المعري ..

[Khaled 100]

المعري ..

إن عشقت اليوم عشته وإن كرهته قلت غور
الثوانـــي .. الدقـايـق و الليـالـــي ذالـفـــه

نـــكره ونـعشق .. لكن ســنة الله ما تـــبور
ربّ شـيء تـكـرهوا خيرا لكم من خـالفــــه

بس فبه أشـياء الا من صرت كارها معـذور
أرتفـع عـنها ونفـسـي عن غثـاهـا حـالفــــه

أكـــره الرجــال لامن صـــار نمـــامٍ هذور
مــا مـعه سدٍ بعـيـد ومــا يحـفظ السـالفــــه

وأكــره الرجــال لامن طاوع أمات البزور
لارضن يرضى ويزعـل لا زعـلن مكالفــه

وأكره الرجال لامن صار به نقص وغرور
فوق بــرج العــاج يبني كبريــاه التــالفــــه

لو قرى شعر المعري مانسى بعض السطور
كــل بـيت فيه حـكمـه والحــكم متـخالـفــــه

" قال سيروا فوق سطح الأرض رفقاً بالقبور
مــا أديــم الأرض إلا للشــعوب الســالفــــه "

وأكـــره الحـكمه إذا قامــت على الذلـه تدور
مثل قولٍ إن كـنت ما تقـدر عـدوك حــالفــــه

وأكـــره الدنـيــا الا من قامــت تعل الصـدور
بـاعـدت خـل وخــلـيـل وفـرقــت مـتـوالفـــه




عبد الله بن علوش

[ابوحمد الشامري]

لو قرى شعر المعري مانسى بعض السطور=كل بـيت فيه حكمه والحكم متـخالـفه

لاهنت يا اخي العزيز ( Khaled 100 ) على هذا الاختيار الرائع صح السانك.

تحياتي لك يا السنافي

[راكان اليامي]

أكـــره الرجــال لامن صـــار نمـــامٍ هذور
مــا مـعه سدٍ بعـيـد ومــا يحـفظ السـالفــــه

اخي العزيز ( Khaled 100 ) على هذا الاختيار الرائع صح السانك.

تحياتي لك يا السنافي

[هند]

لو قرى شعر المعري مانسى بعض السطور= كل بيـت فيـه حكمـه والحكـم متخالفـه
*
*

وأكره الحكمة إذا قامت على الذلة تدور =مثل قولٍ إن كنت ما تقدر عـدوك حالفه
وأكره الدنيا إلا من قامت تعل الصدور = باعدت خل وخليل وفرقت متوالفة

الأخ القدير ( خالد )

صح لسانك ، ولاهنت

أبيات جميلة وكلمات جزلة ..

يعطيك العافيه ..



السؤدد

[Khaled 100]

ابوحمد الشامري


صح بدنك اخي العزيز ...

وشكرا على المرور ..

[Khaled 100]

راكان اليامي

صح بدنك ... وماقصرت طال عمرك ...

تقبل تحياتي ...

[Khaled 100]

السؤدد

الله يعافيج ....

اسعدني مرورج ...


تحياتي ...