----يانسانيس المحبه ----للمبدع جــــــــــــــــــــــــــــراح فنيس

[وكيل آدم]

قال من وصى على القيفان نسناس الشمال = يانسانيس المحبه بلغي عني السلام
لاوصلتي دار خلي والقمر حول اكتمال = اسأليها عن هنوف مايوصفها الكلام
كل ماترخي هدبها والغلا ماله مجال = ارتخى وياهدبها لا رتخى وانسى الملام
بس سلهامة سحاها لاستحت فيها يقال = قطع كبد وطر جيب وحب تالية هيام
مترفة ربي وهبها بالمشي غنج ودلال = من دلعها في دلعها من قبل سن الفطام
ماحداني عن غلاها لوم عمان وخوال = وماحداني عن لقاها غير عادات وحرام
والا انا من دون عمري واحتمي بنت الرجال = لا رتخت بعض الشوارب واجلدت مثل النعام
وان بكن بيض العذارى وحذفن سود الشيال = يطنخ الرجال فطرة ويحمي بنت الكرام
لعنبو اللي ماحمى دارة وعرضة والريال = لعنبوة بكل حزة من صباح اليا ظلام
افرحي يابنت فيني وازهميني بالخيال = وابشري قبل انتباهك بالهمام بن الهمام
اببشريبي لا سألتيني قبل رد السئؤال = واتركيني للمنايا لا وقع ذاك اللثام
واحدٍ ماثار دونك ماتقهويه الدلال = ينثر الفنجال في وجهة قبل رد السلام
وان بغاني واتصلبي حشمتة رفض اتصال = وهذا هو احسن تعامل في ذرابه واحترام

[فلاح بن جمل]

ارحب يآ وكيل لآ هنت يآ القرم علآ ذآ ذوقك القمه .. وصـح اللسآن الشآعر : جرآح .. !


لكـ خــآلـــــ ص تحيآتــــ ي ..

[فلاح بن ملبز]

اررررررحب يا وكيل أدم

وصح لسانك ولسان جراح

ولقد استمتعت بسماعها منه شخصيا ً

وكانت اعذب من قرأتها ،

ويعطيك العافيه على هالنقل الجزل

ولاهنت

[عبدالله الدبساني]

يعطيك الله ألف عافيه يالقرم ولا هنت على الأبيات الجزله

[محمد بن دسمه]

لعنبو اللي ماحمى دارة وعرضـة والريـال
لعنبوة بكل حزة مـن صبـاح اليـا ظـلام


ياسلام


صح الله لسانك ولسان جراح ..

جعل يمناك ماتعطب

لاهنت نفداك

[مــقــبــل]

ماحداني عن غلاها لـوم عمـان وخـوال
وماحداني عن لقاها غيـر عـادات وحـرام


:

الله الله



:


صــــــح الله السان أبو شبيب شهادتي فيه مجروحه



:


:

وكيل أدم تسلم يمينك على النقل الرائع

[محمد ال شريد]

لا هنت ع ذا الجزله من بن فنيس

.
.

استمتعت بقرائتها منك
واستمتعت بسماعها منه شخصيا

.
.

وصح السانك والسان بن الخال جراح



محمد ال شريد