بسم الله الرحمن الرحيم
وبعد وش حالكم ياربع في محاورة اعجبتني من ناحيه النقض والفتل بين الهرم الكبير
مستور العصيمي وشاعرالكبير تركي الميزاني وعساها تعجبكم واليكم المحاورة
تركي
يالعصيمي كبرت الدعوة وزادت مشكلتها =بيننا والعلم الاول صار غيرة علم ثاني
اكثر العربان تالي الوقت قله خاتمتها =أبتعد عن راعي الفتنه وشره ماكفاني
مستور
خلها عندي وطلع قلبها مع شاكلتها =المشاكل مالها تحليل عندي انسان ثاني
العرب قامت تقرب شعة النار وكلتها=مير لا تسكن بلاد الخوف خلك فالاماني
تركي
أنت فوق الارض يامستور والنكبة تحتها= ماتعرف اللي يسوى بالدقايق والثواني
العجم نرطلها لكن ماتعرف0000 لغتها = وأنت ماجاك الخطاء والزور من منطق لساني
مستور
الجماعة ولدوها في سنه ماهي سنتها =ويش تعرف ويش تروى في فلان وفي فلاني
أصبحت بنت الهوى للعاشق تهز رقبتها=واثرها ماتمشي الا في دروب الامتحاني
تركي
أنقطعنا خشمها قامت تنسم بكربتها= مابقى الاضربت المشعاب من بين الاذاني
الطيور الطايرة ماطارت الا بجنحتها =أفهموا ياهل الحوية وأفهموا ياهل المحاني
مستور
ويش نقول ويش نسوي بالسيوف الي حمتها=كل ماشديت عشر تزيدها عشر وثماني
الدول ياصاحبي ماحد تدخل فنظمتها =وكل دار لها نظام وكل ناس لها معاني
تركي
اليالي المقبله لا بد تطلع خافيتها =والوعد من بيننا والي يدورني لقاني
أنت نفسك طول عمرك ماتدور مصلحتها =مادريت أن اليالي مقفية والعمر فاني
مستور
اليالي الماضيه كل شرب من جابلتها =واليالي المقبلة يطلع لك سهيل اليماني
وأبرك الايام ياتركي ترها مفارقتها=لا تغني لك على الاوتار داني يلاداني
تركي
تدري أن السيل لاحول على الديرة سحتها= لاترجاء العيد قدام الضحية ورمضاني
تدري أني ماتحريت التقرب من جهتها=العوض فاهل الوفاء والطيب وأطوال اليماني
مستور
نعنبو راع اليدين الي خذتها ماعطيتها=لا تمسك في الحبال الي يهدون المباني
العرب في تالي الايام ضاعت سالفتها =أحد يامر به بسيئة وأحد يامر بالاحساني
تركي
المصيبة طال عمرك من درس في مدرستها =احصروها لاتروح من مكان ليا مكاني
انت تعرف تاليتها مثل ماعرف تاليتها =الله اكبريوم نذكر وش جرى هاك الزماني
مستور
الجيوش الي تناور وش تكون مناورتها =مدها ياصاحبي بعتادها والجبخاني
من يدورها طرب يمديه فالحفله أكتفتها=وان ذبحنا الحية الرقطاء يقوم العقرباني
وسلامتكم
19-07-2007, 01:12 AM
العرض العادي
