قصيدة المري في قبيلة الدواسر

[خطلان الايدي]

قصيده لشاعر/ عامر بن نوطان المري رحمه الله في مدح قبيلة الدواسر

قبيلـة(ن) كـم فرقـت مـن قبيـله=وطقت شرايدهم وراحت نزايـع
ربع(ن) تقيـد بالسلاسـل ركابهـا=لا جا نهار(ن) فيـه ذبـح وقلايـع
سعيرة(ن) خطلان الأيدي وقودهـا=لا زعزعوا (زايد) وجات الفزايع
يمشي لهم جمع(ن) تنومس فعايلـه=يحط في الجمع الموالي هزايـع
يستاهلون المدح كسابـة الثنـا=من ماضي التاريخ ماهي بدايـع
جلابة(ن) للـروح لاجـات حزتـه=يوم العمار بسوق شاري وبايـع
أشر واجهل من جهل كل جاهـل=لا ولعت نـار الفتـن بالولايـع
يصعد براس النايفه من وزابهم=يوم السنين اللي تشيب الرضايع
كن الجنايز في نحايا جموعهـم=أعجاز نخل(ن) خاويـات(ن) صرايـع
قبيلة(ن) يعتز مـن يننتخـي بهـا=دون الجهام ودون ستر الربايـع
ديارهم محد(ن) نزل فـي حدودهـا=ولا طمعها من يـدور الطمايـع
لاجا نذير الحرب بنـوا بيوتهـم=والمال خلي في المفالـي رتايـع
تامن بهم سود(ن() طـوال(ن) رقابهـا=وسود الغروس اللي ثمرها نوايع
قصيرهم يرحل وهو في جوارهم=وينزل لحاله في قفر كـل خايـع
اللي يصافيهم له احلى من الشهد=واللي يحاربهم يـذوق الفجايـع
هذا وصلى الله على سيد البشر=شفيع الامه عند راعي الشفايـع

[البليهي]

كفو والله كفو



بالدواسر جميع عيال تغلب وعيال زايد




وافين وقصيده جزله




رحم الله الشاعر عامر بن نوطان



ولاهنت اخي على النقل

[فيصل ال رشيد]

تسلم لاهنت على النقل

ويستاهلون اولد زايد

[ال محفوظ العجمي]

يستاهلون الدواسر .. ونعم مليون


والله يرحم الشاعر ..

وجزاك الله خير ع النقل

[@بنت الشيوخ@]

صح لسانك ونقلك..ويستاهلون الدواسر..

الله يعطيك العافيه,,

بنوته...