ابطيت ماكلمت يامسابق الريح=
وتمر من جنبي ولا قلت جابه
لا فيه لا كلمه ولا فيه تلميح=
حتى القلم همل حروف الكتابه
ذلحين انا محتاج للوضع توضيح=
تعبت من توصيف جو الغرابه
الى متى واللعب ركلات ترجيح=
والقول واحد واللعيبه تشابه؟؟
يوجد خطا مكشوف يحتاج تصحيح=
من يوم ماخفت عليك الرقابه
من اولاً تاقف على الدرب وتطيح=
واقوى عزومك وقفةٍ وانقلابه
واليوم قمت تشل وتحط وتزيح=
تقول كنك عايشٍ وسط غابه
بالعفرته تعطي لنفسك تصاريح=
تسمح لك تحط الجناين خرابه!!
وبدلت الاصلي دون داعي بتشليح=
والعمر توّه في بداية شبابه
ومافاد بك راعي الدعا والملاويح=
نويت لك نيه وصارت طلابه
وروحت وانته ماتحب المراويح=
والاجودي ماهو بحاسب حسابه
واثر الغلا لا صار بسمه وتشبيح=
يمكن مع الايام ينهب نهابه
يجيه من يعشق شعاع المصابيح=
ويجر صوته مع لحون الربابه
اللي يحب يعد حب المسابيح=
ويطرب لكثر الاسئله والاجابه
ويطيره بين النجوم المدابيح=
بحجة القصره بليا قرابه
وانا لو احدٍ يسمع الصوت باصيح=
بس الزمان اللي غدابي غدابه
وشكيت حالي للوجيه المفاليح=
وعيّا على القاضي وكيل النيابه
يقول: لعبك صار ركلات ترجيح=
والقول واحد واللعيبه تشابه
للشاعر : مبارك ال خليفه
ودمتم...
04-07-2004, 10:17 AM
العرض المتطور
