قالت ترى منت بحلو ...قلت رجـــال

[مفلح]

قالت ترى منت بحلو قلت رجال = والزين ماهو من شروط الرجوله
الزين يلقى عند لباست الشال = والرجل زين ان كان زانت فعوله
قالت علامك تلبس شماغ وأعقال = انت بدوي قلت بدوي من حموله
مالبس بناطيل لها انواع واشكال = ومتر الشارع بعرضه وطوله
قالت أجل راعي معاميل ودلال = شرب القهاوي تحسبونه بطوله
قلت اسمعيني وأفهمي كل الاقوال = تمعني في كل حرفن اقوله
كيفي يبنت الحضر دله وفنجال = وحليب خلفه بالمراح معقوله
احب الكرم والطيب وعلوم الابطال = مغروس فينا من زمان الطفوله
قالت ترى بنت البدو حظها مال = قلت احذري حذرا تكوني جهوله
بنت البدو يابنت تضرب بالامثال = غير الجمال وطاعه الله خجوله
زينه على كل المزايين تهتال = مثل القمر ينشاف ولا حد يطوله
ماتنخدع في كل ماكر ومحتال = اللي لهم بالسوق صوله وجوله
هي مهرتن تصعب على كل خيال = ونتي ومثلك عسفها بالسهوله
قالت تغزل بي وشف حبت الخال = ناضر عيوني والرموش الكسوله
ونضر جديلن فوق الامتان ميال = ومبيسم يعجبك تنظيم لوله
قلت العفو مايستو زين وهبال = والي تبينه شيبي عن حصوله
قالت وقلت كلمت الحق تنقال = والزين ماهو من شروط الرجوله

[ابوحمد الشامري]

لا هنت اخي العزيز مفلح على هذه القصيدة الرائعة وبيض الله وجهك يا السنافي .

ابو حمد الشامري

[عيد بن شدقان]

قالت علامك تلبس شماغ وأعقـال^ انت بدوي قلت بدوي من حمولـه
مالبس بناطيل لها انواع واشكـال^ومتر الشـارع بعرضـه وطولـه
قالت أجل راعـي معاميـل ودلال^شرب القهاوي تحسبونـه بطولـه
قلت اسمعيني وأفهمي كل الاقـوال^تمعني فـي كـل حرفـن اقولـه
كيفي يبنت الحضر دلـه وفنجـا ^لوحليب خلفـه بالمـراح معقولـه

مفلح
صح السانك ولا هنت

[مفلح]

أبو حمد الشامري ولا تهون ووجهك ابيض طال عمرك

تحياتي لك على تشريفك للمشاركة

[مفلح]

العزيز الراكــــد صح بدنك يالغالي

والله لا يهينك على التواصل وتكريمنا بمداخلاتك

[قبلةالعجمان]

زينه على كـل المزاييـن تهتـال **مثل القمر ينشاف ولا حد يطولـه



>> مفلح <<


صحح لسانك ....
ولاهنت على هالقصيده .....


تقبل سلامي ...

[ffahad]

صحح لسانك ....
ولاهنت على هالقصيده

[غدى]

صح لسانك
ولاهنـــــــــــــــــــــــــــــــــــــــــــت

اختك غدى العتيبي

[غيفارا]

لاهنت يا مفلح وصح لسانك

والرجال مخابر ماهم مناظر


اخوك

[تركي بن ماضي]

تسلم يامفلح وسلم بنانك على الرائعة .


همسة :ـ

لو اخبرتنا بالقائل .