طبخه في قوطي نيدو !! لأصحاب الكشتات ...

العجمـــيه · #1 17-12-2005, 02:25 AM

السلام عليكم ورحمة الله وبركاته

جايبه لكم طبخه ان شاء الله تعجبكم بس منقوله للأمانه
للي يحبوون البر والكشتات يسوونها ويدعون لي

الطريقة :

- قوطي نيدو كبير ويكون الغطاء معدن وليس بلاستيك .
- تقطيع بصل وطماط وثوم وكل ما يدخل في الطبخ .
- نص زبدة أو أقل .
- لحم أو دجاج أو غيره ( يقطع قطع صغيرة ) .
- ملح وبهارات وغيرها مما تشتهي .
عدم إضافة الماء أبداً .
يوضع كل ما ذكرت في قوطي نظيف مع بعض .
- بعد ذلك أغلقه بإحكام ، ثم ضعه على الجمر .
- كل خمس دقائق تقريباً حرك القوطي من الأعلى للأسفل وهكذا كي لا تحترق الوجبة .
- بعد حوالي نصف ساعة تقريباً ( للدجاج واللحم ).

يا تحطونها مع عيش (رز ) أو خبز ولا حتى لو تاكلوها كذا المهم تعجبكم
وبعدها سموا بالرحمن وبالهناء والشفاء

ملاحظه:
نسيت لا اتوهق وبدال لا تدعون لي تدعون علي
القوطي يكون فيه فتحات صغيره تخرقون غطات العلبه علشان ينسم
.

عيد بن شدقان · #2 17-12-2005, 02:43 AM

طريقه سهله وسريعه

الله يعطيش العافيه
يالعجميه

سندريلا العجمان · #3 17-12-2005, 02:54 AM

مشكورة ويعطيكي العافية

نـاصـر · #4 17-12-2005, 08:49 AM

الله ذكرتني بكشتات كيف انت وكيف حالك

لا بعد فيه طريقه حق الشاهي اذا مافيه غوري

بقوطي ما صحه

اتشقينه بنص

وتترسينه ما واتحطينه على الجمر لين ايفوح واتحطين اللبتن وياسلام سلم

بس اللي انا مستغرب منه!! شلون مايميع البلاستيك !!