معاق..؟

[..عذاريب..]

أمس كنت الجمعية وصارلي موقف تمنيت الارض تنشق وتبلعني صرااحة ..


شنو صـــــــــــــــــــــــــــــــار........؟صفطت سيارتي بموقف معاقين وربي شاهد علي اني ماشفت اللوحه كنت مستعجلة بروح من وراي مكان ومارة الجمعية ع السريع باخذ شغلة واطلع الزبدة يوم قدني طالعة من الجمعية الا ذيك السيارة صافطه ورا سيارتي فيها ولد صغير بمهاده ينشال يعني بس ومرة كبيرة بالسن قاعده على سيارتي تنطرني وخفت قلت هاذي شفيها واروح اركض لها يوم جيت قلت لها : آمري

هي: بصــــــــــراخ يامر عليج فرعون بزمانه قولي آمين؟
انا: بلمت اقول هاذي شفيها .. قلت لها خير شسويت؟
هي: انتي يجي من وراج الخير حوله ماتشوفين حوله
انا: هي يوم قالتلي حوله جتني الضحكه ومسكت نفسي عشانها كان اقوله لوسمحتي حجية انا مستعجلة ووراي مشوار بخلصه انتي شفيش ؟ وماله داعي الصراخ حنا بمكان عام
هي: جب بس جب ( عاد انا لساني طويل ولاتطيح فيه ماتت بس احترمتها مرة كبيرة) صافطه مكاني مخصص لي ومخالفة القانون ولج عين تحجين
انا: شنــــــــــــــــــــــــــو
هي : اقولج مخالفه القانون صمخه انتي
انا :قلت بيني وبين نفسي( ياليل اي قانون خالفته انا شسويت تو ابي دافعلي مخالفة والله يدفني اذا درا اني مخالفة بعد ياويلي ويلاه ) قلت لها حجيه شوفي انا اقدر اطول لساني واصارخ واسوي نفسش خذوهم بالصوت بس انا محترمه سنش وساكته وضحيلي انا شسويت ترا تأخرت؟؟
هي: وااااااااااااااااي انتي شنو ماعندج احساس صافطه مكان معاقين وعينج قويه عالحجي
أنا: طالعت فوق الا لوحه معاقين واقعد اتعذر لها وأقولها قصة حياتي اني ماشفت اللوحه ووووووالخ... وقلت لها وخري سيارتش عشان ارجع وتصفطين ورحت بشغل السيارة الا رجعلي عقلي كان اطالع واروح لها قلت لها حجيه بس ممكن شي؟
هي: شنو بعد؟؟
انا: انتي ماشاء الله متعافية وبعيد الشر عليش مو معاقة يعني المصفط مو من حقش حق اصحابه
هي: لا والله انا قايله انج حــــــــــــــــــــــــوله وماتشوفين تستهبلين حضرتج؟
انا: حجية رجاءا عن الغلط
هي : لا والله ماتشوفين ولدي هالمعاق مقطوط بالسيارة ومنقعته عشانج
انا: يوم طليت بسيارتها الا بزر بمهاده قلت لها هذا طبيعي مافيه شي
هي: وانت شدراج اساسا الدكتور يقول اذا كبر شوي احتمال يكون معرض للأعاقه
أنا: هنيه طلع لساني قلت الدكتور يقول احــــــــــــــتـــــــــــــمــــــــــــــــــا ل مو اكيد يعني هذا مايعتبر معاق الحين وهالمصفط مو من حقي ولاحقش وبعدين حرام تستغلين سنش باستغلال الناس وتقعدين تزفين وتعلين صوتش على شي مايستاهل واساسا انتي فاهمته غلط بعد وماخذه كلام الطبيب غلط .. مع السلامه وانا راكبه سيارتي الا شاب صافط جمبي بمصفط معاقين بعد وجاي وراكب سيارته ولاكنه مسوي شي كان الف عليها واقولها هذا صافط بعد ليه ماصفطتي وراه ولعنتي جدن جابه مثلي ولا ابوي مايقدر الا على امي.. واحط رجلي واركب سيارتي النحشه النحشه لاتوثم فيني ذا العجوز
ويوم رجعت حسبالكم وخرت وانبها ضميررها لا والله وقفت بالموقف وعااادي عمك اصمخ هههههههههه عالعموم مرة كبيرة ولاني شارهه عليها ..
سبحان الي هداني وماطلع لساني .. ادري طولت بس الموضوع عايش ويانا وحبيت اطرحه

[الـسـلطانـه]

ههههههههههههههههههههه

امحق عجوز اشهد انها ملسنه

الله يعطيش العافيه عذاريب

وبصراحه هذا موضوع الكل تعب وهو يتكلم فيه

المجتمع ووسائل الاعلام وكل من فيه ضمير حي

بس وشتقولين في هذيل اللي يكونون تحت مسمى

(( قليلين الحيا ))

تدرين ودي يحطون بكل مصافط المعاقين لوحه كبيره

عنوانها يكون (( اخذ إعاقتي وعطني صحتك ))

طبعا في ناس تصفط من غير ماتنتبه للمصفط انه

خاص بالمعاقين مثلش يعني وانا ما قصدت بكلامي

الا اللي يتعمد ياخذ مكان غيره <<== حدها متضايقه منهم

وتقبلي مروري فديتش

[[ بلآ خطيه ]]

ههههههههههههههههههههههههههههههههههههه


آمحـــق عجوووز ... !


لأهنتي آختي عذآريب على هآلقصه آلبسيطه .. !

وآنتبهي مرهـ ثآنيه < --- :P