سألنى قال انا أذكركم تجونى بالظلام أثنين؟

[مفلح]

قصيدة عذبه ..حزينه..ان شاء الله تعجبكم

على ذاك الجدار اللي على حدّه بيوت الطين = وقفت وهاجس الذكــــــرى نفض فى قلبى غباره
وقفت اطلق مدى شوفي و اناظر مفرق الدربين = واشوف الدار وعيوني تضم الدرب وجداره
اجل هذا الجدار اللي سهريوم العرب غافين = اجل هذا الصديق اللى ذكرني واذكر اســراره
انا اذكر يوم يجمعنا يغطينا برمش العين = نسج ليله وســـوى به على عشاقه ستـــاره
حجر لكن احس انه يحس بفرحة القلبين = احس انه نفس لكن غدى جــــامد من اقــــداره
حجر يوم العرب تنسى اذا مّرت عليها سنين = حجر يوم العــــرب تنسى حبيب مبعده داره
ولكن الجدار اللى تركته من هذاك الحين = عرفنـــــي يوم قابلته وبلل دمعي احجــاره
جلست وهاجت الذكرى وقلت بخاطرٍ مسكين = ثمان سنين فى وحشه ولا احدن بيننا زاره ؟
وفا ذاك المكان اثبت بان الادمى من طين = تخيّل يوم لامســــته تنهد من شقى نـــــاره
سألنى قال انا أذكركم تجونى بالظلام أثنين؟! = بكيت وقلت صدقنى رحل وانقطعت أخباره

للشاعر عوض القطيّاني

[ابوحمد الشامري]

لا هنت يا اخي العزيز مفلح على ذاالقصيدة الجزله والرائعه لا هنت ياالسنافي .

ابو حمد الشامري

[فيصل بن حجرف]

قصيده جميله
وكلمات رائعه
لاهنت اخي مفلح على النقل المميز
وفي انتظار جديدك

[مفلح]

الأخ أبو حمد الشامري ولا تهون طال عمرك، ولا عليك زود يالشيخ

الأخ Alajman ولا تهون يالأمير ، وابشر بالسعد متى ما كان فيه اللي يليق بمقامكم

وتقبلوا فائق تحياتي،،