السلام عليكم و رحمة الله و بركاته
إحدى قصائد الأمير الشاعر/عبدالرحمن بن مساعد
كان موضوعها النساء و وصف كامل عن طبع بعضهم فتفتقت قريحته عن هذه القصيدة :
يا كاعب الطبع الفريـدياللي في صدقك تكذبي
يا أقـدم الكيـد الجديـدكيد انسجن منـه نبـي
يا جاريه تملـك عبيـديا مقيده تسبـي سبـي
القوه في ضعفـك تبيـدوسلاحك الدمع اسكبـي
ما يعجزك قاسي عنيـدالكهل يصبح بك صبـي
ينصاد ويظن انه يصيـدويصدقك هـذا الغبـي
ويظن انه الفذ الوحيـدما يدري انـك تلعبـي
مسكين هالجاهـل بليـدظنه بوصلـك ترغبـي
ان جاك اقفيتـي بعيـدوان صد عنـك تقربـي
وان شفتي اخلاصه يزيدفـي حيرتـك تتقلبـي
وان بان لك فجأه سعيـدمن هالسعـاده تغضبـي
وان قلتي عني لا تحيـدوطاوعـك تستغـربـي
وان قلتي فراقك أريـدوغـاب عنـك تندبـي
ياطالب الـراي السديـديا حاير بطبـع الظبـي
أقرب من حبال الوريـدوابعد من المجد الأبـي
وأوضح من أنوار تقيـدواخفى من النمله دبـي
الشـك فيهـا الأكـيـدوغموضها بـه تختبـي
شف فعلها يحكي ويعيدالغـدر شيمـة مذهبـي
زادي النكد به استزيـدوالمكر صافي مشربـي
البعض ينصاني مجيـدوالبعض يحبيلي حبـي
ضعفي قوي وذلي عتيديا ليت اعرف مأربـي
شف فعلها برجل شديـدتلقى طلبـك ومطلبـي
تعطيه بعض اللي يريـدوتاخذ جميع اللي تبـي
أستثني من هذا القصيـدكـل النسـاء بكوكبـي
و هذا رد من الشاعرة ( أميرة الكون ) على القصيدة السالفة الذكر
مغرورة في طبعي الفريدياللـي كلامـك مطلبـي
هذا الحكـي رايِِ سديـدهذا الشـروق المغربـي
ياأسخنـك طبـع الجليـدياابـردك دمـع الظبـي
ياللي تحاربنـي بقصيـدوباسم الرجولـة تختبـي
لاتحكي عن ضعفي وتزيدضعفي قوي وانتا تهبـي
أجري في دمك والوريـدواسبي لك احساسك سبي
فيكم شهـم فيكـم شديـدفيكم غرامـي ومأربـي
وفيكم من احساسه بليـدوأكثركم طبعـه لولبـي
قربك الـم فرقـاك عيـدوعزّي وذلّـك مكسبـي
مـن عهـد آدم للجديـدحب النسـا سنـة نبـي
إنزف شعورك لو تريـدلوك تحـاول لـو تبـي
ماهمنـي نــار تقـيـدولاهمنـي راي الغـبـي
أرفض قيودك والحديـدأقفي وتسعىلـي تحبـي
أستثني من هـذا الوعيـدكـل الرجـال بكوكبـي
أرجو منكم التعليق على القصيدتين لما لهما من معاني كبيرة
و لغة محاورة مثيرة و إقفال للقصيدة بذكاء ينفي كل ما احتوت
تقبلو مني التحية و التقدير
03-06-2004, 05:05 PM
العرض العادي
