحطانـي
13-09-2004, 06:24 PM
العرض العادي
