الحب الاول

[مطنوخ خلقه]

أقول بنسى وأحسب انـي نسيتـه
الحب الأول صعب نسيان راعيـه
عانيت في بعده كثـر مـا هويتـه
لا احتلت في قربه ولا نيب ناسيـه
لو اني أقـدر جيتـه كـان جيتـه
اللي بقوله آآآآه ويلي علـى أجيـه
بس البلا أنـي كلمـا جيـت بيتـه
أخذ ثلاث أيام مدري (شنـا) فيـه
ليل ونهـار وليـل واللـي قفيتـه
وأنا مابين أسمه ورقمـه وطاريـه
الله عطاني مـن غـلاه وعطيتـه
وغيره بغى مني ولانيـب معطيـه
قالوا هويتـه قلـت أأيـه هويتـه
قالوا تركته قلـت مانـي مخليـه
له منزل" في وسط روحـي بنيتـه
جدرانه ضلوعي وهو ساكن" فيـه
دورت له بيـن الضلـوع ولقيتـه
خلف الضلوع يبين(ماطى)خطاويه
واليوم لا أحتجت اللقا ماأحتريتـه
حتى ثره من بين الأضلاع ما حيه
ياجعـل يسقـى عادنـي لا بغيتـه
يغفى على ضلعين صدري وأصحيه
ما فيه شخص في حياتـي بكيتـه
الا الذي قد مـات مانيـب راجيـه
لكـن هـو حـي ومـع ذا رثيتـه
من قلبي اللي أحسـن الله تعازيـه
حملـت قلبـي بالهمـوم ورجيتـه
كني ما عرف الا غيابـه وأحاتيـه
أقـول بنسـى وأثرنـي مانسيتـه
الحب الأول صعب نسيان راعيـه

[قرناس العازمي]

صح السآآآنك ويعطيك الف عافيـه

[حسين ال الحارث]

له منزل" في وسط روحـي بنيتـه
جدرانه ضلوعي وهو ساكن" فيـه
دورت له بيـن الضلـوع ولقيتـه
خلف الضلوع يبين(ماطى)خطاويه
ابيات قمة
صح لسانك

[مطنوخ خلقه]

صح الله ابدانكم والله يعافيكم
الرائع مروركم الجميل

[شيخة الطبع الخجول]

عانيت في بعده كثـر مـا هويتـه
لا احتلت في قربه ولا نيب ناسيـه
لو اني أقـدر جيتـه كـان جيتـه

لاهنت وسلمت يدااكـ على الابياات
>> وصح الساانك وصح شاعريتك الرووعه..
ابيااااااااات بغااية الجمااال تسلم ^_^

تقبل مروووووووووووري..

[نسل الطويل]

أقول بنسى وأحسب انـي نسيتـه


اي والله صعب



لاهنت يامطنوخ

[مطنوخ خلقه]

يامرحبا والله بالجميع وصح الله ابدانكم
نسل الطويل

الحب بلوا من كبار البلاوي
همه وغمه مايعادل حصيله

[عبدالله الفنيس]

صح لسانك ...
ولاهنت على الطرح

وتقبل مروري

[مطنوخ خلقه]

يامرحبا يابن فنيس وشكرا علي المرور