(( تبيع لك ناقه أو تبيع لك شاه&&أقطع ايديني ان قيل وين انت غادي )) !!!

[محمد فهد العرجاني]

مساكم الله بالخير والعلم الطيب


بويتات متواضعه للتواصل بعد غياب ويعساااها تشفع.


صلو على النبي,,,,,,,,,,,,,,,,,,

القلب حدته الطواري على اقصاه= ياشينه ان حدك على الضيق حادي

ماهو على فرقى الهنوف الخونداه= ولاّ تدهور وضعنا الاقتصادي

لا والله الاّ شي صعب اتهجـّاه =لكن بقوله ياطوال الايادي

كان الله بعون الحروف المقفـّاه=العود الازرق ضاع بين الدوادي

والطيب مات ولابقى غير ذكراه= يرحمك ربي يازمان المهادي

وقتٍ به الطيّب تعزه مزاياه=ماهوب وقت مضيّعين المبادي

واليوم جاه الناس كنـّه نقص جاه=والسالفه مابين مهدي وهادي

أخترقو أنظمة القلوب المغطاه=الله يعينك ياشريحة فوادي

ليلٍ سريته ياعرب طول مسراه=قمت اتفكـّر فالمدن والبوادي

الجدي كنـّا نسبره ونتقـدّاه=واليوم ماكنه لنا كان هادي

ياقل من دلـّو وياكثر من تاه= واللي بدى بالطيب ماكنه بادي

به شي يشرى وشي ياصعب مشراه= يشرى ولكن بالسيوف الحدادي

تبيع لك ناقه أو تبيع لك شاه=أقطع ايديني ان قيل وين انت غادي

لكن منهو باع وجهه وبرضاه= هذا اللي وضعه وضع ماهوب عادي

سوالم

[موهووووب 2000]

يشرفني أن أكون أول عضو يرد على هذه الرائعه

يااااااااااااااااسلام سلم

صح الله لسانك

أخترقو أنظمـة القلـوب المغطـاه=الله يعينـك ياشريـحـة فــوادي

الله وأكبر عليك يامبدع

[عبدالله الحويله]

محمد فهد العرجاني

صح لسااانك

جزل ولا تجيب الا الجزله

[ابن وردة]

لاهنت يابو فهد لاهنت
الطيب مايجيب الا طيب بيض الله وجهك على القصيدة

[مناحي الصميل]

صح الله لسانك

جزله من جزل


لاهنت

[مشاعر حالمه]

اللهم صلي على محمد وعلى آله وصحبه وسلم

محمد فهد العرجاني

القلب حدته الطواري على اقصـاه
ياشينه ان حدك على الضيق حادي

ماهو على فرقى الهنوف الخونـداه
ولاّ تدهـور وضعنـا الاقتصـادي

لا والله الاّ شـي صعـب اتهجّـاه
لكـن بقولـه ياطـوال الايــادي

كان الله بعون الحـروف المقفّـاه
العود الازرق ضاع بيـن الـدوادي

والطيب مات ولابقى غيـر ذكـراه
يرحمك ربـي يازمـان المهـادي

وقتٍ بـه الطيّـب تعـزه مزايـاه
ماهوب وقـت مضيّعيـن المبـادي

واليوم جاه الناس كنّه نقـص جـاه
والسالفه مابيـن مهـدي وهـادي

أخترقو أنظمـة القلـوب المغطـاه
الله يعينـك ياشريـحـة فــوادي

ليلٍ سريته ياعرب طـول مسـراه
قمـت اتفكّـر فالمـدن والبـوادي

الجـدي كنّـا نسبـره ونتـقـدّاه
واليـوم ماكنـه لنـا كـان هـادي

ياقل من دلّـو وياكثـر مـن تـاه
واللي بدى بالطيـب ماكنـه بـادي

به شي يشرى وشي ياصعب مشراه
يشرى ولكن بالسيـوف الحـدادي

تبيع لك ناقه أو تبيـع لـك شـاه
أقطع ايديني ان قيل وين انت غادي

لكن منهو بـاع وجهـه وبرضـاه
هذا اللي وضعه وضع ماهوب عادي


صح السانك على الابيات الرائعه

كلها حلوة واكثر بيت اعجبني الاخييييير

تحيتي لك / مشاعر حالمه

[شيخ المراجل]

عزالله إنها قصيدة وافيه وابياتها جزله أحسنت وصح الله لسانك.

[حلا العجمان]

صح لسانك وعز الله القصيده الجزله وماهي غريبه عليك لأن كل قصايدك حافضتها من حلاها واولها :
(لبى عيونه ولبى زوله الغالي)

[عايض البقمي]

محمد



سلمت يمينك

[البليهي]

ياسلام


بيض اللة وجهك ياشيخ على ذالقصيدة الطيبة



صح لسانك